روايه كامله لمورو مصطفى

الله يرحمه بجي 
رباب يالا يابنات ننزل تحت علشان نستناهم وقاموا الثلاثه وهبطوا للاسفل في نفس توقيت داخله عبدالحميد وجاسر واحمد وعندما راءت جميله ابوها وضعت وجهها ارضا فناداها
عبدالحميد جميله تعالي يابتي وفتح ذراعه لها فجرت عليه ورمت نفسها في احضانه وهي تضم نفسها له وهو يغلق ذراعه حولها وقبل رأسها ثم رفع رأسها ونظر لها رأسك دائما مرفوعة فاهمة اني عمري ما ازعل منك واصل يابتي انتي اتصرفتي صوح وجاسر كمان خد حجك بالجوي ده اني مالجتش فيه حته سليمة جاسر شندله زي ما أحمد جال بس علي مين اني كمان علمت عليه صوح ودلوك خلاص ما ح يجدرش يهوب ناحية اي حرمة ماتخصوش وكمان خلاص دلوك مالوش مطرح لا في الشركة عندينا ولا في اي شركة في الصعيد فابتسمت جميلة له ثم نظرت لجاسر وهمست له في صمت 
جميلة شكرا ياجاسر فهز راسه لها وهو يبتسم لها بحب
جاسر يالا بجي اني جعان جوي يابشر فضحك الجميع وذهبوا جميعا للسفرة وجلسوا ياكلون معا وهم يضحكون وبعدها انصرف احمد وصعد كل واحد الي جناحه وكان جاسر يعمل في غرفته وكذلك جميلة ولمياء فقد كانت لمياء تجلس مع جميلة في جناحها وكل واحدة تعمل علي اللاب الخاص بها حتي تكلمت جميلة
جميلة بت يالمياء كلمتي فريدة وعزمتيها علي الفرح 
لمياء اه كلمتها من فترة بس قبل مانحدد اليوم لكن قلت لها انه الشهر ده
جميلة طيب كلميها بقي اعزميها هي وطنط سعاد وحشوني قوي قوي
لمياء

اه والله وحشوني قوي متشوقة اشوفهم قوي انا ح اتفق مع فريدة تيجي قبل الفرح بكام يوم 
جميلة اه ياريت والله وقاموا الاثنان بالاتصال بفريدة وسعاد وظلوا يتحدثون معهم واتفقوا معهم علي ان يحضروا أول الأسبوع القادم ويمضوا معهم أسبوع قبل الفرح ومضي الوقت حتي ذهبوا في النوم سويا
فريدة ماما ياماما 
سعاد نعم يافريدة عايزة ايه حبيبتي
فريدة خلاص ياماما أنا جهزت كل حاجة زي ماحضرتك طلبتي
سعاد طيب كويس لازم تكون زيارة معتبرة الناس دي كانت شيلانه علي رأسها لما كنا هناك 
فريدة ايوه فعلا ياماما يااااااااااااه وحشوني قوي عمو عبد الحميد وطنط رباب كلهم كلهم الفترة اللي عشناها هناك كانت فترة حلوة قوي 
سعاد خلاص ياستي ادينا راجعين لهم تاني وح تقعدي معاهم كام يوم لغاية الفرح
فريدة أنا نفسي اغمض وافتح الاقيني هناك
سعاد ان شاء الله حبيبتي خلاص هانت بكرة ح تبقي عندهم.
كان عبدالحميد يجلس وبجواره رباب وجميلة ولمياء يجلسون امامه 
عبدالحميد بجولك يا رباب حضرتي حالك والموطرح اللي ح تنزل فيه الست سعاد وفريدة بتها
رباب ايوه يا حاج كل حاجة جاهزة وحضرت كمان موطرح أدهم وكاميليا وفارس بس يعني بعد اذنك ياحاج اني خليت أدهم وعيلته معانا أهنا لكن كارم ومراته وولاده خليتهم في الجناح اللي بره الدار انت عارف البنات مش بيرتاحوا لا مع زينة ولا معتز فضحك عبد الحميد
عبدالحميد كويس انك عملتي اكده اني مانيش عايز مشاكل والواد معتز ده مصېبة من مصايب الزمن هما ح ياجوا مېتي
رباب اني جلت لها الفرح الجمعه جالت لي ح ياجوا الخميس الصبح واكده احسن من لما ياجوا بدري 
لمياء والله يا أمي لولا العيبة كنت جولت لك ماتجوليش لهم اني مابرتاحش معاهم ولا حتي جاسر اني خابرة ازاي انتم خوات انتي حاجة وهي حاجة تانية واصل فقرب عبدالحميد رباب اليه وقبل رأسها
