يقول الدكتور مصطفى محمود

يقول الدكتور مصطفى محمود رحمه الله

" نعمة الستر "
كان فيه راجل بيبيع جرايد جنب حديقة الحيونات بالجيزة
كنت اعدى عليه كل يوم بعد توصيل زوجتى للعمل اقف معاه شوية وبعدين اشترى منه الأهرام علشان اتعلم أسلوب الكتابة لكن علمني حاجة أهم من ذلك
هذا الراجل علمني درس مهم جدا للعمر
لما كنت أسأله ازيك انهاردة يقولي "في نعمة الستر"
فأندهشت من الإجابة وسألته ليه الستر تحديداً ؟
قالي { لأني مستور من كله } 
ستر ايه يا حج ده إنت البلوڤر بتاعك فيه رقعتين مختلفين اللون
فـ لما حس بغبائي فبادر بالشرح.
قال الستر ده أنواع :-

‏ لما تكون مريض بس قادر تمشي على رجلك ده ستر من مڈلة المړض
‏ لما جيبك يكون فيه جنيه يكفيك تنام متعشي حتى لو عيش حاف ده ستر من مڈلة الجوع 
لما تكون تملك ملابس تحميك من البرد حتى لو مرقعة ده ستر من مڈلة البرد
لما تكون قادر تضحك وأنت حزين لأي سبب ده ستر من مڈلة الكسرة
‏لما تكون قادر تقرأ الجريدة اللي في ايدك ده ستر من مڈلة الجهل
‏لما تقدر تتصل فى أى وقت بأهلك تطمنهم عليك وتطمن عليهم ده ستر من مڈلة الوحدة
-لما تكون عندك أي وظيفة حتى لو بياع جرايد زى حالاتي بس مش بتمد ايدك لحد ده ستر من مڈلة السؤال
‏لما يكون ابنك ربنا مبارك في صحته وتعليمه وبيته ده ستر من مڈلة القهر
- لما يكون عندك زوجة بنت حلال وشايلة الهم معاك ده ستر من مڈلة كسرة الراجل قدام مراته
الستر يا ابنى مش ستر فلوس .. الستر ستر نفوس
تذكر إنك تملك نعم يتمناها ملايين‏ البشر إنها نعمة الستر
* جعلنا الله وإياكم من المستورين بستره الجميل *
* اللهم أدم علينا سترك دنيا وآخرة *
* اللهم استرنا بسترك الجميل في الدنيا والآخرة *