خطيبى ضيعنى
بقا بس انا بقول غيابها ده مش طبيعي ابدا يلا ربنا يسترها على ولايانا بقولك ايه انت سيبك منهم الناس الفقر دول والبت الشؤم دي ولما ان شاء الله ترجع بيتهم ده ان رجعت يعني انت تفسخ الخطوبة معاها ويادار مادخلك شړ
طارق
مش لما ترجع بس ياما نبقى نشوف الموضوع ده انا نازل
الام
رايح فين دلوقتي الوقت اتأخر انت هتروح فين
هاروح مطرح مروح انتي عايزة مني ايه ماتقفلي على نفسك وتنامي ياما يلا انا ماشي
الام
استني عندك هو انت برضه مش ناوي
تنزل تشوف شغل بدل مانت فاشل كده
والله مش عارفه لو البنت دي مكنش
حصل اللي حصل ليها ده كنا هنعمل
اي في الكلمه اللي ادينها ليهم
طارق
ارحمني بقي انتي كل شويه تقولي
واحد في سني مش عارف يجيب اي
حاجه في جهازه
الام
خلاص روح هو انت هتفتح
فيا أنا كتك الهم واد نكدي بصحيح
وفي البيت عند سعاد وحسن كانت بټعيط وحسن قال لها
حسن
اهدي ياسعاد مش كده كفايه بقا انا تعبت من كتر العياط وانتي كمان تعبتي وضغطك على والدكتور قالي لازم تبطلي الزعل ده
بنتي ياحسن بنتي انا حاسه اني هيجرا لي حاجة وانا مش عارفه عنها حاجة كده هو الواد اللي اسمه سيد لسه معترفش وقال وداها فين
حسن
لسه ياسعاد بس انا حاسس ان الواد ده فعلا مايعرفش عنها حاجة الواد بقالة خمس ايام اهو وهما بيضربوه ويعذبوه وهو كل اللي جاي عليه انه ميعرفش حاجة عنها
سعاد
طيب لما مش هو اومال مين بس ياحسن مين اللي هيعمل في بنتنا كده
طيب افتكري يوم لما اختفت انتي مزعلتيهاش ولا حاجة ياسعاد يمكن فاطمة تكون.......
سعاد
تكون ايه ياحسن كمل انت فاكر ان بنتك ممكن تكون طفشت بقا انت تعرف عن فاطمة كده دي ست العاقلين كلهم وعمرها مانعمل حاجة زي كده ابدا بنتي وانا عارفاها كويس
حسن طيب هاتكون فين بس وفجأة الباب خبط وراح حسن يفتح وكان طارق وقاله
عامل ايه ياعم وحماتي عاملة ايه قلبي عندكم
والله العظيم انا مش عارف اقعد في اي مكان
ولا اكل لقمه حتي وجريت عليه سعاد وقالت
سعاد
مفيش اي اخبار ياطارق يابني ولا حاجة
ارجوك يا ابني انا معنديش غياب غيرها
وعايزك تكون ابني وتشوف ليا بنتي
طارق
مفيش ياحماتي انا حتى لسه جاي من القسم والواد اللي اسمه سيد ده معترفش بحاجة وكل اللي جاي عليه ميعرفش مكانها فين
مش انا لسه بقولك كده ياسعاد
سعاد
طيب بنتي فين راحت فين ياحسن بنتنا اللي معندناش غيرها في الدنيا راحت فين انا هتجنن اااه يابنتي اااه ياني يارب طمني عليها
طارق بتمثيل
ان شاء الله ياجماعة ربنا يطمنا عليها انا اصلا قلبي وجعني عليها اوي اصل فاطمة دي أغلى حاجة عندي في الدنيا ومش قادر اتصور بعدها عني ده انا كان نفسي نتجوز ونعمل بيت انا وهي
حسن
ان شاء الله يابني هترجع انا عارف بنتي كويس ان شاء الله هترجع
وعند فاطمة راح لها طارق وقال لها
طارق
وحشتيني يابطوط انا جبت لنا بقا شوية اكل ياحبيبتي عشان ناكل سوا ايه رايك لو فكيتك بس متعمليش صوت لحسن اخلص عليكي ومحدش هيحس
فاطمة
طيب فكني ومش هعمل صوت وكم
فاطمة
طيب فكني ومش هعمل صوت وكمان انا جعانة وعايزة اكل بأيدي بدال ما انت بتأكلني مش بعرف اشبع
طارق
ماشي هفكك واهو كمان عشان تلبسي لي الهدوم بتاعت النوم دي اصلي هتجنن واشوفها عليكي فاطمه سامحني علي اللي حصل
بس ابوكي عمره ما كان هيوافق نتجوز
وانا ظروفي زفت
فاطمه
اللي حصل حصل بقي بس اكتب عليا
