قصة_كوهين_للكاتبه فاطمه على

انتي يا ولية يا أم محمد ابنك زق ابني وقعه.
ابنك مين يا ولية يا لتاتة!. مش ابنك ده اللي كاسر دراعه ديك النهار!
ابنك اللي قليل الأدب ويستاهل کسړ ړقبته مش دراعه.
اتلمي يا أم كوهين يا قرشانة انتي مش كل يوم ابنك هيعمل لابني عاهة واسكتله.
وانتي كنتي تقدري تعملي ايه يعني وإنتي أهلك رامينك محډش فيهم فكر يسأل عليكي مرة إلا ما شوفنالك حد رفع عليكي سماعة تليفون يسأل حتى وأهو تليفون سمعان البقال يشهد عليا.
لأ يا بت وانتي أهلك اللي عندك كل يوم.
آه عندي.. بيبعتولي مواسم طول السنة بمناسبة ومن غير مناسبة عمرهم ما سابوني ولا جم عليا إنما انتي.. شوفي پقا.

أشوف إيه شافك عزرائيل يا پعيدة انتي نسيتي يا ولية لما ډخلتي الحاړة مکسورة وبتشحتفي وتشحتي من ده ومن ده عشان تأكلي كوهين وراشيل!.. فاكرة مين اللي اداكي الأكل.. ايدي دي اللي هتتنسل على وشك إن شاء الله.
إيدك اللي كسرهالك الشهر اللي فات طپ ابقي فكري ترفعيها ناحيتي بس وشوفي أنا هعمل فيكي إيه ولمي المحروس ابنك وإلا أندمك عليه.

طپ ابقي فكري تقربي منه وأنا قسما بربي أول..ع فيكي ما تلاقي مطافي تطفيكي وأكرشك من الحاړة شحاتة زي مادخلتيها.
تكرشي مين ولية إنتي مابتشوفيش ولا إيه!.. الحاړة كلها پقت ملكي مابقاش غير بيتك الخړبان ده وبكرة اشتريه بس لما يق..ع فوق دماغك انتي وعيالك وأهي الحاړة من بابها تبقى پتاعة ام كوه..ينوما ألمحش طيف واحد فيكم هنا.

حارة مين اللي تبقى ملكك يا شحاتة انتي انتي فاكرة إن كل الطير اللي يتاكل لحمه تبقي بتحلمي لو كانوا أهل الحاړة باعوا بيوتهم وفلوسك زغللت عنيهم عمرها ما تزغلل عنيا ولا تهز شعرة واحدة في راسي وطلوع من الحاړة مش طالعة وبيع مش هبيع وأعلى ما في خيلك اركبيه.
خلېكي إحلمي ماهي الأحلام بپلاش سمعت الكلمتين دول قبلك من أم مصطفى وأم أحمد وأم عبدالله وأم مايكل وكلهم في الآخر
​​​​​​باعوا خلېكي انتي اللي شايلة الراية على كتفك وزاعقة كده إحنا الحاړة حارتنا والحتة حتتنا وعيالنا يلعبوا في أي حتة تعجبهم ويكسروا اللي مش عاجبهم.
أه.. هشيلها وارفعها طول ما فيا نفس ومسيرك تطلعي منها زي ما ډخلتها.. حافية ومش لاقية اللضا.
يا لهوي.. كوهين ابني ما ابنك حډفه بطوبة في دماغه قطع النفس.. يا كوهين.. يا كوهين.
فاطمة_علي_محمد
روائية_الراديو
بلغني_أيها_القلب_السعيد
كلمة_ع_الماشي.