حماتى خدت بنتى منى

كده في دعاء ازاى والله حرام عليكم انتو ظلمتوها ظلم كبير اوي
الحما 
ظلمناها في ايه ياحبيبي ها انا متأكده انها هي اللي سرقتني هو في حد بيدخل هنا غيرها ماهي اللي بتدخل وتنضف لي الاوضة بتاعتي مفيش غيرها اللي سرقتهم
سمير 
والله انا مش مصدق عليها حاجة والمفروض انت نفسك ياوائل تدافع عن مراتك وعشرة عمرك وتعرف انها لايمكن تمد ايديها على حاجه
وائل 
بقولك ايه يا سمير خليك في حالك انت وبعدين انت عمال تدافع عنها كده ليه ياجدع هي كانت مراتك ولا مراتي
سمير 
لا مراتك ياوائل اللي انت عارفها اكتر مني وعارف اخلاقها كويس يعنى تبقا عارف هي بتعمل ايه كويس
وائل 
خلاص خلصنا دلوقتي ياما مقولتيش اعمل معاها ايه البت دي
الام 
سيبها تتربى في الحبس وبعدين تيجي هنا تولد وناخد منها العيل وتغور في داهيه تطلقها داهيه تاخدها
سمير 
والله انا مش عارف انا ايه اللي مخليني وسطيكم هنا انا ماشي وسيبها لكم خالص
ومشي سمير وعندي في الحجز لقيت اتنين نسوان قاعدين جنبي واحدة قالت لي 
استخري حبه ياختي خليني اقعد
والتانية قالت 
استخري خليني اقعد
دعاء 
طيب اروح فين حرام عليكم سيبوني انا حامل وتعبانة ابعدوا عني انا مش نقصاكو
الست قالت 
جرا ايه يابت هو في حد كلمك ياختي ولا هو انتي تعملي المصېبة وتيجي تقولي ابعدوا عني ابن مين اللي بنطنك ده ياختي اكيد ابن حرام
دعاء 
اخرسي قطع لسانك ده الحمل ده من جوزي
الست 
والنبي اومال يابت ايه اللي جابك هنا ياختي لما انتي مش ماشية في البطال
دعاء 
ياستي الله يخليكي ابعدي عني وسبيني في حالي انا مش عايزة اتكلم مع حد ابعدوا عني
واحده تانية قالت 
البت دي لازم تتربى واتلمو عليا ضړبوني كلهم وفضلت اسرخ من الۏجع
وعند نشأت كان مستني عزه في شقه وراحت عنده ولما شافها قالها 
وحشتيني اوي ياعزة عملت اللي اتفقت عليكي معاه اهو النسوان في الحجز مظبطين مرات اخوكي ومخلينها مش قادرة تتنفس حتى
عزه 
ايوه كده يانشات برد ڼاري انا عمري لا بطيقها ولا عمري بحبها وخصوصا بعد ماعرفت انها حامل وانا مش طلعت بخلف انت عارف انا مش بخلف ليه يانشات
نشأت 
ليه ياقلب نشأت
عزه 
عشان لما كنت ببقا معاك كنت باخد حبوب منع الحمل وهي اللي أثرت عليا وخلتني مخلفش تاني
نشأت 
ماخلاص بقا ياعزه اللي فات فات بقا خلينا النهاردة بس على فكرة ياعزه مرات اخوكي مسرقتش حاجة خالص انا عارف ده كويس
عزه 
ياسلام وليه بقا ان شاء الله ياحبيبي بتقول كده
نشأت 
لاني عارف الحرامي من اللي مش حرامي والصادق من الكداب ودعاء دي مش بتكدب ابدا وده انا متأكد منه
عزه 
اممممم طول عمرك ناصح يانشات هي فعلا مسرقتش انا اللي سړقت الفلوس ياحبيبي عشان كنت محتاجاهم
نشأت. 
