زوجه للايجار بقلم اسماعيل موسى
فى الكلام إلى سمعته امبارح واطلب منه تفسير
محمد متأخرش يدوبك ربع ساعه كأنه كان بيقابل حد تحت العماره مش فى مكان بعيد
كان راجع متوتر وجسمه كله عرق اول ما شافنى قال انا هاخد حمام جسمى كله ملزق
انتهزت الفرصه ومسكت تليفون محمد وقعدت افتش فى سجل المكالمات
خاصه الساعه إلى كان بيتكلم فيها امبارح مكنش فيه مكالمات صادره ولا وارده
يدوبك محمد خرج من الحمام والتليفون بتاعه رن محمد مستناش يلبس هدومه ومشى بسرعه ناحيت التليفون خد التليفون من على الكنبه وبص فى الرقم وبص عليه ووشه اصفر
وقال مكالمه من الشغل يا روحى مضطر ارد عليها
محمد مشى على أوضة النوم وقفل الباب وراه قلبى مكنش مطمن اصلا بسرعه وقفت ورا الباب
لازم اعرف ايه بيحصل ومحمد بيكلم مين
فى مكالمة التليفون
محمد _____ ايوه وصلت ممممم اه حاضر هكلمها هيحصل ايه يعنى
لا معتقدش دول مسنين مش بيقدرو يغادرو الشقه
رأيك كده
بس كده صعب اوى
حاضر
حاضر
مممم فاهم مش هينفع انا لسه راجع من بره حالا
خليها بكره اه
بص وهمس محمد بصوت واطى جدا انا هخرج من الشقه الساعه عشره الصبح وهسيبهالك هنا ومش هرجع غير لما تتصل بيا او اشوفك خارج
محمد بخو ف وصوته رجع تانى هى هتوافق
انا هخليها توافق متقلقش
قلتلك هى ملكك
انهى محمد المكالمه انا طرت على الكنبه قبل ما يخرج من الغرفه
حتى صډمتى وخوفى مقدرتش أظهره قدامه
كنت مضطره اكتمه زى ما بنكتم كل المشاعر السيئه جوانا
كلامى عن مواجهته اختفى لسانى كان مهزوز جوه بقى
محمد قال ايه رأيك ندخل أوضة النوم
قلتله معلهش يا محمد خليها بالليل اعصابى متوتره شويه
قعد محمد يضحك امبارح كنت انا والنهرده انتى
اسفه حبيبى الليل قريب مش بعيد
هتغدينا ايه
اتشعلقت بالكلمه مكنتش حامله ريحته ولا ملمس جسمه جريت على المطبخ على الاقل هناك اقدر افكر براحتى
حتى انا نفسى ضحكت ڠصب عنى من همومي
لكن محمد ما سبنيش فى حالى كأنه تغير بقدرة قادر لشخص مهوس بلمسى ومداعبتى
حاولت بلطف ابعده لكن معرفتش محمد كان واخد جرعة شجاعه وصلت انه شلنى ودخل بيا غرفة النوم
دماغى كان هينفجر مش قادره الاقى حل أو نتيجه او مبرر لكل الى بيحصل معانا
كلام محمد فى التليفون كان ليه معنى واحد محمد عايز يسبنى لشخص تانى
بمعنى أوضح اجوزنى عشان
