بقلم منار الصافتى
انت في الصفحة 1 من 4 صفحات
الجزء التاني
ولكن وأنا مروح ومقرب عند البيت شوفت حاجة رعبتني..
لأني لاحظت إن فيه راجل موجود تحت الشجرة جنب الترعة في الضلمة وعمال يبصلي بنظرات مخيفة..
وأنا مكنتش متعود أني ألاقي حد في الطريق ده بليل كده..
ولكن إللي رعبني أكتر أني لقيت الشخص ده مسك حاجة غامضة ورماها في الترعة
لأني سمعت صوت اصطدام الحاجة ديه في ماية الترعة..
لكم ماية إيه الترعة ديه جافة من سنين.
أنا شكل بيجيلي تهيؤات لأني شوفت الترعة على انعكاس نور القمر المكتمل
وكانت فعلا مش جافة..لكنها كانت مليانة د..م الترعة بالكامل بتنضح ډم !
يا ساتر يا رب
قطعت الطريق كله جري للبيت وكنت مړعوپ وأول ما شوفت مراتي قولتلها
احنا لازم نعزل من هنا و حكيت ليها إللي قاله الشيخ لقمات.. !
لكنها اڼفجرت في وشي ورفضت تسيب البيت وقالتلي
أنا ما صدقت بقي ليا صحاب هنا و حاجة تسليني و الشيخ لقمان بتاعك ده مقالش أسباب و ازاي يبقي شيخ و يرمي الناس بالباطل كده !
بصراحة ما استغربتش موقف مراتي
خاصة انها متعلقة بسوسن الطفلة الصغيرة تعلق كبير و أوقات كثير كانت بتخليها تنام معانا ..
و لكني اقنعتها بصعوبة اننا ندور علي بيت تاني بعيد عن الترعة ديه خصوصا بعد إللي البلد كلها بتحكيه علي رأي المثل ابعد عن الشړ و غنيله
ولكن تاني يوم صحينا على صوت البوليس ودوشة كبيرة علي غير المعتاد هنا..
و لما نزلت أشوف فيه إيه .. جسمي اتجمد لما شوفت الترعة وهي عبارة عن بركة من الم.
يعني إللي شوفته مكنش تهيؤات..
قال رجل المباحث و رجال الصحة أن الم ده ممكن يكون بسبب شوية حيوانات نافقة لوثت الترعة و أن المايه رجعت للترعة بسبب تراكم مياه الأمطار..
لكن باقي الأهالي مصدقوش الكلام ده وبدأوا يقولوا
شكل البلد ديه هتفضل ملعۏنة طول عمرها
وواحد تاني قال الله يخربيتك يا أم سوسن يا .
لكن واحد تاني رد عليه وقاله و هي الست سنية أم سوسن ذنبها إيه سنية جابت البنت لكن شكل الغريبة إللي هتجيب الولد وصلت و اللعڼة أبتدت
المهم البوليس فض تجمع الأهالي وبقى عندي فضول أعرف إيه اللي بيحصل..
حاولت استدرج الفلاحين علشان أعرف إيه اللي بيحصل ولكن كل ما أسأل حد يقولي
يعم الله لا يسيئك أني عندي عيال عاوز أربيهم
بس عرفت مين إللي هيقولي عم مغاوري الحارس بتاع مخزن التقاوي .. راجل فضولي و بيحب يتكلم في إللي ليه
