بقلم منار الصافتى

دارها و اختها محدش رضي يتقدملها من البلد .. 
و طلعت اشاعات إن سنية اتطلقت عشان الناس يسيبوها في حالها لكن علي مين ديه بتجبله من تحت لتحت .. 
و الشيخ لقمان اتصدي لنجاتي و مخلهوش يرجع البلد و من يومها و هو عدوه .. 
و لكن إللي عاوزه بيروحله مكانه و صحاب الحاجات و النفوس الضعيفة هنا يامه..

و انصحك تنقل نفسك لمكان تاني.. 
لأن العم مصباح قال أن اللعڼة هتتولد مع واحد غريب هيجي البلد و ده هيعملك مشاكل كتير هنا ...
مصدقتش طبعا كلام مغاوري فأنا ساكن فوق أم سوسن و سوسن نفسها بتنام عندنا 
ومحستش لحظة انها مش طبيعية .. 
الجزء الوحيد إللي صدقته إن سنية بتحاول تجيب لجوزها وانهم متطلقوش 
وده بدليل انها بتحاول تخلي مراتي تروح لنجاتي..
حاولت ألاقي شقة تانية ولكن بسبب الإشاعات ديه كل أهل البلد رفضوا يخلونا نسكن عندهم ومحبتش أكون ضيف تقيل عند الشيخ لقمان..
ومن ناحية تانية كانت مراتي كل ليلة بټعيط لأن عاوزة تروح للشيخ نجاتي و كأنه اخر أمل ليها..اضطريت اوافق علشان ارتاح من الصداع وفي النهاية ده واحد د.. هياخدله قرشين وخلاص مش هيحصل حاجة كبيرة..
ولكن في نفس الليلة لقيت سوسن واقفة ورايا وانا بتوضى في الحمام وعنيها بيضا تماما .. انتفضت من الړعب لكن فجأة سوسن اختفت فقلت يخربيتك يا مغاوري هتجنني بقصصك ..!
وفي الوقت ده بصيت فالصالة لقيت سوسن قاعدة بتتفرج على التليفزيون 
فقولتلها انتي ليه مش نايمة مع مراتي جوا لكنها قالتلي
انت ليه يا عمو مش عاوز تودي طنط لبابا عشان تجبلي .. 
كلامها رعبني بس قولت يمكن بتردد كلام الكبار إللي بتسمعه..
فقولت لها ان شاء الله..
لكن فجأة لقيت كل قنوات التلفزيون حصل فيها تشويش ولكن .... يتبع.. 
بكرة بإذن الله الجزء الأخير 
منار_الصفتي