روايه كامله لمورو مصطفى

بقوه حتى تألم
جاسر جميلة انتي مراتي حبيبتي مايهمنيش اي حد المهم اني فتحت عيني لقيتك جانبي فابتسمت له جميلة ثم قامت من مكانها رايحه فين
جميلة ح اروح اجيب هدومك علشان تلبس وتطلع من هنا وبعدين زمانهم في البلد كلهم جاين ده غير اللي بره دلوقتي انت عارف عمو أدهم وطنط كاميليا بره من امبارح واحمد ولمياء وطبعا طنط سعاد وفريدة وفارس شكلنا ح ناخد المستشفى لحسابنا مش ح اتأخر عليك
جاسر ياريت
جميلة من عيوني يانور عيوني
وذهبت جميلة للخارج ودخلت الجناح الخاص بها فوجدت الكل به فالقت الصباح عليهم واستفسروا منها عما حدث فابلغتهم ثم طلبت من فارس الملابس
فارس جميلة انتي تعبانة مش ح تقدري تساعدي جاسر في لبسه انتي حامل يابنتي خليني اروح له فابتسمت جميلة له انا
جميلة لا يافارس محدش ح يعمل حاجة لجاسر غيري مش ح اقدر اسيب حد يعمله حاجة وانا موجودة بس اوعدك لو حسيت اني تعبانة ح اقولك فتنهد فارس
فارس عنيدة زي جوزك فضحكت
جميلة عيب عليك تربيته يافارس يالا عن اذنكم انا اه ثواني ادوني كوبايه عصير اشربها وكمان بسكوته كده على السريع كان فارس وفريدة وسعاد ينظرون لبعضهم بذهول فهي من تطلب الطعام والشراب بنفسها وجرت فريدة واعطتها كوب عصير وساندويتش صغير فاكلته سريعا وشربت العصير ثم تركتهم وانصرفت وهمست فريدة لفارس
فريدة شفت اتحولت يانهار ابيض
فارس الاتنين دول روحهم في بعض يافريدة حاجة كده ايشي خيال ياناس فنظرت له فريدة
فريدة تفتكر يافارس ممكن نوصل نكون زيهم كده فابتسم فارس وامسك يدها ضامما لها
فارس انا واثق من ده يافيري انا عديت مرحلة الحب فابتسمت له بخجل
فريدة وانا كمان يافارس فرفع يدها وقبلها
دخلت جميلة الرعاية مرة اخرى وحاول التمريض اقناعها ان يقوموا هم بتغيير ثيابه ولكنها رفضت بشدة وابتسم لها جاسر ورفع يده لها فوضعت يدها به 
جاسر خليهم حبيبتي هما يغيروا هدومي انا تقيل عليكي فرفعت يده وقبلتها بحب
جميلة عمرك ماكنت تقيل ولا ح تكون حبيبي محدش ح يعملك حاجة غيري ولو تعبت وعدت فارس

