روايه كامله لمورو مصطفى

انك ح تخربي بيت كمان
زينة بس بس ياهبلة مش مهم اي حاجة المهم اني اخد جاسر واحړق قلب جميلة هانم بتاعتهم دي انا ماشية يابنات سلام دلوقتي ولما اشوف ح اعمل ايه ح اكلمكم فنظرت كريمان لنسرين
كريمان ليه كده يانسرين دي افكار دي انتي ايه يابنتي مش خاېفة من الفكرة السوداء لېقتلوها فابتسمت بخباثة
نسرين ېقتلها ماعتقدش وبعدين أهي مجرد فكرة ياصابت ياخابت عادي يعني فوكك مني ياكريمان انا ماشية جاية معايا
كريمان لا انا قاعدة شوية
نسرين اوك باي
طارت زينة الي البيت وعند دخولها سألت على ابيها فعرفت انه غير موجود فجرت على أمها التي كانت تتحدث في الهاتف فاشارت لها زينة حتى تغلق الهاتف فانهت المكالمة ونظرت لابنتها
حسناء خير ياست زينة
زبنة مامي عايزاك تفتحي دماغك معايا وقامت زينة بقص كل ماقالته لها نسرين فاعجبت الفكرة حسناء
حسناء يابنت الجنية دي دماغها الماظ خلاص بكرة ننفذ الكلام ده تيجي من بره وابوكي مش موجود وبعدها اكلمه واكلم رباب اختي حبيبتي علشان تنقذني
وضحك الاثنان معا ومضي اليوم
للاسف هناك من هم شياطين الأنس وحسناء وزينة منهم يستغلوا طيبة ومحبة من حولهم للوصول إلى اغراضهم حتى لو دمروا أشخاص أخرين او داسوا على قلوب غيرهم
وأتى الصباح واستيقظت جميلة وهي تشعر ان هناك قبضة قوية بقلبها فأخذت تستغفر و استيقظ جاسر وراءها و شعر ان بها شئ فاقترب منها سريعا
جاسر مالك حبيبتي فيكي ايه فنظرت له جميلة بحب ووضعت راسها على صدره
جميلة مافيش ياحبيبي صحيت قلبي مقبوض قوي ونفسي مكتوم مش عارفة ليه ربنا يستر
جاسر ان شاء الله خير حبيبتي تحبي تريحي النهاردة وبلاش تروحي الشركة
جميلة لا حبيبي دلوقتي ح ابقى كويسة ادخل انت الحمام لحد ماحضر لك الهدوم و اروق الاوضة وبعدها ادخل أنا فقبلها جاسر
جاسر ماشي ياقلبي
وانتهى الاثنان وهبطوا للأسفل وجلسوا للإفطار مع عبدالحميد و رباب وبعدها انصرفوا للشركة ومضى الوقت وكان جاسر يعمل هو و جميلة في مكتبه حتى انصرفوا عائدين للمنزل وصعدت جميلة للأعلى هي وجاسر حتى يبدلوا ملابسهم
وفي منزل زينة فعلت كما اتفقت مع أمها وعادت قبل أن يعود أبوها من الخارج وقاموا بتقطيع ملابسها ووضعت عليها حسناء بعض الډماء ثم قامت بضړب زينة بعض الضربات حتى يظهر ان هناك من ضربها حتى يعتدي عليها وبعد أن اطمئنوا ان كل شئ كما يريدون قامت بالاتصال بزوجها وهي تبكي بشكل هستيري وتطلب منه الحضور فورا وعاد كارم سريعا ودخل فوجد منظر حسناء مشعث ووجهها ملطخ بالدموع فصړخ بها
كارم في ايه يا حسناء انطقي
حسناء الحقنا ياكارم الحقنا بنتنا ضاعت بنتنا ضاعت وكانت تصرخ وتخبط على وجهها فامسك يدها وهو ېصرخ 
كارم يعني ايه فهميني يعني ايه ضاعت
حسناء كانت راجعة من النادي عربيتها عطلت نزلت تشوفها وكانت في شارع جانبي وبعدها وقفت عربية جانبها فيها شابين ونزلوا قربوا منها افتكرت ح يساعدوها لكن لكن وأخذت تبكي بشدة
كارم لكن ايه اتكلمي
حسناء ضړبوها وخدوها واعتدوا عليها ورموها في الشارع بعد كده البنت ضاعت يا كارم سمعتنا انتهت
وعندما استمع كارم لكلامها وقع على الكرسي خلفه وشعر بانفاسه تختفي وشعرت حسناء انه في ازمة فطلبت الطبيب فورا وحملوه لغرفته وأتى الطبيب وقام بالكشف عليه وابلغها انه يجب الذهاب فورا للمستشفى فهو عنده اشتباه في الاصاپة بجلطة وتم نقله الي المستشفى وشعرت حسناء ان الموضوع اخذ مسار اخر وتم وضع كارم في العناية المركزة وجلست بالخارج هي وابنتها
حسناء الموضوع اتهبب يازفته وابوكي ممكن يروح فيها
