قصة ام
فى بيت مليان بالحب والسعاده
داليا طب ممكن تدينى تليفونك اعمل منه مكالمه
فى منزل ناهد
ناهد واخده شنطك ورايحه على فين يالينا
لينا رايحه عند بابي
ناهد حتسيبينى يالينا وتمشي
لينا سورى يامامى متزعليش منى بس انا تعبت اوى وعاوزة ارتاح
ناهد وانتى مش لاقية راحتك معايا وحتلاقيها مع باباكى
لينا راحتى معاكى
انا عمرى مالقيت راحتى معاكى يامامي
عمرك مااهتميتى تعرفى اذا كنت مبسوطه واللا زعلانه
كويسه واللا تعبانه
محدش كان حنين علية غير بابي وبس
حتى لما قلت احاول اقرب منك ونبقى صحاب زى مابشوف صحباتى وامهاتهم ندمت
هى دى مقاييس الراجل عندك الفلوس الفلوس وبس
وصممتى تجوزينى لواحد من بنات صحابك الاغنياء عمللى احلى فرح والهانى موون كان فى مالديف بس وبعدين عشت مع انسان لابيحبنى ولاعاوزنى واهاننى وضربنى وفى الاخر رمانى وطلقنى وراح اتجوز واحده تانيه
ضيعتينى وانا كنت ماشيه وراكى زى العاميه
ياريتنى ماسمعت كلامك
حضرتك عارفه انى حاولت اتصل باحمد واطلب منه يسامحنى ونبدا صفحه جديده مع بعض عارفه حضرتك قاللى ايه
كانت تتحدث الى امها وهى تبكى
كلام وحش اوى يامامى
كلام كتير كان عامل زى البركان اللى كان مستني اللحظه اللى ينفجر فيها ويطلع كل اللى جواه
وقاللى انى لو اخر واحده فى الدنيا عمره ماحيسامحنى
وانى متصلش بيه تانى
عارفه يامامى انا والله مش زعلانه منه هو معاه حق اى واحد مكانه حيعمل كده
بس خلاص يامامى خلاص انا تعبت وحياتى انتهت بدرى اوى خلصت قبل حتى ماتبتدى
ودلوقتى انا عاوزة الملم اللى فاضل منى
متسيبنيش يالينا انا بقالى سنين بحاول احافظ على البيت ده وفى الاخر البيت كله اتهد فوق دماغى
لينا حضرتك كنتى بتحافظى عليه بس بالشكل اللى يريحك عمرك مادورتى على راحتنا احنا حتى بابي حضرتك كنتى بتقولى انك بتحبيه بس طول الوقت كنت شايفاه لوحده اوقات كتير حبك ليه كان حب تملك مش اكتر عشان كرامتك وكبريائك عشان محدش يقول ناهد هانم جوزها سابها او مش بيحبها
لينا انا قلبي مش اسي وعمر قلبي ماعرف القسۏة بس انا تعبت والله تعبت وحضرتك كل اللى فى دماغك تيم
تيم اللى هو كمان ضاع باهمالك ليه ولينا كلنا
فاكرة يامامى تيم لما كان صغير كان بيطلع الاول على الفصل وكان شاطر وجميل كان محتاج حد يشجعه ويدعمه
لكن حضرتك مكنتيش فاضياله
بابي معذور على اد ما كان بييجى تعبان من الشغل بس عمره ماعدى يوم من غير مايطمن علينا وكان بيحاول يصلح من وراكى بس للاسف هو زى اى راجل شايف ان مسئولية الاسرة على الام
كنتى بتدي تيم فلوس من غير حساب
كانت الداده تقولك بلاش الفلوس الكتير بتبوظ الاخلاق وحضرتك كل اللى يهمك ان ابنك يبقى معاه اكتر من اللى مع صحابه لحد مااتلم عليه اصدقاء السوء اللى ضيعوه
وبعد ماكان بيطلع الاول بقى بياخد كل سنه فى اتنين
وحضرتك ولا هنا
حضرتك عارفه ان تيم مدمن وشفته كذا مرة وهو بيشم والمصېبه الكبيرة انى شفته وهو بيدي لنفسه حقنه
ولما حاولت امنعه ضربنى وشدنى من شعرى وطردنى وقفل الباب
ابنك ضاع يامامى ضاع وانا ضعت وبابى مشى والبيت ده كله اتهد اتهد يامامى
بس انا مش حستسلم وححاول أقف على رجلى وابدا من جديد بس مش هنا فى مكان تانى مع بابي
انا عاوزه انسى سنين عمرى اللى ضاعت فى مكان عمرى ماعرفت فيه معنى الحب
