مقپرة توت عنخ امون

الولد إللي جوه الصورة دي ليه حكاية هتعجبك أوي..
طبعا العالم كله يعرف إنه هاورد كارتر هو إللي اكتشف مقپرة توت عنخ آمون إللي بيتم اعتبارها واحدة من أشهر الاكتشافات الأثرية عالإطلاق والمقپرة الوحيدة إللي تم العثور عليها كاملة مقفولة لسه على حطة أيد قدماء المصريين..
بس في الحقيقة مش هاورد إللي اكتشفها خالص دا الطفل حسين عبد الرسول وهو عنده 12 سنة لسه هو إللي عمل الاكتشاف العظيم دا وهاورد نسبه لنفسه.

هاورد إللي هو عالم آثار انجليزي من حوالي 100 سنة بالظبط قرر إنه يعمل حملة للبحث عن مقپرة الملك المصري توت عنخ آمون وقعد يهري يمين وشمال ويبحث تحت وفوق ولا حياة لمن تنادي لغاية ما أصابه اليأس تماما وقالك أنا استحاله ألاقيه خلاص وهو أكيد مش هنا لازم انقل بحثي منطقة تانية.
في يوم 4 نوڤمبر 1922 وهما شغالين كده ساعة ضهرية طلبوا من الراجل المسؤول عن الانفار يعملهم شوية شاي يظبطوا المزاج وبتاع فقام الراجل منادي على إبنه حسين وقاله خد الحمار وروح هاتلنا شوية ماية عشان نعمل دور شاي للخواجات! وبالفعل حسين راح جاب جره ملاهم مايه وربطهم عالحمار ورجع تاني للموقع بتاع التنقيب في واد الملوك والملكات..
وهو في السكة بقى حس إنه الجرار مش مربوطة كويس وهتقع فنزل عشان يربطهم كويس ويظبطهم فقام فاكك واحدة منهم ومنزلها عالارض وهو بقى لسه بيحطها ع الأرض سمع إنها خبطت في حاجة جامدة بالرغم من إنه حاطتها على رمله!
الواد نزل بايده وقعد يحفر لغاية ما وجد بداية سلالم فخد ديل جلبيته في سنانه وطلع جري ياعمي كارتر ياعمي كارتر.. وبالفعل لما كارتر جه وحفر وجدوا السلالم إللي بتؤدي لمقپرة توت