رواية وش النحس كامله بقلم زينب الجزائرية

اتفضلي واقفة على الباب لييه
زهرة بعد ان تلاشت ابتسامتها مش عايزة اتفضل هي بسمة ما جاتش عندكم 
أم حبيبة بحزن بصراحة جت بس ابو حبيبة رفض انها تبات عندنا و الله اديتها فلوس علشان تروح فندق تبات فييه بس هي رفضت...
كانت زهرة تستمع اليها فقط دون ان تتحدث لم تصدق ان صغيرتها قد ضاعت منها لم تتمالك نفسها فوقعت مغشيا عليها 
أم حبيبة زهرة............. يا زهرة مالك 
في المستشفى كان يركض كل من خالد و هنادي و جاسر  في رواق المشفى 
خالد لموظفة الاستقبال  في حد عمل حاډثة و هو و عيلته النهاردة هو ف اني غرفة 

الموظفة  اسر الكيلاني مش كدة 
هنادي بدموع ...... ايوا ابني فين 
الموظفة  هو ف غرفة العمليات دلوقتي  
اتجه  الكل الى  غرفة العمليات ليجدوا حياة زوجته و نور بجانبها  تجلسان على كرسي مقابل هذه الغرفة  
هنادي نووور حبيبتي انتي كويسة 
عانقتها نور حفيدتها ايوا يا نانا
خالد انتي كويسة يا حياة  حصلك حاجة 
حياة بدموع لا انا كويسة بس اسر........
جاسر ازاي الحاډثة حصلت مع انه اسر بيسوق كويس مش من نوع اللي بيتسرع حتى لو كان لحاجة مهمة 
حياة كنا پنتخانق زي كل مرة و ما نتبهش على الاشارة الحمرا و عدا الطريق و دخلت عربية ناحية الكرسي بتاعه 
هنادي بانفعال  كله بسببك منك لله يا شيخة بعد كل اللي عمله معاكي تكون دي جزاته  كل يوم بتصحيه و تنيميه على خناقة...... ليييه عايزة تطلقي فداهية  مش عارفة هو لسة متمسك بيكي ليببه 
خالد هنادييي مش وقته الكلام دا 
هنادي لا وقته.....كل مرة بتبقى عايزة تطلق و هو  مش راضي علشان بنته و بيقول بكرا تعقل بس لا  اذا كان الموضوع حيوصل للمۏت فانا مش حرضى انك تبقي في بيتي يوم زيادة  اول ما يصحا انشاء الله  اخليه يطلقك و حتشوفي 
في هذه الاثناء خرج الدكتور  من غرفة العمليات
خالد خير يا دكتور اسر بخير مش كدة 
هنادي پبكاء  اسر ابني بخيير انطق 
دكتور  الضړبة جت على العمود الفقري و انا اسف اني حقولكم انه مش حيقدر يمشي مرة تانية 
حياة لا لا انت اكيد بتهزر  اكيد في عملية تقدر تخليه يمشي مرة تانية 
دكتور انا اسف  بس وضعة الحالي مش حيسمح بعملية تانية 
هنادي الحمدلله على كل حال  المهم عندي انه ابني لسة  عايش
في بيت ام حبيبة  
أم حبيبة  خدي اشربي بق ميا و صحصحي معايا 
زهرة بدموع    البنت مالهاش حد حتكون راحت فين 
حبيبة    ماتخفيش يا طنط يمكن تكون بايتة عند وحدة من صحباتها 
زهرة    انتي عارفة انه مالهاش صحاب 
أم حبيبة انا اسفة والله  بس ڠصب عني انا كمان و ماتخافيش عليها هي مالهاش مكان تاني تلجا لييه غيرك و حترجع و حتشوفي 
زهرة  بدموع  هي حترجع بس  يا ترى حترجع زي ما راحت دي حتبات برا  و انتي عارفة اكتر مني  البنات وسط اهلهم مش بيسلموا من وحوش الشارع اعمل ايييه دلوقتي 
أم حبيبة بحزن استغفرالله العظيم استهدي بالله يا زهرة متفكريش كدة 
حبيبة انتي اتصلتي بيها يا خالتي 
زهرة  ايوا اتصلت علشان اقولها ترجع بس تلفونها مقفول ......احمد يا لهوي حقوله ايييه دا وافق بالزور يرجعها البيت حقوله ايه دلوقتي  
حبيبة قوليله اني مرضتش اخليها ترجع و اني عايزاها تبات معايا نهاردة و بكرا أنشاء الله لما ترجع بسمة تروح البيت ولا من شاف ولا من ديري
أم حبيبة ايوا صح قوليله كدا 
زهرة ماشي امري لله  ....... يا رب رجعهالي بالسلامة 
عند بسمة 
فكرت كثيرا اين تقضي ليلتها و استقر رايها ان تقضي تلك الليلة في احدى المستشفيات  كانت تتمشى  و  قد شارفت الشمس على المغيب و هي تنظر حولها الى الناس ليظهر على ملامحها الخۏف و الړعب فقد كانت اول مرة تبقى فيها خارج البيت الى هاذا الوقت  لتقف للحظات و هي تشعر بالامان  حين سمعت  ٱذان المغرب 
بسمة الله اكبر..........انا زاي ماخطرش على بالي.......المسجد دا اكتر مكان امن  في العالم كله.......
