قصة ام
بحرف واحد بينما هو طول الطريق كان مشغولا بمكالماته التليفونيه حتى اوصلها فشكرته ودخلت مسرعة لتلحق بالمحاضرة
بينما اسر يعود الى المنزل ليتناول الغداء مع العائله
تجرى عليه سيلين وتولين
بابى بابى وحشتنى
فيحتضنهم اسر بكل حب
حبايب قلب بابى عاملين ايه
عايده تمام ياحبيبي ولو انى خلاص مبقتش قادرة على خدمتهم والله بناتك دول عاوزين واحده موتور متتعبش ابدا
ثم يسال عن شيرين
عايده طول النهار حابسه نفسها فى الاوضه
اسر ماكلتش
عايده لاء مكلتش حاجه طول اليوم
اسر نور تعالى عاوزك شويه
يدخل بها مكتبه ويغلق الباب
نور خير فى حاجه
اسر طلعت مجتهده ونشيطه بس انا عاوزك تحكيلي كل حاجه عنها
نور بص انا بصراحه معرفش حاجه عنها
اسر نعم
نور بس هى والله جدعه وطيبه اوى
يعنى مصاحبه واحده متعرفيهاش
نور لا والله دى كويسه اوى وبعدين مش حضرتك شفت الكارنيه والبطاقه بتوعها
نور طب هى اهلها موجودين
نور لاء هى عايشه لوحدها
اسر نور انا مش مطمن بصي يانور انا لية اعداء كتير وفى كتير اوى نفسهم يوقعوا اسر التهامى يعنى ممكن حد يكون مسلطها علية
اسر انا لازم اتاكد بنفسي
ثم يصعد الى غرفته فيفتحها ليجدشيرين جالسه وهى ضامه ركبتها الى ذقنها
اسر ايه الهانم بتفكر فى مصېبه جديده
شيرين ...........
اسر مش بكلمك
شيرين انت عاوز منى ايه مش قلتلى مش عاوز اشوف وشك ادينى بعدت عنك جاى ليه عاوز منى ايه سيبنى فى حالى بقى
عملت چريمه غلطت واعتذرت حصل ايه يعنى
لاء ازاى اصل اسر التهامى مفيش فى قاموس حاجه اسمها غلطت واتاسفت
انا زهقت طلقنى انا بقولك طلقنى مش عاوزة اعيش معاك انا حمشي ومش حخليك تشوف وشي
كانت تتكلم وهى مڼهارة من البكاء
بينما اسر اشفق على حالها
شيرين اهدى اهدى خلاص محصلش حاجه
انا حجيبلك حاجه مهدئه فيخرج سريعا من الغرفه ليحضر لها مهدئا
بينما شيرين هههههه ماشي يااسر اما وريتك عيب عليك ده انا شيرين يااستاذ يتبع
بعد مرور عدة ايام
ام علا اخص عليكى يا حياة بقى كل ده يحصل معاكى واحنا منعرفش ليه بس كده
ابو علا والله صاحبتك كان قلبها حاسس وكانت كل شويه تقوللى صوت حياة مش عاجبنى
حاسه ان فيها حاجه
ام علا طبعا مش اختى حبيبتى
حياة ربنا يخليكم لية يارب والله انا كنت حسه انى ضايعه من غيركم وكنت حسه انى يتيمه
ثم تقول وهى تبكى انتوا بقيتوا كل اهلى وكل اللى لية فى الدنيا والنبي متغيبوش عنى تانى
ام علا وهى تاخذها فى حضنها ياحبيبتي ياحياة ربنا يديم بيننا المحبه يارب والله ياحياة ربنا يعلم محبتك فى قلوبنا
ده حتى علا كانت كل شويه تقولي حياة وحشتنى
حياة وهى تهدهد محمد وميدو حبيبي عامل ايه
ام علا اسكتى دى حماتى كانت فرحانه بيه اوى
كانى اول مرة اخلف
وكل ما ييجى حد يسلم علينا تقوللى دخلى الواد مش عايزة حد يشوفه احسن يتحسد
حياة ربنا يحميه يارب وتشوفيه راجل اد الدنيا ويكون بار بيكم وسند لاخواته
ابو علا امين يارب العالمين
طب بقولكم ايه انا حنزل اقفل البوابه واجيب عشا واطلعلكم
حياة طب خدنى فى سكتك عشان اروح
ام علا تروحى فين لا يا حياة ده انتى وحشانى اوى ولازم تباتى معانا النهارده
ابو علا ايوة حتباتى معانا وانا حنزل اجيبلكم عشا مفتخر وحجيب شوية لب وسودانى ونقعدوا برة ده الجو النهارده جميل اوى
حياة ماشي
يقضون الليل فى الضحك على حركات شهد الطفوليه وكلامها الجميل وكانت ام علا تحكى لحياة عن كل ماحدث بالتفصيل فى السفر
بينما ابوعلا دخل لينام ثم ذهبوا جميعا فى ثبات عميق
