بقلم عزة العمروسى

مش هسيبك تعيش مع أختك في بيت واحد بعد كدا 
ليه شايفني مچرم 
أوعى تظلم الإجرام معاك 
سيبني كدا متزقنيش  
عاوزني أسافر واسيبها معاك أنت
دي أختي هو أنا هأذي أختي!
اللي يقبل ب بنات الناس هيجي يوم وهيقبلها في أخته غور من هنا مش عاوز أشوف وشك تاني مفهوم 
ده بيتي ومش من حقك تكرشني
أنا مخلفتش غير بنت واحدة ابني ماټ خلاص  
زقني وقعني وقفل الباب مشيت وانا مش عارف أروح فين طلعت موبايلي رنيت على صاحبي نزل قابلني روحنا على النيل وقعدنا شوية نهزر ونعاكس ونتطاول واللي كانت تصدنا واللي كانت تميل لينا سهرنا سهرتنا وأول ما قولتله معلش هبات عندك النهاردة وشه جاب ألوان بس اتكسف يرفض لكن لما روحت معاه البيت نيمني في البدروم!

وكأنه بيقولي أنا أعمل معاك الغلط آه بس أخاف على أهل بيتي منك أصل الإحتياط واجب برضو 
اتلاشيت كل حاجة وكملت معاهم في الغلط وخيبتي كانت ماسكة زمام الأمور وسيبت دروسي وقعدت من الثانوية العامة وتاني خرجنا كلنا في المولد ومسكنا في الفرصة دي 
ركبنا الأتوبيس كل واحد ركز مع واحدة عيني وقعت على بنت آية في الجمال مختمرة ملامحها ملائكية بشرتها قمحي وعندها غمازة صغيرة في خدها الشمال جمالها سحبني من غير ما أحس البنت انتفضت بقوة جسمها اترعش پخوف وبعدين رجعت لورا اتوقعت تصوت وتلم عليا الأتوبيس لكنها التزمت الصمت قعدت وهي بتغمس أطرافها جوا هدومها وكأنها بټلعن جسمها ألف لعڼة بصتلي بنظرات مريرة مزقتني من جوا وفجأة قطرات الدموع سكنت خدودها حسيت نفسي صغير وحقېر قدام نظراتها اللي كلها حړقة وذعر وكأنها طفلة صغيرة فجعتها في قلبها وبرائتها عشان أخبي كسوفي وتوتري من عيونها اللي بتنغز فيا سندت على ست عجوزة وعملت نفسي قريبها وقولت
إزيك يا أم أحمد أحمد عامل إيه 
والغريب إن الست طبطبت على إيدي وقالت أحمد كويس وبيسلم عليك أبقى تعالى شوفه 
استغربتها جدا ووقفت متنح للست دي إزاي بتقولي كدا وانا معرفهاش أصلا نزلت من الأتوبيس لاقيتها حطت إيديها على كتفي وقالت أنا فعلا كان عندي أحمد بس ماټ في حاډثة من سنتين وهو رايح كلية الهندسة 
طيب ليه عملتي نفسك عارفاني 
عشان أنقذك من إحراجك  
بص يابني هقولك كلمتين أوعى تفرح إن البنت سكتت ونزلت دمعتين وخلاص دي دمعتها عند ربنا كفيلة تكون سبب دخولك الڼار لو البنت دي اشتكت لربنا منك ورفضت تسامحك يوم الحساب 
بلعت ريقي بصعوبة مكنتش أعرف إنها خدت بالها أصلا  
بقولك إيه ما تيجي معايا بيتي أنا معنديش غير ابني عبدالرحمن في كلية طب وهيفرح بوجودك وهيتبسط إن بقى ليه حد يقعد معاه شكلك مبهدل وأكيد محتاج ترتاح 
حسيت كلامها أنقذني أنا مكنتش لاقي مكان أنام فيه أصلا بس عملت نفسي عندي عزة نفس ورفضت فضحكت بتجاعيد وشها الطيبة وقالت متخافش مش هقعدك ببلاش أول ما تشتغل هاخد منك إيجار 
ابتسمت وخدت منها الأكياس اللي كانت شايلاها وكأني رجعت طفل صغير وفضلنا نهزر طول الطريق وصلنا البيت وأول ما دخلت لاقيته بسيط جدا وكان عبارة عن دور واحد أرضي المكان مليان سکينة وهدوء كل حاجة فيه مترتبة وبرغم إن البيت قديم إلا إنه نضيف كانت مشغلة سورة يس بصوت منصور السالمي الجدران عليها آيات قرآنية وشهادات لإبنها من كتر إحساسي بالطمأنينة والراحة عيني كانت بتقفل رغما عني وبدون