وتتركها وتمشي بدون ان تنظر خلفها
بينما ناهد لاتقوى قدمها على حملها تجلس على اقرب كرسي وهى تبكى ندما على كل ماحدث ولكن لا تفيد الندامه
فى المساء
تنام تولين على السرير ببنما يجلس اسر بجانبها وهو ممسك يديها ويقبلها
تولين تفتح عينيها بابي
اسر قلب بابي حمد الله على السلامة يا قلبي ياروحي يانور عيني
تولين بابي انا نايمه فين
وفين سيلي
اسر سيلين نايمه جمبك اهيه ياحبيبتى
فقد قرر اسر الا يعطى ابنته لتلك المستهترة التى لم تهتم لشانهم وكان سيفقد احدى فلذات كبده بسببها
تنظر تولين فتجد سيلين نائمه على السرير الاخر
تولين بابي انا تعبانه
اسر ايه اللى بيوجعك ياحبيبتى
تولين حسه انى مش عارفه اتنفس
يجرى اسر ويفتح الباب وينادى على الممرضه لتاتى بالطبيب
الدكتور الامورة بتاعتنا أخبارها إيه
تولين الحمدلله
الدكتور ياخلاثى يالهوى عالجمال لا انا مقدرش على كده ابدا
بصي بقى انا عندى ولدين ياباي على تقل دمهم
عارفه ياقمر كلمة بابا لما بيقولوها تحسي ان فى زلزال فى البيت
قولى بابا كده ياحبيبتي
تولين بابي
الدكتور لاء بصي بقى انا كده بجد حيغمى علية ثم يمسك يدها ويقبلها تسمحيلي اطلب ايدك من باباكى
تولين هههئ هههئ
اسر ههههههه
الدكتور حمدالله على السلامه ياجميل المستشفى كلها بتقولك الف حمدالله على السلامه
تهز تولين له راسها فهى لاتفهم ماذا يقصد ولا تدرى ماذا حدث لها
بينما يتوجه الدكتور بالحديث لاسر حمدالله على سلامة بنتك
ربنا يخليهالك يارب بجد حضرتك الصبح وجعت قلبنا كلنا ربنا ميحرمكش منها
ثم يلتفت ليجد الاخرى
اسر دى سيلين اختها
الدكتور الله اسماءهم حلوة اوى تولين وسيلين
اسر هما دول كل دنيتى
الدكتور ربنا يحميهم وتفرح بيهم
تصدق بقى انت حتخلينى اغير
اسر تغير ازاى
الدكتور انا حطلب من مراتى تجيبلي بنتين عشان اسميهم تولين وسيلين
اسر ربنا يديك اللى نفسك فيه
ومتشكر اوى لتعب حضرتك معانا
الدكتور ده واجبي حضرتك والف حمد الله على السلامة
اسر بس هى بتقول انها تعبانه
الدكتور معلش ان شاء الله على الصبح حتكون
بقت زى الفل
اسر يارب
يخرج الدكتور ليرفع اسر يده للسماء وهو يشكر الله
ثم يقوم ويتوضا ويصلى شكرا لله
بعد مرور عدة ايام
علا انا مش مصدقه نفسي معقوله الشقه دى بقت بتاعتنا يعنى احنا حنعيش هنا
ابوعلا ايوة ياعلا بقت بتاعتنا
علا الصغيره يعنى احنا حنعيش هنا على طول يابابا
ابو علا ايوة ياحبيبتى حنعيش هنا على طول
علا يامانت كريم بارب والله انا مش مصدقه نفسي بقى معقوله دى ياناس بعد ماكنا عايشين فى اوضتين على السطح يبقى بين يوم وليله عندنا شقه زى دى
والله انا خاېفه اكون بحلم
ده انا لو كنت بحلم حتى مش ممكن حيكون الحلم بالحلاوة دة
سعيد لا يا حبيبتى مبتحلميش ربنا كريم اوى ياعلا وادعى
للراجل الطيب اللى ادانا الشقه من غير ولا مليم
علا ادعيله ده انا حفضل طول عمرى ادعيله واروحله واطمن عليه هو والحاجه مراته
ياااه على كرمك يارب
ابو علا بصي ياعلا الشقه زى مانتى شايفه كبيرة الحمدلله الاوضه اللى جوه دى حتبقى اوضة حياة عشان تعرف تذاكر من غير ماحد يزعجها
اما الاوضتين اللى جمب بعض دول الكبيرة بتاعة البنات والصغيرة بتاعتنا احنا ومحمد
علا ماشي ياحبيبي
علا بابا هى حياة حتبات معانا كل يوم