يساعدك هو... انا دلوقتي كويسة ماتقلقش عليا يالا حبيبي خليني اوضبك بقى علشان تكون جوزي حبيبي اللي زي القمر بس عارف لو حد عكسك كده ولا كده ح اعورك اكتر ما انت متعور كده فضحك جاسر بقوة حتى دمعت عينه
جاسر متعور كده ومتعور يابنتي انا متشخرم
جميلة سلامتك ياقلب جميلتك يالا حبيبي واخذت جميلة تقوم بمسح وجهه جاسر برقة شديدة وبعد أن انتهت قامت بتبديل ثيابه والبسته جاكت البيجامة ثم بداءت بجعله يرتدي البنطلون وقامت برفع رجل بنطلون البيجامة في ساقه المصاپة ثم وجدت في الحقيبة زجاجه برفان فقامت برش البرفان عليه ثم نظرت له اهو حبيبي بقى زي القمر اكتر ماهو قمر
جاسر كنتي واحشاني قوي قوي ولسه لغاية دلوقتي واحشاني
جميلة انت كمان واحشني قوي حبيبي ح اروح أبلغهم علشان الدكتور يجي يشوفك قبل مانخرج وبالفعل ذهبت جميلة وجاء الطبيب وكتب له خروج من الرعاية وابلغه ان هناك طبيب سيتابعه في الغرفة وخرج جاسر على كرسي متحرك وكانت تدفع الكرسي جميلة وهو يضع يده السليمه على يدها حتى وصل الجناح الخاص بهم وأدخلته جميلة وقام الكل بالسلام عليه ثم ساعده فارس واحمد في دخول الفراش والجلوس به ورفعوا الفراش قليلا حتى يكون جالس بشكل مريح ودثرته جميلة جيدا فامسك يدها وشدها نحوه
جاسر اطلعي جانبي فخجلت جميلة واحمر وجهها ونظرت له
جميلة ازاي يعني ياجاسر ماينفعش حبيبي انا ح اقعد جانبك هنا على الكرسي فظل ضاغطا على يدها
جاسر اطلعي جانبي ياجميلة عايز ابقي مطمن فنظرت له
جميلة انت مچنون ياجاسر ازاي يعني والكل قاعد
ادهم جميلة اسمعي كلام جوزك يابنتي محدش غريب اطلعي جانبه انتم بعيد عن بعض من ٣ شهور يالا يابنتي اطلعي جنب جوزك فصعدت جميلة بجواره من ناحية يده السليمه فجعل رأسها تسند على كتفه وظل يتحدث معهم حتى وجدها ذهبت في النوم فنظر لها بحب ثم أشار لفريدة فحضرت له
فريدة نعم ياجاسر عايز حاجة ايه ده جميلة نامت
جاسر اه يافريدة غطيها لو سمحتي
فريدة طيب تحب اعدلها علشان ايدك
جاسر لا انا عايزها كده بس غطيها كويس فقامت فريدة بوضع الغطاء عليها يشكل محكم واغمض جاسر عينه وهو يتنفسها بقوة وكان يشعر بدقات قلبها تحت يده وفجاءه شعر بخبطه بجانبه فانتفض ووجدها تتحرك وتضع يدها على بطنها فلاحظته كاميليا
كاميليا في ايه ياجاسر
جاسر مش عارف ياطنط حسيت احساس غريب زي مايكون حاجة خبطت في جنبي فضحكت كاميليا وسعاد
سعاد حبيبي ده البيبي خبط جميلة وعلشان هي جانبك قوي انت حسيت بالخبطة فابتسم جاسر
جاسر انا حسيت قلبي بيدق جامد قوي ياحبيبتي انتي مستحملة ده ازاي
كاميليا الامومة مش سهلة ياجاسر ربنا يسعدكم ويرزقكم الذرية الصالحة
جاسر شكل البت دي ح تطلع شقية للمياء وفجاءه سمع تاؤه جميلة واعتدالها فسالها مالك ياقلبي
جميلة مافيش حبيبي بس شكلها بتلعب ماتش كورة جوه فرحانة بصوتك من ساعة ماسمعتك وهي عماله تخبط وترزع فانحني جاسر امام بطنها وهو يهمس لابنته
جاسر حبيبة ابوها خفي علي ماما ياقلب بابا ف لوت جميلة وجهها يشكل طفولي محبب
جميلة هي قلب بابا امال انا ايه فرفع جاسر وجهها ونظر لها 
جاسر انتي عمر بابا كله وحياته وروحه ودنيته ياعمري انتي
فارس جميلة ممكن بقى حضرتك تتعدلي علشان تفطروا
جميلة خلينا نستنى بابا وماما ونفطر كلنا سوا
فارس يابنتي انتي مش بتقولي ليكي دواء
جميلة مش مشكلة هما اكيد زمانهم على وصول وفجاءه فتح الباب ودخل عبدالحميد ورباب فوقف الكل في انتظار المواجهه وجري عبدالحميد واحتضن جميلة بقوة وهو يقبل رأسها وهي تقبل يده ودموعها تتساقط
جميلة اتوحشتك جوي يابويا اتوحشت حضنك جوي
عبدالحميد كيفك يابتي اني كمان اتوحشتك جوي اتوحشت كلامك ورجتك وحنانك مبارك يابتي حبلك بجيتي في الكام دلوك يابتي
جميلة اول السادس يابويا
عبدالحميدحبيبة أبوها جربت تجيب له حبيبة جدها ونور عينه
جميلة ربنا يحفظك لينا يابويا وهمست في اذنه امي عاملة ايه
فهمس لها عبدالحميد موجوعة وجلجانة من المواجهة فابتسمت له ثم قبلت يده وابتعدت عن احضانه ونظرت الي رباب فوجدت دموعها تهبط بغزارة فلم تستطع التحمل فجرت عليها تمسح دموعها وتقبلها وتقبل يدها وتضم نفسها لها بقوة اتوحشتك جوي يا أمي اتوحشت حضنك ورعايتك واهتمامك فرفعت رباب وجهها لها
رباب يعني سمحتي امك ياجلب امك فابتسمت جميلة
جميلة هو معجوله في بت تبجي تربية عبدالحميد زيدان ورباب زيدان وتجدر ماتسامحش او حتى تغضب من أهلها اني بس كنت موجوعه يا أمي لكن كنت راجعة لكم راجعة لكن هو اني أجدر اعيش من غيركم وبعدين مين ح يأخد باله ويربي معايا الكتكوتة اللي بتلعب كورة جوه دي فابتسمت رباب وضمتها بقوة وخرجت جميلة من أحضان رباب وامسكت يدها وذهبت بها جهه جاسر الذي كان عبدالحميد يحتضنه ثم أمسكت يد جاسر وقبلتها وامسكت يد امها وقبلتها ووضعت يدهم في يد بعض فابتسم جاسر لها ثم نظر لأمه
جاسر اتوحشتك يا

امي فارتمت