روايه كامله بقلم أمانى السيد

معايا كلها قالت كده ذوق مؤدب محترم بيعرف الاصول
سلمى مش يمكن يكون بيمثل 
خديجه سماهم على وجوههم يا سلمى
سلمى كل ده في يوسف بس انا مش شايفه كده
خديجه ده اللي انا شايفاه اللي اذا كنت انتى تعرفيه من قبل كده بقى وتعرفني عنه حاجه ثانيه احنا ما نعرفهاش ساعتها برده مش هاخد برايك عشان كل ما تقولي عنه حاجه وحشه هيتاكد ليا ان هو انسان نضيف ومحترم
زين تقصدي ايه يا خديجه
خديجه ما اقصدش وبعدين مش انت بنفسك قايل عنه كده انا خدت برايك كمان حطيت رايك في الاعتبار ليه بقى الاستاذه بتتريق على كلامي لما شكرت فيه الا لو كانت تعرف عنه حاجه لا قدر الله انا وانت ما نعرفهاش

سلمى سكتت وما حبتش تتكلم تاني غير لما تفكر الاول هي مش لازم تتسرع زي ما تسرعت ودخلت في كراش مع خديجه في الوقت الحالي وهي لسه ما رجعتش مع زين زي الاول ولسه ما ثبتتش وضعها سلمى توهت في الكلام وحاولت تغروش عليه 
سلمى سيبكم بقى من الكلام عن يوسف انا جعانه جدا وركبت معاك من غير فطار 
زين تمام اول استراحه هنزل اجيبلنا كلنا اكل 
اول ما وصلوا الاستراحه
زين سلمى تاكلى ايه 
سلمى برجر وبطاطس
ليان فرايد شيكن وبطاطس وكان دايت 
زين اهم حاجه طبعا البيبسى دايت 
خديجه انزلى معايا لو سمحت مش هعرف اشيل كل ده لواحدى
خديجه عشان تضايقي سلمى نزلت معايا ولما دخل الاستراحه اتفاجئوا بسلمى وراهم على طول واشتروا الحاجات اللي هم عايزينها وخديجه استاذنت منهم ان هي تسبقهم على العربيه
وصلت خديجه العربية وركبت مكان سلمى قدام 
وزين لما جيت وشافها ابتسم في سر وحاسس انها لسه بتكنلوا مشاعر 
سلمى ممكن اعرف ايه اللى مقعدك مكانى 
خديجه رجلى وجعانى وقعت عليها قبل كده وعشان تخف لازم تبقى مفروده وورا بتبقى متنيه ووجعانى 
سلمى لا يا شيخه 
خديجه اه يا شيخه 
زين خلاص يا سلمى احنا مش اطفال هنتخانق خديجه فعلا وقعت على رجليها قبل كده وممكن يكون الشغل تاعبلها رجلها سبيها واقعدى انتى ورا 
سلمى بصتله بنرفزه وراحت قعدت جمب ليان وليان مكنتش قادره تمسك نفسها اكتر من كده وضحكت بصوت عالى 
زين خلى سلمى تمشى اللى فى دماغها عشان تهدى عليه شويه ويحاول يميل دماغها تانى 
وصل سلمى بيتها وكان هيوصل ليان لكن ليان وخديجه قالولوانها هتيجى معاهم 
فعلا اتحرك على القصر ودخلوا كلهم وورده اول ما شافتهم استغربت اوى 
ورده ايه ده ازيكم عاملين ايه جيتوا بدري ليه حصل حاجه انتوا كويسين
زين اهدي يا ماما احنا كويسين ما فيش حاجه
خديجه اطمني يا ماما ورده احنا كويسين بس أأأ
ورده بس بس ايه في ايه
خديجه بتوتر انا هسيب القصر واروح اقعد عند ليان فتره وبعد كده هروح اقعد في بيتي
ورده ليه هي ليان تعبانه ولو تعبانه تيجي هي تنورنا هنا وانا بنفسي هاخد بالي منها
زين لا يا ماما خديجه مقموصه وعايزه تسيبي البيت والشركه وانا جبتها لك بنفسي اهو
ورده ليه حصل ايه يا خديجه زينه عمل لك ايه عشان تاخدي قرار زي كده
خديجه وزين سكتوا واتوتروا ومش عارفين يقولوا ايه 
ليان لا يا طنط ورده اصل خديجه اتخانقت مع سلمى وسلمى قالت لها كلام وحش قوي
ورده سلمى مين وزفت مين اوعى يكون سلمى اللي في دماغي
زين بصلها وسكت وهى فهمت انها تبقى سلمى زميلته القديمه 
ورده قالت لك ايه بقى ست سلمى عشان يخليكى تزعلي كده وتسيبي البيت وتسيبيني كده يا سلمى اهون عليك وتسيبيني عشان خاطر واحده زي دي
حد يحكيلي ايه اللي حصل بالظبط وايه الكلام اللي هي قالته
ليان حاكتلها كل حاجه بالتفصيل
ورده طيب انا عايزه اعد مع خديجه لوحدنا محدش يدخل علينا . ليان ده بيتك مش محتاجه عزومه وشويه انا وخديجة هنجيلك 
ورده لخديجه خديجه انا عارفه ان مش كلام واحده زي دي هو اللي مزعلك كده انت بتحبي زين وبتغيري عليه صح واوعي تحاول تكدبى عليا
خديجه ..........
ورده خديجه انت بتحبي زين وقبل ما تقولي اي حاجه اعرفي اني عارفاك كويس اوعي اوعي يا خديجه تكدبي عليا
خديجه ساكته مش عارفه تقول ايه ڠصب عنها قلبها بيميل ليه بس كرامتها عندها اهم
ورده فهمت خديجه بتفكر في ايه
ورده خديجه اوعي تكوني فاكراني قاعده هنا ومش عارفه ايه اللي بيحصل حواليا انا عارفه علاقه نور بزين من البدايه خالص بس كنت عامله نفسي مش واخده بالي وعايزه اقول لك حاجه بس ما تفاجئيش زين بيحبك هو بيحبك قوي كمان
خديجه بيحبني امال لو بيكرهني هيعمل فيا ايه هيموتني بقى عشان ما يشوفنيش
ورده زين خاېف يا خديجه خاېف بتعلق بيكي وتسيبيه وهو غشيم فبيطفشك عشان تبعدي عنه لانه مش هيقدر هو اللي يبعد عنك بدليل انه ساب الشغل اللي ورا كله وجه مخصوص
وراكي عشان يحاول يقنعك ما تمشيش بس بشكل غير مباشر عايز يضغط عليكى من خلالي
خديجه حضرتك ما سمعتهوش