عبدالحميد هو في زي أمك يابتي هما تنين ماكانوش يتخيروا عن بعضيهم أمك والمرحومة نسمة الله يرحمها كانت هي واخوي كانهم ملايكة صوح الله يرحمهم ونظر لجميلة وجد عيونها تترقرق بالدموع جميلة يابتي اوعاكي تبكي عاد اكده ازعل منيكي فمسحت جميلة دموعها ونظرت له ثم قامت من مكانها قبلت يده ويد رباب 
جميلة الله يرحمهم يابويا البركة في حضرتك وفي أمي رباب 
رباب ربنا يطرح فيكم البركة يابتي المهم يابنات في اي حاجة ناجصة 
جميلة لاه خلاص كل حاجة تمام يا أمي 
رباب هي سعاد وفريده جايين مېتي
لمياء بكره يا أمي فريدة كلمتني وجالت انهم ح ياجوا بكره
رباب طيب يابتي ياجوا بالسلامة
ومضت الأيام وكان المتبقي علي ميعاد الفرح ثلاث ايام وكانت فريدة وجميلة دائما مع لمياء 
فريدة بت ياجميلة ح تلبسي ايه 
لمياء صحيح ياجميلة انتي ليه رفضتي تشوفي حاجة يوم ما كنا بنشتري فستان الفرح فخجلت جميلة
جميلة ح اقولكم بس مش عايزة حد يعرف خالص
فريدة قولي قولي 
جميلة جاسر قالي ماتجبيش حاجة دلوقتي 
لمياء ياسلام ياختي وانتي سمعتي كلامه اخص عليكي ياجوجو وافرضي نسي
جميلة ماتقلقيش أنا حاسة انه مش ح ينسي وياستي لو نسي أنا عندي فستان جديد لسه ماتلبس كنت اشتريته ومالبستوش
لمياء اووووووووووووووف بقي من جاسر ده 
جميلة صحيح طنط كاميليا وعمو أدهم وفارس ح يوصلوا كمان شوية يالا نلبس ونحضر نفسنا علشان ننزل
وهبط ثلاثتهم الي الأسفل وكان يجلس عبد الحميد و رباب و سعاد وهبط الثلاث بنات للاسفل وجلست لمياء في المنتصف بين جميلة وفريدة وكانوا يدغدغونها والباقي يضحكون عليهم وفجاءه سمع عبدالحميد صوت يعرفه جيدا فابتسم وقام من مكانه واستدار للخلف فقد كان أدهم الأسيوطي ومعه زوجته وخلفهم جاسر وأحمد ومعهم فارس 
أدهم كيفك ياود زيدان ففتح عبد الحميد ذراعيه واحتضن أدهم بشده وهم يخبطون يدهم علي ظهر بعض
عبدالحميد اني بخير كيفك ياود الأسيوطي اتوحشتك ياغالي ودخلوا جميعا وفجاءه وقف فارس مشدودا مكانه وهو ينظر لفريدة التي خجلت وأحمر وجهها فنظرت أرضا وانتبهت على صوت رباب
رباب اتفضلوا اتفضلوا نورتونا والله كيفك يا كاميليا ياخيتي تعالي أعرفك دول برضك أهلنا وناسنا
البارت السابع 
كان دائما جاسر يجلس مع فارس وأحمد وفريدة دائما مع جميلة ولمياء وكانت دائما عيون فارس تتابع فريدة في أي مكان ولاحظ جاسر هذا 
جاسر بقولك ايه يامعلم لم الدور بدل ما بعترك فضحك فارس وأحمد علي كلام جاسر
فارسوالله نيتي سليمة ياارخم خلق الله جتك مصېبة فصلتني 
جاسر عارف بس غض بصرك يا فارس لغاية ماتعرف ناوي علي ايه 
فارس عندك حق ياجاسر أنا غلط فعلا بقولك ايه ياجدع هو مش بكره الحنة ناويين تعملوا ايه 
جاسر الحريم ح يكونوا هنا لكن احنا ح نروح دار أحمد القديمة 
ومضي اليوم وذهبوا جميعا للنوم وكانت فريدة وجميلة ينامون مع لمياء ولا يتركونها لحظة واحدة
و أتي الصباح وكان العمل في الدار على قدما و ساق كان البنات في جناح لمياء وانضم لها بعض من زميلاتهم في الجامعة وكانوا يشغلون الأغاني ويرقصون وهم فرحون بها كثيرا وأكثرهم فرح كانت جميلة التي لم تهمد للحظة فكانت بين انها تغني لها او ترقص او تطلق الزغاريط وكانت في نفس الوقت تهبط للأسفل حتي تري أمها هل تريد شئ وكانت سعاد وكاميليا مع رباب يدهم بيدها وكانت كاميليا تحتضن جميلة بحب وتقبل وجنتها وهي سعيدة بها 
كاميليا عقبالك ياجوجو نفرح بيكي قريب ياحبيبتي وفجاءه استمعوا لصوت حسناء وهي تضحك
حسناء وهي طول ماهي عاملة زي الغفير كده حد ح يبص لها ولا يعبرها ولكن فجاءه وجدت جاسر ېصرخ بها فارتعدت قليلا فهي تعلم ان جاسر