اتجوزت بطله مصارعه

دى... حست انها ضيعت على نفسها فرصة انها تكون مع مهاب بسبب جسمها اللى بوظته بغبائها ....ليه 
سؤال سألته لنفسها ليه هو بالزات اللى قدامه ببقى بنت ليه هو بالزات اللى عاوزاه يشوفنى بنت مش راجل اشمعنا مهاب فيه ايه شاددنى ليه كده 
ومخلينى ببقا ضعيفه قدامه 
معقول حبيت 
طيب وفيها ايه لما احب هو انا مش بنت ومن حقى احب لكن هو محبنيش ولا شكله هيحبنى فيوم من الايام 
وعشان كده لازم احاول انى اسيطر على مشاعرى شويه وخصوصا ان هو عمره ماشجع مشاعرى دى. مش عارفه ازاى بس هحاول
قمر دخلت عليها المطبخ لقتها بتمسح دموعها قربت منها وحطت ايدها على كتفها وريناد اترمت فحضنها واتفتحت فى البكا
قمر يقطعك يامهاب ياجحش انتا 
ريناد بعد الشړ عليه متدعيش عليه 
قمر عتحبيه ياحبة عينى معلش هو الحب بهدله اكده اللهم بهدلنى بالحب يارب 
ريناد ضحكت من وسط دموعها 
قمر ايوه اكده اضحكى محدش واخد منها حاجه واصبرى ياعالم بكره داسسلنا ايه حداه 
ودلوك يلا هاتى الوكل عشان المقندل خرج من الحمام 
ريناد حاضر انا سخنت الاكل اهو 
قمر اخدت طبقين وحطتهم قدام مهاب ورزعتهم رزع 
مهاب قام الهواس عليكى 
قمر بصتله ودخلت جابت باقى الوكل مع ريناد وقعدو كلهم على السفره
مهاب مفيش حتة طرشى اكده تفتح النفس 
قمر عارفه انا الوكل ده مهيعجبكش عشان باين عليك عتاكل حجات تانيه بره اليومين دول مأثره على مخك 
مهاب رفع حاجبه حجات ايه العكولهه بره دى يختى
قمر تبن 
مهاب زور وريناد ضحكت بصوتها كله 
قمر زورت اسماله عليك كل بالراحه 
مهاب ياقمر هكسر نفوخك ورب الكعبه.. انا الظاهر جلعتك قوى وابتديتى تقلى ادبك.. انا عاكل تبن ياجزمه
قمر امال ودانك طولو ليييه مهاب بتلقائيه حط اديه على ودانه 
ريناد 
مهاب ياقمر هموتك اقصرى الشړ 
قمر ريناد شفتيه لما عس ودانه 
ريناد هزت دماغها وهى بتضحك
مهاب وانتى كمان فشتك عايمه ليه طب هى واتهوست من زمان وانتى 
ريناد على وشك مش عايشه معاكم 
مهاب على رأيك دا كفايه انك قاعده مع المخبله دى ليل نهار وسابهم وقام واداهم ضهره
قمر يامرى شفتى الديل مهاب بتلقائيه حط ايده على مكان الديل وقمر وريناد خربو ضحك ومهاب رجع على قمر وفضل يضرب فيها فكل حته وهى تضحك وريناد تحوشه منها وهى بتضحك هى كمان... وفى الاخر اداها شلوت
قمرشفتى الرفصه اللى رفصهانى دلوك دى اهى دى اكبر دليل وجريت من قدامه وقفلت اوضتها ومهاب واقف ومتغاظ منها وريناد بتضحك عليه
مهاب بصلها ورفع حاجبه وهى شاورت على بوقها وسكتت وهو دخل الاوضه بتاعته وريناد اتفتحت فى الضحك وهو من جوه قلدها ههههههههههااااى اههههه هتموتى من الضحك خدى نفسك
ريناد ضحكت اكتر ودخلت عند قمر بعد ماخبطت على الباب
ريناد على فكره هيموتك فيوم 
قمر ميقدرش عيحبنى 
ريناد لكن عصبى 
قمر مش مع حبايبه مهاب مع اللى بيحبهم حاجه ومع باقى الناس حاجه ومع البيكرههم حاجه تانيه خالص وبيتحمل الهزار والشتيمه لكن اهم حاجه مش قدام الناس.. بالك انتى لو قلتله الكلمه دى قدام حد كان دفنى حيه فمكانى
ريناد اتنهدت ميكس غريب 
قمر بس قلبه طيب والله بس عيبه الوحيد انه بعض الاحيان معيفرقش بين مصلحته وضرره... بين عدوه وحبيبه.. وده اللى وصلنا لهنه دلوك... يعنى مثلا ايراد المحصول بتاع ارض ابوى هو اللى كان عيستلمه ومن خيبته يروح يوديه كله لحمد ومروان وميطلعش لانصيبه ولا نصيبنا ويقول مهى الفلوس قاعده حداهم هتروح فين يعنى..