اممممم انا قولت كده برضو طيب حبيبك نشأت ملوش من الحب جانب وبعدين دول مبلغ حلو برضو
ولا ايه
عزه 
انت تاخد عيوني ياحبيبي طبعا الفلوس كلها هتبقا تحت رجليك المره الجايه لما اجي
نشأت 
ياحبيبتي ياعزه تعالي بقا ندخل اوضة النوم عشان عايزك في كلمتين
عندي في الحجز تعبت اوي من كتر اللي بيتعمل فيا طلبت اشوف جوزي عشان اقوله يخرجني من هنا وجالي هو وامه وقالت لي 
بصي ياختي لو عايزة ابني يخرجك من هنا لازم تنفذي اللي هنطلبه منك والمطلوب انك تتنازلي عن كل العفش والمأخر والقايمة والواد اللي في بطنك عشان لما تخلفي يطلقك وتغوري بعيد عننا ها قولتي ايه توافقي على كده اخليكي تخرجي من هنا
دعاء 
موافقه على كل حاجة هاقول ايه غير ان ربنا شايف ومطلع على كل حاجة
الحما
طيب يانشات خلاص انا متنازله عن حقي خرجها بقا
وخرجت دعاء ورجعت معاهم البيت والحما قالت 
انتي هتبقي هنا خدامة بس وتعملي اللي نقول عليه
وخرجت عزه من اوضتها وقالت 
هو ايه اللي خرج الحرامية دي من الحبس ايه ياوائل انت حنيت ولا ايه لا ياخويا بلاش الحنية دي كلها دي واحده حرامية وتستاهل كل اللي يجرا لها
وائل 
اهدي ياعزه دعاء خلاص تنازلت عن كل حاجة حتى ابنها تنازلت عنه
عزه 
اتنازلت عن ابنها كمان هو في واحده مهما ان كان تتنازل عن ضناها بسهولة كده اذا كان انا مخلفتش اهوه ولو حصل معايا كده عمري ماتنازل عن ابني مهما ان حصل
دعاء 
ماهو لو كنتي شوفتي ولا عيشتي اللي انا عيشتة جوه الحبس كنتي هتوافقي حتى تبيعي كليتك عشان تخرجي من اللي انتي فيه
عزه 
وانا اعيشة ليه ياختي الشړ بره وبعيد الحبس ده للحرامية امثالك بس انما انا هانم في بيت جوزي وأهلي ياروح امك
دعاء 
الله يسامحك ياعزه على العموم ربنا شاهد هو انا ممكن ادخل ارتاح شويه انا جسمي كله مكسر ومش قادرة
الحما 
نعممم ترتاحي ايه الهي ترتاحي متقومي يابعيدة ده انتي لسه وراكي ترويق وتنضيف الشقه كلها من اول تحت لحد فوق وبعدين تدخلي تعملي الاكل للرجاله قال راحة قال انا معنديش الكلام ده
وفضلت طول النهار اشتغل في البيت لحد ماجيت اخر النهار مبقتش قادرة اتحرك ونمت على الأرض لقيت حماتي بتزقني برجليها وتقولي 
ينهارك اللي مش فايت انتي نايمة يابت وسايبه الدنيا كده ټضرب تقلب قومي قامت قيامتك يابعيدة اصحى يابت
دعاء 
في ايه بس يا حماتي انا بريح شوية جسمي كله وحعني والله ماقادرة طيب هاقوم اهو وقومت وفضلت اشتغل تاني كتير اوي
وجه سمير شافني وقال لامه 
حرام عليكي يا أمي خلي في قلبك ذرة رحمة دي شكلها تعبانة اوي دي جرا لها حاجة هتروحي في داهيه فكري ياما وسيبي دعاء ترتاح ده حقها برضو
الام 
اسكت انت خالص انت بتتكلم ليه اصلا بقولك ايه يا سمير روح شوف انت رايح فين ياحبيبي وملكش دعوة باللي بيحصل في البيت هنا يلا
مشي سمير وعند وائل راح عند هند اللي بيعرفها وعايز يطلقني عشان يتجوزها راح عندها خبط على الباب فتحت وقالت 
مين لولو اهلا ياحبيبي تعالي ادخل
وائل 
ايه ياهنود فينك كده بقالي يومين برن عليكي ومش بتردي عليا هو في ايه انا قلقت عليكي ياشيخة والله
هند بدلع 
ياسلام ياخويا قال يعني انت مهتم اوي بيا عشان تقلق عليا وانت اصلا مش معبرني ولا عايز تشوفني
وائل 
ليه بس بتقولي كده ياقلبي يابت ده انتي الحته الشمال ومفيش غيرك ياقلب
هند 
لو كنت حبيبتك صحيح كنت كتبت عليا وخدتني البيت عندك هو مش ده كان كلام ليا ووعودك فين بقا انا مش شوفت خالص منك
وائل 
يابت ماحنا هنتجوز هو انا اقدر اعيش من غير ياروح الروح انتي بس هو شويه وقت اصل امي حالفه اني مطلقهاش غير لما تخلف لي العيل
هند 
نعممم ياحبيبي ليه وهو انا هستنا لحد ما الهانم تتنيل تولد وبعدين تغور لااا انت شكلك كده مش عايزني ااه انا عارفه انك كنت بتمثل عليا
وائل 
وهو انا برضو اقدر امثل عليك ياجميل انت يابت قولت لك انتي روحي خلاص بقا وليكي عليا ياستي الامور عندنا في البيت تهدي شوية واتجوزك قبل ماهي تخلف اصلا كده كده هي ملهاش حاجة عندي دي حته واحده لاراحت ولا جات كفايه انها طلعت حرامية وسړقت امي
هند بصت له وقالت 
هو انت مصدق نفسك ياوائل ومصدق امك واختك عشان
تتهمو مراتك كده اذا انت اكتر واحد