زينة مامي الدكتور قال ان بابا كويس ويومين تلاتة ويبقى كويس هي دي الفرصة كلمي اختك وقولي لها
حسناء المصېبة لو اخوكي عرف ح تبقى مصېبة وممكن يقتلك
زبنة لا يامامي قولي لهم محدش يقوله حاجة يالا كلميها بقى وقامت حسناء بالاتصال باختها
رباب سلام عليكم ازيك ياحسناء عاملة ايه فتصنعت حسناء البكاء وهي تحدثها
حسناء رباب هاتي عبدالحميد وتعالي لي بسرعة كارم في المستشفى بس ابوس ايدك اوعي حد يعرف غيرك انتي وعبدالحميد بس اوعي جاسر يعرف لغايه ماتيجي
رباب ليه ياحسناء
حسناء لما تيجي يا اختي لما تيجي انا في مصېبة
رباب طيب ياحسناء طيب

ح أبلغ عبدالحميد ونيجي بسرعة
حسناء تسلمي ياختي مانحرمش منك واغلقت مع اختها ونظرت لابنتها وابتسموا الاثنان
قامت رباب بالأتصال بزوجها وابلاغه بضرورة الحضور وفعلا قام عبدالحميد بالعودة للبيت وابلغته رباب بما حدث وبطلب حسناء ان لا يعرف احد اي شئ
عبدالحميد ربنا يستر مافيش حاجة بتيجي من وراء اختك دي عدله طيب ح نقول لجاسر وجميلة ايه
رباب نقولهم اننا ح نروح نكشف على ضهري وكمان نطمن على كارم وحسناء
عبدالحميد طيب يارباب وفعلا عاد جاسر وجميلة وهم يمسكون يد بعض ويدخلون وهم يضحكون والقوا عليهم السلام وحاول عبدالحميد ورباب رسم الابتسامة على وجههم
عبدالحميد اهلا ياولاد نورتم ياحبايبي
رباب ها ياولاد جعانين اجولهم يحضروا لكم الوكل
جميلة لاه يا امي خلي حضرتك مرتاحة احنا اكلنا ساندويتشين في الشركة ومش جادرين دلوك ح ناكل على العشا بجى
رباب طيب ياولاد لحالكم بجى
جاسر واه ليه يعني وانتم ايه خارجين تتعشوا بره ولا ايه فضحك عبدالحميد
عبدالحميد لاه ياولدي ح اخد امك وندلوا مصر كارم حجز لأمك عند دكتور نشوف موضوع ضهرها ده وكمان نطمن على كارم وحسناء ونعاود بكرة ان شاء الله فاستغرب جاسر 
جاسر طيب وليه السرعة عاد ماتخلونا بكرة ونسافروا كلنا سوا
رباب لاه ياولدي عمك حجز النهاردة وبعدين هو النهاردة وبكرة ح نعاودوا ليه بجى نتشحطط كلنا وتسيبوا شغلكم 
جميلة برضك يا أمي نكون معاكي فابتسمت رباب
رباب لاه يابتي بكفاية عليا عبدالحميد فضحك جاسر وجميلة 
جاسر جولوا أكده بجى عايزين تبجوا لحالكم ماشي وماله 
عبدالحميد بس ياولد انت ح تنج علينا ولا ايه ياواد
جاسر لاه يابوي اني أجدر برضك طيب ح تسافروا مېتي
عبدالحميد ح نطلع دلوك على المطار علشان نلحج الطيارة 
جاسر طيب يالا نوصلكم ونعاود احنا
وقامت رباب بتحضير شنطة صغيرة وخرجوا وقام جاسر بايصالهم للمطار وعاد هو وجميلته للمنزل ودخل وهو يحتضنها
جاسر النهاردة للصبح مافيش غيري وغيرك يابطتي
فضحكت جميلة وجرت من أمامه للأعلى وهو يجري وراءها وهم يضحكون حتى دخلوا جناحهم وامضوا ليلة سويا كانت رائعة وكانت جميلة في أحضان جاسر على الفراش
جميلة يااااااااااه ياجاسر معقولة السعادة دي أنا حاسة اني طايرة فوق السحاب والتفتت له ثم سندت نفسها على يدها ونظرت له وتحدثت جاسر أنا بحبك حب مالوش وصف حبيبي لو اتوزع على العالم كله ح يتبقى منه كمان أنا بعشقك ياجاسر انت عمري وحياتي وقلبي انت الهواء اللي بتنفسه فضمھا جاسر بقوة
جاسر انا كمان بحبك اكتر واكتر وبعشقك برضه اكتر واكتر
جميلة اوع ياجاسر في يوم توجعني
جاسر مقدرش ياقلبي لو ۏجعتك ابقى بۏجع نفسي وبموتها كمان انتي بتمشي في دمي ياجميلتي وذهب الاثنان في عالمهم الخاص
وصل عبدالحميد ورباب الي المستشفى فوجدوا حسناء تجلس وبجوارها زينة وشكلهم غريب فاقتربوا منهم وعندما شاهدوا زينه ووجهها به كدمات ويدها وحسناء شكلها دون ماكياج ففزعوا
رباب حوصل ايه ياحسناء ومال جوزك اخذت حسناء