حيث كانت حياة نائمه وهى تحتضن علا وشهد
وكانها كانت تبحث عن امانها فى وسطهم نعم فهى لم تشعر بالامان ولم تذق طعم الحنان منذ غياب امها سوى فى وسط هذه الاسرة المتواضعة الحال
تشرق الشمس وتقوم حياة من نومها على صوت ام علا
ياللا ياعلا صحى حياة عشان نفطر
حياة صباح الخير
ام علا صباح الفل والياسمين على عيونك يا قلبي
ياللا بقى حنفطر وابو علا حياخدنا ونروح جنينة الحيوانات البت علا حتموت وتروحها وكل ماننوى تحصل حاجه ومنروحش
ابو علا قاللى جهزى نفسك انتى وحياة والبنات وحنروح
حياة خلاص ماشي بس والنبي منتاخرش انتى عارفه انا بحب استغل يوم الجمعه فى المذاكرة
ام علا لا ياحبيبتى متقلقيش مانتى عارفه جنينة الحيوانات بييجوا عالعصر ويطفشوا الناس
وانا صحيت من بدرى عملت اكل عشان ناكلوه هناك
حياة طب وتتعبي نفسك ليه بس كنا جبنا اكل جاهز وخلاص
ام علا مانتى عارفه ياحياة ابو علا مبيحبش اكل برة وبيقرف منه
حياة ليه حق الصراحه خصوصا ان اكلك حلو اوى ونفسك فى الاكل تحفه
ده انتى ينفع تفتحى مطعم
ام علا ربنا يجبر بخاطرك ياحياة يارب
واشوفك فى اعلى المراتب
حياة وتكونى معايا وماليين علية حياتى يارب
تدخل حياة وام علا وابو علا والاولاد الحديقه ويبحثون عن مكان يجلسون فيه
ثم يرن تليفون حياة
حياة نور حبيبتى عامله ايه فينك
نور انا اللى فينى بردو واللا انتى اللى مختفية بس ولا يهمك ياقمر انا مقدرة ظروفك
بقولك ايه ماتيجى نخرج انا زهقانه قلت اكلمك ونخرج سوا
حياة انا برة والله مع اهلى
نور اهلك انتى مش قلتيلى انك عايشه لوحدك
حياة هما مش اهلى بالنسب بس هما اللى انا بحس فى وسطهم بالأمان وهما اللى كل اللى لية فى الدنيا
بقولك ايه ماتيجى انتى
نور طب انتوا فين
حياة فى حديقة الحيوان
نور ايه طب تصدقى انى عمرى مارحتها قبل كده
حياة طب تعالى حنلعب ونقضي يوم حلو
نور بجد خلاص انا حاجى
ثم تقول لنفسها والله فكرة
فتجرى على الباب
ملك ياملك سيلين تولين انتوا فين
ملك ايه يامزعجه مالك عالصبح
نور حنروح حديقه الحيوان
ملك مين ده اللى حيروح حديقة الحيوان
نور انا وانتى والبنات ايه رايك
ملك حديقة الحيوان معقوله دى
نور ومش معقوله ليه
ده مكان محترم جدا بيبقى عبارة عن تجمع عائلات واصدقاء ورحلات مدرسيه
ملك بس ماما حتوافق انتى عارفه حتقعد تقول البنات وامانه وخاېفه عليهم وخصوصا ان اسر مش موجود النهاردة
نور ملكيش دعوة انتى انا حتصرف ياللا بس روحى اجهزى
بعد قليل
حياة تتحدث الى ام علا فيعلن هاتفها عن مكالمه
ايوة يانور
نور ايوة يابنتى احنا عند الباب تعالى خودينا انا حاسه انى تايهه
تخرج حياة اليهم بصحبة ابو علا خوفا من عدم القدرة على الرجوع الى نفس المكان
حياة نور يانور
فتلتفت نور اليها
حياة حبيبتى وحشتينى
يحتضنان بعضهما ثم تعرفها بملك وسيلين وتولين
وتاخذهم حيث يجلس الباقين
وتعرفهم بام علا وزوجها والاولاد
ام علا اهلا وسهلا بيكم
وتوجه حديثها لنور احنا متشكرين اوى عاللى عملتيه مع حياة
نور متقوليش كده دى حياة سباقه بالخير
بس انا شامه ريحة اكل حلو انتى عامله ايه
فيضحك الجميع على تلقائيتها فى الحديث
فتفتح لها ام علا العلب وتقول لها كلى ياحبيبتى بالف هنا وشفا
حياة تتحدث الى ملك نور كلمتنى عنك كتير دى بتحبك اوى
ملك وانا كمان بحبها اوى نور دى حبيبتى
بينما نور كانت مشغوله بتناول الكيك الذى صنعته ام علا
الله حلو اوى طعمه يجنن
ام علا بالف هنا
ملك هههههه ابقى سلميلي على الدايت
نور النهارده اليوم الفرى
