ابن جوزى

ما ينزل
أميرة
ماهو اللي مرضاش يخليني اقوم اعمله فطار ياماما
الحما
ااه ماهو ابني ده خايب طول عمره حتى من مراتة اللي راحت كان مدلعها ومكنش بيحب يتعبها
أميرة
طبعا عشان شريف طيب وقلبه ابيض ومبيحبش يتعب اللي معاه
الام
ااه ياختي ماهو ده اللي جايبه لورا وعمره ما هيبقا راجل بيشخط وينطر ويضرب كمان
اميرة
طيب وانتي ليه عايزاه يضرب ويشخط ويهين مراتة ويحصل بينهم زعل اعتقد انه مش هيستفيد حاجة غير ۏجع القلب فهو بيبعد نفسه عن المشاكل
الحما
اااه انتي بقا جايه تديني محاضرة في الأخلاق وايه اللي يصح وايه اللي ميصحش بقولك ايه قومي ادخلي على المطبخ وشوفي اللي وراكي يلا

ودخلت المطبخ وفضلت اشتغل في البيت والمطبخ طول النهار وصحي مازن وخرج من اوضته وقال لي 
ياترى عامله اكل ايه يامرات ابويا
أميرة 
انا عاملة اكل حلو جدا يامازن وعارفه انه ان شاء الله هيعجبك
مازن 
بس انا مفيش حاجة بتعجبني يامرات ابويا انا كده ليا دماغ لوحدي خاااالص
أميرة 
ااه طيب تقدر تدوق وتشوف مش يمكن يعجبك اكلي جرب بس جرب
مازن 
ماشي هجرب واشوف
أميرة 
طيب ممكن بلاش تقولي يامرات ابويا دي ممكن تقولي يا أميرة عادي وفي الوقت ده دخلت حماتي وقالت
راحت حماتي ردت وقالت 
ويقول لك يا أميرة ليه بقا ان شاء الله هو انتي لسه عيله ولا عيله ده انتي من دور المرحومة امه
أميرة 
انا عارفة اني انا من دور المرحومة مامته فعلا بس انا بقول اني انا ومازن نبقا أصحاب مش اكتر
مازن
لا تصدقي فكرة برضو اننا نبقا أصحاب دي خلاص من هنا ورايح هاقولك يا أميرة
الحما
اما عجايب والله
مازن
في ايه ياتيتة ماخلاص أميرة هي اللي طلبت بقا
ورجع شريف من الشغل ودخل قال لي 
ايه ريحة الأكل اللي ماليه البيت دي ده انا شامم الريحة من أوله دور طبعا انتي ياميرو اللي طبختي
أميرة 
ايوه انا ياحبيبي يلا كمل تغير هدومك وانا هاروح احضرلك الغدا
شريف 
استني يا أميرة كنت عايزة اسالك بس هي امي ومازن بيعاملوكي كويس
أميرة
ااا ااه ااه ياحبيبي ده مازن ابنك ده دمه خفيف خالص
شريف 
طيب وامي انا عارف انها صعبه شوية بس انتي بهدوءك ده هتخليها تحبك امي بتحب الواحده الهادية
أميرة 
انا والله بحاول ارضيها على قد ماقدر ياشريف عايزاها تفضل راضيه عني 
. 
شريف باس أيدي وقالي 
كفايه انا راضي عنك ياقلبي استني خودي الهديه دي عشانك
أميرة بفرحة 
هدية عشاني انا ياشريف بجد ياحبيبي ربنا مايحرمني منك ابدا اروح انا بقا احضر الغدا لحسن حماتي تزعل مني
وعدت الايام في بيت شريف وكان بيعاملني بكل حنية وعوضني عن ايام التعب اللي عيشتها مع جوزى اللي راح 
وماما اتصلت بيا في يوم وقالت
الام 
عامله ايه يا أميرة طمنيني عليكي يا حبيبتي جوزك عامل ايه معاكي
أميرة 
الحمد لله ياماما شريف طيب اوي وبيحبني وبيخاف عليا بس مامتة هي اللي صعبه شويه ياماما بتزعق معايا على اي حاجه ودايما واقفالي على الوحده
الام 
ياحبيبتي يابنتي طيب وانتي ليه مش بتقولي لجوزك يوقفها عند حدها الست دي ده انتي حتى مفيش أطيب منك يا أميرة
أميرة 
لا طبعا ياماما مش هينفع اشتكي لشريف منها دي مهما ان كانت برضو مامته ومحبش انه يزعل منها 
وكل ده وحماتي كانت بتسمع كلامي و لقيتها فجأة زقت الباب ودخلت وقالت لي
الحما 
بقا انتي عماله تشتكي لأمك مني وهي تقولك روحي قولي لجوزك على اساس ان ابني يقاطعني عشان خاطرك انتي وامك
أميرة
محصلش الكلام ده انا بفضفص مع امي مش اكتر وبعدين هو انتي كنتي واقفه تتسنطي عليا وانا بتكلم في التليفون
الحما
ده عشان خاطر ربنا يكشف حقيقتك انتي وامك قدامي