ااتجهت الى المسجد ووقفت بالقرب منه انتظرت حتى بدا المصلون في الخروج  كانت تنظر اليهم كانها تبحث بعينيها عن شخص تعرفه حتى خرج شيخ ملتحي  يرتدي عباءة و يضع على راسه قبعة  يبدوا من هياته انه امام المسجد اتجهت نحوه 
بسمة يا شيخ لو سمحت ممكن اكلم حضرتك شوية 
اقترب منها الشيخ دون ان ينظر اليها اتفضلي يا بنتي سامعك 
بسمة بدموع  والله ياشيخ مش عارفة ابتيدي الكلام منين
الشيخ ماتخافيش يا بنتي اتكلمي عليكي الامان 
بسمة انا بصراحة يا شيخ مش عندي مكان ابات فيه و مش عندي فلوس  اشتري بيهم اكل او حتى اروح بيهم فندق  و عايزة مساعدتك 
الشيح لا حول ولا قوة الا بالله....... طيب تعالي معايا البيت 
بسمةبخوف لا يا شيخ مش قصدي كدا......... والله لو تقدر تساعدني ابات في المسجد يوم واحد بس و بكرا انشاء الله اول ما يطلع التحليل اروح مع ابويا بيته
الشيخ تحليل ايه
بسمة  قصة طويلة...... ها قلت اييه يا شيخ 
الشيخ ماشي يا بنتي حفتحلك مصلى النساء  باتي فيه و بكرا انشاء الله ربنا يسهل
بسمة بفرحة شكرا يا شيخ الاه يسعدك و يستر على  بناتك زي ما سترتني 
دخلت بسمة المسجد و هي تشعر بالراحة والامان حقا هو اكثر مكان امن  توضات و صلت فرضها  ثم امسكت مصحف و اخذت تقرا سورا من القران ليمر الوقت و تسمع اذان العشاء........ صلت و امسكت المصحف مجددا لكن سرعان ما سمعت احدا يفتح الباب لتجد امراة منتقبة تدخل بيدها كيس و خلفها الشيخ امام المسجد  قبلت بسمة المصحف ووضعته ثم وقفت واتجهت نوحهما 
الشيخ تقبل الله 
بسمة منا و منكم صالح الأعمال 
الشيخ دي مراتي رقية  
بسمة ازي حضرتك يا طنط 
رقية الحمد لله يا بنتي...خدي الكيس دا فيه اكل ليكي  ..... الشيخ قالي انك مكلتيش حاجة
بسمة بدموعبجد مش عارفة اقولكم اييه  والله مش حنسى فضلكم علي ابدااا 
الشيخ دا فضل الله و بعدين انا جبت معايا رقية مراتي علشان تطمني تروحي معانا البيت  احسن من انك تباتي هنا 
رقية ايوا و بالمرة كمان تحكيلنا قصتك يمكن نقدر نساعدك 
بسمة والله طلبكم دا على عيني وراسي بس معلش انا عايزة بات في المسجد علشان اول ما دخلت اسريحت جدااا و حاسة بجد بامان عمري ما حسيته حتى فبيتنا
شيخ على راحتك 
رقية طب احكيلنا ايه لوصلك لكدا....يمكن نقدر نساعدك 
الشيخ سيبيها على راحتها يا رقية  يمكن مش عايزة تحكي فمتحرجهاش
بسمة لا ولا زعل ولا حاجة قعدوا و انا احكيلكم قصتي من الاول 
في المستشفى 
خرج اسر من غرفة العمليات  و كان الكل مجتمع حوله في احدى  غرف المشفى 
هنادي بدموع يا