ادم وندى
بتعانديه وبتحاربيه علي طول الطريق... انتي هديتي ثقته بايدك ونسفتيها ودمرتيها... حبيتي
ندي خلاص ايه هو ادم مش هيرجعلي تاني مش هيحن مش هيسامحني
سالم ما اعتقدش راجل زيه مش ممكن هيسمحلك تاني ترجعي حياته هو اصلا مش عارف استحملك ازاي من الاول بس دي غلطتي انا من الاول... غلطتي اني ضغطت عليه وغلطتي قبل كده اني سيبتك لامك تربيكي وما اخدتكيش منها... ربيتك من غير ما تعلمك دينك واخلاقك ولا تغرس فيكي اي حاجه حلوه
سالم ما حبتش احرمك من امك.... الاب ممكن يتعوض لكن الام وحنيتها لأ
ندي وانت مين قالك انها كانت حنينه هاه انت غلطت لما سيبتني معاها.. انت اتخليت عني..
سالم انا اسف يا ندي سامحيني خلينا نبدأ من جديد
ندي لأ انا اسفه معدش ينفع ابدا.. قبل كده اتخليت عني وما شلتش مسؤليتي وسيبتني لامي لراجل غريب هو يتحمل مسؤليتي واتخليت عني تاني... مره سيبتني مع امي ومره سيبتني مع ادم... ناوي علي ايه تاني انا هسافر ومش هرجع ابدا وارجوك ما تحاولش
تقف في طريقي المره دي
سالم ندي اديني انا فرصه
ندي محدش بيديني فرص بس بتاخدوا قرارات نيابه عني .. فالمره دي انا هقرر وانا قررت امشي وانت عارف مكاني بعد اذنك...
سالم ادم ارجوك ارجوك يا ابني
قفل ادم التليفون وهيتجنن حرب جواه انه يروح ولا ما يروحش قلبه ما دقش غير ليها بس تصرفاتها كانت بتجننه ومش مقبوله... لا مش هينفع يروحلها تاني كفايه كل اللي حصل... كفايه جراح بقي...
الموظف هتحطي شنطك ولا ايه
ندي ____
الموظف انسه! انسه!
فاقت ندي مدام لو سمحت.. اتفضل التذكره والشنط
ندي!!
بصت وراها للصوت اللي بينادي عليها واتفاجئت بيه
ندي ديفيد انت لسه هنا ديفيد انا مروح
دمعه نزلت منها ڠصب عنها وبعدت خطوه وعطته ظهرها فقرب منها ولفها ليه ومسح دموعها
عيطت اكتر وهو هنا ضمھا ليه يطبطب عليها......
وده كان كفيل لادم اللي واقف بعيد انه يفهمه ان صفحته اتقفلت تماما لان من مكانه شايف مراته.. سوري طليقته...
مشي وركب عربيته وايديه علي دروكسيون العربيه واقف جامد مكانه مش بيفكر... بس
ندي سافرت مع ديفيد ووصلت بلدها واستقرت بس فجأه حست بالغربه ودي كانت اول مره
رجعت لحياتها القديمه.. لاصحابها وسهراتها وشربها وكل حاجه كان سبق وبتعملها بس
اسمه بيلح جواها وصورته مش بتفارقها...
ديفيد امتي هترجعي دي... دي اللي انا بحبها
ديفيد دي انا بحبك ومن زمان بحبك... سيبيلي نفسك وانا هرجعك لطبيعتك.. اديني فرصه وانا هرجعك لدي القديمه
