المغسله

ما لهاش دعوه بينا بس مش شايفه هي بتعمل فيا ايه
الام 
انتي اللي اخترتي يا منال كلنا قلنا ليكي الجوازه دي مش نافعه وانتي قولتي بحبه اشربي بقى
بس لو فكرت تيجي النهارده ما تعرفيش محمد اخوك هيعمل فيكي ايه وبعدها دخل احمد
احمد
في ايه يا منال بس اللي مزعلك ما تعتبريها زي مامتك
منال 
اسمع يا احمد انا بحبك قوي روحي فيك بس عمري ما كنت اتخيل ان مامتك تعمل فيا كده
احمد 
حقك عليا هي كلها شهرين وهنسافر زي ما قولتلك معلش استحمليها الشهرين دول لو بتحبني بجد
منال 
اكيد بحبك يا احمد بس والنبي يكلمها تكون كويسه معايا شويه
احمد 
عالعموم أنا هتصل ب شيماء اختي تيجي 
تقعد هنا معاها في البيت وتحاول تشوف طلبتها الفتره دي عايزه حاجه تاني
منال 
لا يا حبيبي ربنا يخليك ليا يا احمد
احمد 
طيب انا عايز اطلب منك طلب وبالله عليكي 
ماتقولي ليا لا تغسلي رجلها واعمليها
ثواب يا ستي ده المثل بيقول دعوه الحما 
ف السما علشان خاطري
منال 
حاضر يا احمد انا نازله فيها ودي تاني 
غلطه أنا عملتها مكنش ينفع اوافق خالص 
أنا كنت عايزه اقولك حاجه يا احمد
احمد 
تحت امرك يا حبيبتي اطلبي اللي انتي عايزاه وانا سامعاك اهو
منال 
انا فاضلي سنتين بالظبط واتخرج وانت عارف ان الظروف معايا مش قد كده وانا كنت مش هكمل تعليمي بسبب ده انا هعمل اي 
بقي لما اسافر
احمد 
متشليش هم يا حبيبي انا هحلها ليكي 
باي شكل ده أنا عنيا ليكي وفي الوقت ده لقيت حماتي داخله وبتقول
الحما 
هو انت يا واد انت هتفضل عبيط لحد امتى
مافيش تعليم يا حبيبتي
منال 
ايه ده يا ماما هو انتي كنت واقفه على الباب وبتسمعي احنا بنقول ايه اتصرف يا احمد
احمد 
ايه ده يا ماما بس ارجوكي انزلي شقتك وانا جاي ليكي على تحت
منال 
وانت عارف يا ولد انت لما تكمل تعليمها هتعمل فيك ايه اذا كان امبارح اول كلمه قالتها ده ابنك مع اعداديه
منال 
لا لا انا مش قادره استحمل خالص الكلام ده انا ماشيه واللي يحصل يحصل وروحت بيت 
ماما وقولت ليهم علي اللي حصل وكان 
محمد اخويا قاعد وقال
محمد
ايوه يعني فين المشكله اللي خليتك تسيبي البيت وتيجي لحد هنا
منال 
هو انت مش سامع كل الكلام اللي انا قولته يا محمد
محمد 
لا يا حبيبتي سامع وكنت واثق من اللي ده هيحصل من حماتي وانت كنت عارفه ان هي هتعمل فيك كده ورغم ذلك وافقتي جايه 
تعيطتي ليه دلوقتي
الام 
يا ما قلنالك الواد ده ما ينفعكيش وانتي فضلتي مصممه عليه
منال 
احمد طيب والله بس المشكله في أمه 
صعبه اوي وايام الخطوبه
مكنتش كده خالص 
والله
محمد 
لا كانت كده وكنتي شيفاه وكانت مرايه الحب
عمياكي بقولك اي قومي روحي بيتك 
مش ناقصين فضائح
الام
اسمعي كلام اخوك يا حبيبتي ماينفعش الناس تشوفك موجوده هنا يوم صباحياتك خافي على نفسك
منال 
ماشي يا محمد شكرا يا اخويا بدل ما تروح تجيب ليا حقي