امها ايوة ياحبيبتى حياة خلاص حتفضل معانا على طول الحمد لله ربنا جمعنا فى بيت واحد ومش حتمشي من هنا غير على بيت جوزها بامر الله
تدخل حياة سلام عليكم يا جماعه
علا وابو علا وعليكم السلام ورحمة الله وبركاته
علا أتاخرتى كده ليه يا حبيبتى
حياة كنت خاېفه انسى حاجه وبعد كده نزلت مفتاح الشقه للحاجه وجيت على طول
سعيد طيب ادخلى ياللا بقى اوضتك اللى جوة
حياة لا ياابوعلا انا حاخد الاوضه اللى برة وانتوا خدوا راحتكم جوة
سعيد بصي ياحياة الاوضتبن اللى برة وراهم فى محلات ودوشه ده غير اننا حنحط التليفزيون هنا
لكن جوه هدوء مفيش اى صوت يعنى حتعرفى تركزى كويس
حياة بس كده كتير
علا بت ياللا خلصي احنا عاوزين درجات عاليه
حياة ربنا يخليكم لية يارب
علا وهى ټحتضنها ربنا يخلينا لبعض يارب
ابو علا طيب بصوا بقى على ماتخلصوا اللى وراكم انا حنزل كده اشوف اسعار المحلات واشوف المنطقه ناقصها ايه عشان اعرف انا حعمل ايه ووانا راجع حجيبلكم غدا معايا جاهز
علا بابا انا عاوزة كفته مشويه
سعيد وانتى ياحياة عاوزة ايه
حياة عاوزة افضل معاكم ومطمنه بيكم ان شالله ناكل كل يوم فول
علا لا يااختى تفضلي معانا ده ايه انا عاوزة افرح بيكى فى بيت عريسك اللى يختاره قلبك
حياة لسه بدرى لمااخد شهادتى الاول
ابو علا لاء بصوا بقى انتوا كده حتعطلونى انا حمشي ثم يلتفت لعلا
الغاليه ست الكل نفسك فى حاجه اجيبهالك
ام علا اه نفسي فى حاجه بس حتضحك علية
سعيد لاقولى
علا نفسي فى حرنكش
سعيد انتى بتتوحمى واللا ايه
علا لا اطمن بس اصلي شفت العربيه واقفه على اول الشارع ونفسي راحتله
ابوعلا حاضر من عينيه
ثم يتجه للخروج بينما حياة وعلا يحتضنان بعضهما غير مصدقين ان الله جمعهم فى مكان واحد
علا يااخيرا ياحياة متعرفيش كنت ببقي خاېفه عليكى ازاى وانتى نايمه لوحدك بعيد عننا
حياة تصدقى ياعلا لو كان حد حلفلى ان كل اللى بيحصل ده حيحصلي والله ماكنت حصدق
علا ربك كريم اوى يا حبيبتى
حياة وهى تبكى وتمسح دموعها عارفه ياعلا انا لسه فاكرة يوم ماقررت اسيب بيت اهلى وامشى اسيب كل ذكرياتى لناس حسبي الله ونعم الوكيل فيهم
كنت ماشيه تايهه مش عارفه رايحه فين
انا بحمد ربنا كل يوم انه وقعنى فى ابو علا مش عارفه لو مكنتش قابلته كان حيحصللى ايه
وكان مصيري دلوقتى بقى ايه
علا وهى تطبطب عليها انسي ياحياة ارمى اللى فات كله ورا ضهرك يا حبيبتى
واحنا خلاص بقينا مع بعض ومفيش حاجه حتفرقنا الا المۏت
حياة ربنا يخليكم لية ويرجعلى امى
تفتكرى ياعلا ممكن اشوف امى تانى
علا ربك كريم اوى ياحياة واديكى شفتى اهوه هو حد كان يصدق كل اللى حصلنا ده
ابو علا يتعب وربنا يوقفلنا ولاد الحلال
والراجل الطيب يدينا شقه اقسم بالله ماخطر فى بالي اسكن فيها فى يوم من الايام
ويجمعنا كلنا ادعى ياحياة ادعى ومتزهقيش من الدعا
عارفه ياحياة
انا مرة سمعت الشيخ بيقول ان ربنا بيحب العبد اللى يفضل يلح ويلح ومبيزهقش ابدا مننا
وكل ماتلحى اكتر اتاكدى ان الڤرج قرب اوى
حياة ونعمه بالله
علا طيب بقولك ايه بطلى رغى بقى واتفضلي ظبطى اوضتك
عندك الدولاب والمكتبه والمكتب
سبحان الله زى مايكون كان بيعمل الشقه عشانا كل حاجه فيها لايقه اوى علينا
حياة والله كل ده مافارق معايا انا اهم حاجه عندى اننا خلاص بقينا مع بعض
يجلس امام المقپرة وهو يتحدث اليها
حبيبتى
