حب خارج ارادتى

مراتك ياعز انت اتجوزت 
عز مابصلهاش ومشي وهو ماسك ايد غرام وغرام ماشيه معاه راحت البنت من غيظها راحت داست علي ديل الفستان بتاع غرام راحت غرام اتكعبلت ولسه هتقع راح عز لحقها بسرعه ووقعت في عز بصلها كده وهي في وهي كمان بصيتله وبقي بينهم نظره حلوه اوي راحت عليا قطعت النظره اللي ما بينهم وقالت 
عليا يوم ما تتجوز .. تتجوز واحده خييييبه زي دي ياعز 
عز كان لسه هايروح لعليا وهو متغاظ من اللي عملته راحت غرام مسكت ايده وقالتله 
غرام بلاش ياعز .. بلاش
وبعدها عز اخد غرام ومشي وساب عليا الغيظ واكل قلبها 
غرام ركبت العربيه مع عز وهي مش فاهمه السبب اللي يخليه يدافع عنها قدام اللي اسمها عليا دي 
وكل شويه وهي راكبه العربيه جنبه بقت تبصله 
عز من غير ما غرام تسأل 
عز انتي قدام الناس مراتي يعني كرامتك من كرامتي وماينفعش حد يهين كرامتي قدامي واسكت 
غرام اتنهدت وقتها وفهمت هو عمل كده ليه 
واول ما رجعوا البيت بيبصوا لقوا شريف جوه وهو مشغل سونج اجنبي ورايق جدا وبيعمل الاكله اللي عز اخوه بيحبها وبيعملها بمزاج والطرابيزه مليانه شموع وورد وبيحط الاكل ولا اكن في حاجه حصلت 
شريف انا ماليش غيرك ومش عارف اروح فين وجيت هنا وعملت اللي كنت بعمله زمان لما كنت بتبقي زعلان مني وتفرح بالاكل اللي بعملهولك بأيديا ياعز 
ها .. هتسامحني 
عز
تفتكروا عز هيسامحوا ولا لاء