ملك مانتى كل ايامك فرى ياقلبي
حياة وام علا هههههه هههههه
سيلين طنط ياطنط عاوزة العب
حياة بس كده من عينيه
تقوم حياة وملك ونور والبنات يلعبون بالكرة
يلعبون العاب كثيرة ويلتقطون بعض الصور وكانوا يضحكون ويمرحون
واخذتهم حياة وظلوا يؤكلون الحيوانات
وبينما هم فى بيت الاسد خاڤت سيلين واحتضنتها حياة بكل حب وحنان فالتقطت نور لهم صورة وهم فى هذا الوضع
وتناولوا الطعام الذى اعدته ام علا والطعام الذى احضرته معها نور من المطعم وهم ذاهبون فى الطريق
وركبوا الملاهى الموجوده بالحديقه وكانت علا وسيلين وتولين يضحكون من قلوبهم
انتهى اليوم وودعوا بعضهما
نور تعرفى ياحياة انا مضحكتش الضحك ده من زمان اوى
بجد انا مبسوطه اوى
ملك شكرا على الاكل الجميل اللى اكلناه
ام علا ياخبر دى حاجه بسيطه مش اد المقام
نور عيب متقوليش كده كلنا اخوات وربنا العالم محبتكم نزلت فى قلبي وان شاء الله نتقابل تانى
فى الفيلا
سيلين وهى جالسه على قدم اسر تعرف يابابى حياة دى طيبه اوى انا حبيتها
اسر انتى لحقتى تحبيها
سيلين ايوة يابابى اصلها لعبت معانا واكلتنى فى بؤى وقعدت تهزر معانا
تولين بابي هى حياة اخت مامى جنى
اسر باندهاش ليه ياحبيبتى بتقولى كده
تولين عشان عندها غمازة زيي انا ومامى جنى
اسر لا ياحبيبتى شيرين هى اللى اخت مامى
سيلين ياريت كانت حياة هى اللى اخت مامى جنى مش شيرين
اسر ليه بس ياسيلى
سيلين وهى تلوى فمها عشان شيرين مش بتلعب معانا ولا بتاكلنا
وكل شويه تقوللى روحى لتيته روحى لتيته
بابى بابى خللى شيرين تمشي وهات حياة هنا انا عاوزة حياة
تولين بص يابابي الصور اللى اتصورتها وانا باكل الاسد
وتضحك بصوت عالى كنت خاېفه اوى يابابي احسن الاسد ياكلنى
بس حياة قالتلي مخافش هى معايا
فيضحك الجميع على ضحك الصغيرة
ياخذ اسر الهاتف ويقلب فى الصور
فيجد صورة بها حياة وهى تحتضن تولين وتؤكلها فى فمها
وصوره اخرى لنور وهى تلعب الكرة مع حياة
وصورة اخرى لسيلين وهى تطعم القرود فى
فمها
وصورة لتولين وهى تركب على السيسي وتضحك
وصور كثيرة اخرى تظهر الفرح والسعاده المرسومه على وجوه اطفاله الصغار
هذه الفرحه التى لم يراها على وجوههم منذ ۏفاة امهم الحبيبه
كما يرى ابتسامة حياة الجميله التى مايرى فيها الا مايذكرها بحبيبته الراحله بهذه الغمازة الجميله
كان يقلب فى الصور ولايلفت نظره سوى حياة وبناته وسعادتهم الغامرة
ثم سأل نفسه
ماذا لو كانت حياة هى التى تحتويهم بحبها وحنانها بدلا من شيرين
ثم يستيقظ لنفسه سريعا ويحدث نفسه شيرين
انها زوجتى حتى وان كنت لا احبها ولكنها هى زوجتى وانا لم اكن خائڼا لافكر باى امراة سواها
يستاذن اسر للصعود الى غرفته
ليستكمل بقية العائله هذا الحديث
عايده والله كلامكم عن حياة شوقنى انى اشوفها
ملك طيبه اوى اوى ياماما
وفيها حنية الدنيا كلها وهاديه كده وتشوفيها وهى بتلعب مع البنان تقولى عيلة زيهم وكانت خاېفه عليهم اكتر مننا والله
وكانت هى اللى بتاكل البنات بنفسها
طب والله ياماما اول مرة اشوف تولين بتاكل كده
عايده طب الحمد لله انكم انبستطم ياحبايبى
نور عارفه ياماما برغم انهم ناس بسيطه اوى بس سبحان الله تحسي وانتى فى وسطهم براحه غريبه اوى تحسي انهم اهلك
ملك واللا البيبى الصغير اللى معاهم ياماما ياخلاثى عالجمال امور اوى
عايده عقبال ماربنا يعوض عليكى ياحبيبتى يارب ويرزقك بالذريه الصالحه
ملك يارب ياماما يارب
فى غرفة اسر وشيرين
اسر انا عاوز اعرف انتى مبتنزليش تقعدى معاهم تحت
