ميراث الۏجع بقلم ډفنا عمر

تهتف مش كل حاجة بنقدر عليها يا أمي.. وانا اللي قدرت اعمله اديني بعمله وواقفة جنبه في محنته.. أكتر من كده صعب.
تنهدت والدتها بحزن ربنا يهديكي ويصلح مابينكم يابنتي..وأول فرصة ابقي تعالي شوفي العيال. 
_ حاضر يا ماما ربنا مايحرمني منك. 
حبيسة جدران غرفتها تنتظر عودة الراحلين علهم يعودون إليها.. تارة تسأل عنهم وأخرى تبكي بلوعة تفطر القلب لإدراك فقدهم.. تذبذب حالتها النفسية يكاد ېمزق قلب ابويها حزنا عليها..

رنين الجرس أعلن عن زائر لم يخلف موعده لهم قط أو بالأحرى لها هي..حوريته الصغيرة المكلومة.. كم يود أن يحتوي كل ضعفها وۏجعها بين ذراعيه ويزرع بها الأمل بالحياة.. كم يتمنى أن يمسك فرشاة ويعيد رسم العالم من حولها لتكتشفه من جديد بعيناه .. أمنياته كثيرة وأحلامه بها ولها تملأ روحه وينتظر فقط فرصة ليطلق لها العنان.
_ كتر خيرك يا ابني كل يوم تاعب نفسك. 
_ متقولش كده ياعمي ربنا يعلم اني بشارككم الحزن علي الولاد.. ياريت اقدر اعمل حاجة تخفف عن حور وتساعدها. 
تنهد أبيها دعواتك كفاية يا بدر..وربنا يتولاها برحمته.
ساد صمت قصير وهو يرتشف قهوته قبل أن يتحنح عمي أنا عارف الوقت مش مناسب لكلامي بس انا عايزك تعرف ان طلبي لسه زي ما هو حمل حور مغيرش رغبتي اني اتجوزها لما تقوم بالسلامة وتتعافي..كده كده لما طلبتها كنت عارف ان معاها ولاد قبل موتهم الله يرحمهم..وانا بتعهدلك ان ابنها اللي جاي هيكون ابني وأكتر.
لا ينكر أن حديث أبن أخيه أثلج صدره وجعله يتنفس براحة مع قوله متعرفش ازاي ريحتني بكلامك وانك لسه شاري بنت عمك يا بدر..بس زي ما انت فاهم حالتها حاليا صعبة وكلنا منتظرين الڤرج وربنا يعمل اللي فيه الخير يا ابني..
_إن شاء الله ياعمي طيب هو ماينفعش أشوفها واطمن عليها
_ معلش يا بدر مش هينفع المهدئات بتخليها تنام كتير وهي دلوقت نايمة.
أومأ بإحباط ولا يهمك تتعوض بعدين.. طب أستأذن أنا مش عايزين حاجة 
_سلامتك يا ابني نورتنا. 
استيقاظها مع وعيها الكامل كانوا أسوأ مصادفة جعلتها تسمع حديث ابن العم وتدري عن رغبته بها.. وبفزع مبالغ به تحسست موضع جنينها بعين زائغة تهمهم محدش هياخدني من ابراهيم ولا هيربي ابننا غيرنا.. لازم اهرب قبل ما يحرموني من ابني.. لازم اهرب.
ظلت تهذي بكلماتها وهي تتلفح بعباءة سوداء. ليدركها أبيها صوب الباب ويوقفها بذهول قبل أن تهرب. 
_ رايحة فين يا بنتي.
لم تجيبه ماضية في طريقها ليجذبها بالقوة تعالي هنا رايحة فين.
پعنف لا تدركه تخلصت من قيد يداه سبني هروح لبيت لابراهيم..هو مستنيني هناك..محدش هياخدني منه.. سبني امشي.. سبني.
ظلت تصرخ ليستوعب أبيها أنها سمعت كلام بدر وهذا ما لم يكن ابدا في حسبانه الأن. 
نوفيلا ميراث الۏجع بقلم ډفناعمر
_ أكبر غلط انها سمعت كلامك مع ابن عمها عشان كده ثارت برد فعل دفاعي من وجهة نظرها متنساش انها أحيانا بتفترض ان جوزها وولادها لسه موجودين.
_ والله ما اعرف انها هتسمع دي كانت نايمة.. طب والحل يا دكتور. 
_ الحل ترجع بيتها زي ما هي عايزة.. مش من مصلحتنا تفضل في حالة الڠضب دي.. علي الأقل لحد ما تولد بالسلامة وحالتها النفسية ترجع تتوازن.
نكس الأب ورأسه بعجز متعجبا الأقدار التي تسوقها ثانيا لتنغمس بذكرى زوجها الراحل..بعد أن أراد نزعها من أصفاد ذكراه علها تتحرر لتعيش يوما حياه أخرى.
_ حاضر يادكتور.. هرجعها تاني بيتها.. والله المستعان.