ريناد دى طيبه وقلب ابيض 
قمر له دا هبل بعيد عنك مهى الطيبه لما عتزيد عن حدها عتقلب هبل وهطل زى اللى عند مهاب اكده
ريناد اتنهدت على فكره اللى يشوفك انتى ومهاب ميقولش عليكم صعايده ابدا لا طريقه تفكيركم ولا نقاشاتكم ولا هزاركم مع بعض وخصوصا هزارك انتى وطريقة كلامك مع مهاب اللى انا مستغرباها جدا!!!! 
يابنتى انتى بتقولى كلام قدامه مفيش اخت تقوله لاخوها وهو مستحملك عادى كده ومش

بيزعل منك
قمر عشان انا ومهاب اتربينا على يد وحده اسكندرانيه تلاقينا محداناش عقد الصعايده دى هجين يعنى وياستى هزارى ده مع مهاب هو اللى عودنى من وانا صغيره اننا مفيش فرق بينا وبيعاملنا انا وحسن الله يرحمه كأننا اتنين صحابه ....عياله ...اى حاجه كده مفيهاش الخنقه فى الكلام بيناتنا
قمر اتنهدت يابختكم ببعض ويابختك بمهاب فى حياتك
قمر فهمت حزنها هقولك حاجه ياريناد ومتزعليش منى 
ريناد لا هزعل متقوليش 
قمر مش مهم اتفلقى المهم هقولك انا عاوزاكى تستهمى من نفسك شويه اكده 
ريناد لا 
قمر متعانديش واسمعينى زين انتى مش هتعملى حاجه مستحيله احنا هنجيبو المنشار الكهربائى ابو متور اللى جوه ده وهنشيلو حشائش السفانا الناميه على اديكى ورجليكى دى 
ريناد تشبيه قاټل 
قمر ولا قاټل ولا حاجه بس انتى اللى مشيفاش مراعى دينا اللى حداكى دى 
لا والنصيبه ان دا الظاهر اكيد ماخفى كان اعظم 
ريناد اخرسى انا معنديش سافانا غير فأيدى ورجلى ووشى بس وغير كده فله والحمد لله
قمر طب وبالنسبه ل... وبصت لصدرها ريناد ضړبتها بقلم خفيف انتى هتسمعى كلام اخوكى العبيط ده 
قمر بصى انتى كل حاجه فيكى اصدقها انتى اصلا كلك على بعضك اكده حاجه غريبه عجيبه
ريناد ربنا يسامحك انتى واخوكى 
قمر هيسامحنى وهدخل الجنه بأذن الله بس انتى اسمعى كلامى 
ريناد لا مش هسمع ومش هغير نفسى عشان واحد مش شايفنى اصلا وكمان اللى يقبلنى بشكلى ده اهلا وسهلا مش هيقبلنى انا كمان مش عاوزاه
قمر محسسانى انك هتعملى عمليات تجميل وتغيرى خلقتك دانتى هتنضفى يامعفنه
ريناد ضړبتها بالمخده انا عاجبه نفسى كده معفنه معفنه وابعدى عنى انتى واخوكى
قمر خليكى زى الغوريلا اكده بشعرك الكاسى كل جسمك لغاية مايتلولو عليكى زى العوليق ويكتم نفسك وتموتى يامعفنه
رينادبصتلها وبرقت عنيها و رجعت لورا وجايه عليها مره وحده وقمر صړخت وهي واعياها جايه عليها ونطت فوقيها والسرير اتكسر بيهم هما الاتنين..
قمر عملتى ايه يافقريه حملك السرير اهو اتكسر.. اتكسر يابيج شو ارتاحى هنامو ع الارض 
ريناد ياريت رقابتك هى اللى اتكسرت يام لسان اطول منك عاوز قصه 
قمر بعد الشړ علي شاله خمد وخروان 
ريناد 
عند حمد فى المحجر 
مروان بقولك ايه انا بكره اجازه 
حمد بصوت عالى عشان مش سامع من الالات ليه خير عطايه جديده
مروان له 
حمد امال ايه 
مروان هندلى مصر 
حمد برضو لييه 
مروان مشوار اكده عاوز اتوكد من حاجه 
حمد طالما مهتضرنيش فى حاجه اعمل اللى عاوزه
مروان اتنهد فى سره اه لو لقيت اللى عفكر فيه صوح ولقيتك عتتمرضغ فخير احمد المصرى يامهاب بعد ما خدت البت اللى انا جبتها لنفسى لاقطع خبرك .
مروان سافر مصر وفضل مراقب فيلا احمد المصرى وسأل وعرف ان لا هى ولا مهاب رجعو على الفيلا من ساعت ماسافرت الصعيد
مروان امال هيكونو غارو فين دول 
مسيرى هعرف طريقهم فين ولازمن ادوق الفرسه العفيه دى حتى لو ھموت بعديها
وهيتحرك عشان يمشى لمحه احمد المصرى وهو راجع من الشغل بعربيته واستغرب من مجيه ونزل بسرعهه ولهفه عشان يسأله عن ريناد لكن مروان كان ركب تاكسى واتحرك واحمد ضړب العربيه بأيده بغيظ وعڼف 
عند مهاب 
التلاته قاعدين بالليل سوا قدام البيت ومهاب سرحان فى الارض قدامه 
ريناد انتا