روايه كامله لمورو مصطفى
تصم اذنه فضحك بقوة ووقف ودخل الحمام ثم خرج منه بعد ان قام باخذ حمام وارتدي ترنج بيتي وادى فرضه وهبط للاسفل فوجد ابوه وامه يخرجون من جناحهم وجميلة ولمياء يشاهدون شئ علي الموبيل فنادي الأب عليهم
عبد الحميد يالا يابنات تعالوا علشان ناكل سوا فقاموا وذهبوا وجلسوا جميعا سويا ولمياء تمارس هواياتها في اضحاكهم حتي انتهوا من الطعام وقامت جميلة فورا حتي تصنع الشاي والقهوة فعمها وزوجته يحبون شرب الشاي فور الانتهاء من الطعام اما جاسر ولمياء وهي يحبون شرب القهوة وقامت بصنعهم وخرجت ووجدتهم يجلسون سويا فناولت كل واحد منهم مشروبه وجاءت لتجلس فناداها عمها
جميلة الحمدلله يابويا اني بخير طول ماحضرتك وأمي بخير
عبدالحميد بتضحكي علي ابوكي ياجميلة اني خابر انك مش بخير اوعي تفتكري اني ناسي ان سنوية المرحوم والمرحومة جربت فلمعت عيون جميلة بالدموع يابتي ابوكي كان اخويا الصغير اينعم الڤرج بيني وبينه ماكانش كبير بس اني كنت بعتبره ابني مش بس اخوي ومۏته كسرني بس كان لازم اجف علي حيلي علشانكم كلاتكم فوضعت جميلة رأسها علي صدره ودموعها تهبط في هدوء واخذت يده وقبلتها
عبدالحميدخلصي جهوتك بابتي وحصليني علي المكتب
جميلة ليه يابويا خير
عبدالحميد خير بابتي بس عايز اعرفك حساباتك وصلت لفين فنظرت له جميلة بحزن
عبدالحميد يابتي ده حجك
جميلة وحضرتك صاينه وبتزوده كمان يابويا واني اصلا معيزاش حاجة هو حضرتك ولا امي بتخلوني محتاجة حاجة فوضعت رباب يدها علي ظهر جميلة
ربابربنا يحميكي يابتي ويحفظك وارادت لمياء ان تغيير الجو
لمياء ياسلام هو مافيش غير الست جميلة يعني نروح اني والغلبان ده نلعب في الشارع ولا ايه عاد فضحكوا جميعا عليها
لمياء ولا حاجة ياريبو اني جلت اخرجكم من الجو الكئيب ده غلطانة اياك
عبدالحميد بت يالولو خطيبك فين يا بت طفشتيه فضحكت جميلة وجاسر
لمياء ا
كده يابويا ده اني نسمة وربنا وبعدين البركة في سى جاسر هو لابد اهنا ومشحطط الواد معاه من مكان لمكان
رباب تصدجي يابت يالولو اني متهيالي اكده ان هو اللي بيجول لجاسر يسفره علشان يرتاح منك يامجنونة فوقفت لمياء واتجهت لامها
رباب اهمدي بابت جطعتي نفسي يامجصوفة الرجبة
لمياء يووووووووووه فضلتي تجولي لي يامجصوفة الرجبة يامجصوفة الرجبة لما
ادكيت في بعضي ورجبتي فطست
جاسر يابت اهمدي بجي شوية وبطلي دوشه
جاسر اجعدي شوية يالمياء واهمدي حبيبتي
لمياء اها سكت اها وفجاءه رن هاتفها فقامت تجري
رباب يابت المچنونة فضحكوا جميعا علي رباب
جميلة امي بتجولي ايه
رباب شفتي البت فطت كيف فرجع لوز ازاي فضحكت جميلة
جميلة ماهو ده أحمد يا امي علشان اكده ركضت بسرعه ترد عليه ربنا يسعدهم يارب فأمنوا جميعا خلفها
٠
لمياء سلام عليكم ازيك يا أحمد
أحمد وعليكم السلام ورحمه الله ازيك يالولو وحشتيني ياترى انا كمان وحشتك فهزت رأسها وكأنه يراها ف لمياء تخجل بشدة واحمر وجهها فرغم انها مرحة وضحوكة الا انها هكذا فقط امام ابيها وامها وجاسر وجميلة فقط اما امام اي شخص اخر فهى خجولة بشدة وضحك أحمد لخجلها وعدم ردها عليه لولو لو بتهزي دماغك ياقلبي فانا مش شايفك
لمياء أحمد بس بقي بطل المهم قولي ح تيجي أمتي بقي أنت مسافر من ٤ ايام مش كفاية
أحمد فابتسم أحمد لأنه شعر بكلامها انها مفتقداه انتي كمان وحشتيني قوي ياقلبي خلاص الحمدلله انا مضيت العقد و كل حاجة تمام وح اركب الطيارة في الفجر يعني كام ساعة إن شاء الله واكون عندك ياعمري فتنهدت لمياء
لمياء أحمد بطل بقي بتكسفني فضحك أحمد بقوة
أحمد يابت انتي مراتي امال أنا كتبت الكتاب ليه بقولك ايه اعملي حسابك أول ما ارجع ح اجي احدد ميعاد الفرح مع ابويا الحاج خلاص كفايه كده قوي كل حاجة خلصت ح نستني ايه تاني ممكن اعرف
لمياء أحمد مش قلنا لما تظهر النتيجة
أحمد حبيبتي دي خلاص آخر امتحانات وانا واثق انك ناجحة مافيش داعي للانتظار ياقلبي كفايه كده بقي عليا بقي لي ٢٠ سنة بحبك خلاص فاضل خمس سنين واخرج لانتهاء المدة وضحك فضحكت لمياء بقوة
لمياء قصدك ايه بقي ح تسبني بعد انتهاء المدة ياوحش فصړخ
أحمد اسيبك اسيبك ده ايه ده انا ح اخطفك واهرب بيكي منهم قد عشرين خمسة وعشرين سنه لما اشبع منك ده بعني لوشبعت منك اصلا فتحدثت لمياء بدلع قليلا
لمياء اخص عليك ياحمادة يعني بعد الخمسة وعشرين سنه ح تكون شبعت مني خلاص
أحمد أنا أشبع منك أنتي ياروحي أنا لو قعدت عمرى اللي فاضل كله جانبك عمرى ما اشبع منك ابدا
لمياء ربنا مايحرمني منك يا أحمد ويحفظك ليا من كل شړ
أحمد اللهم امين ياحبيبتي ويحفظك ويصونك ليا ياقلبي
لمياء يعني خلاص ح اشوفك بكره ان شاء الله
أحمد ان شاء الله حبيبتي ح انزل من المطار عليكم علي طول
لمياء بجد حبيبي
أحمد بجد ياروح حبيبك قولي لي عايزة ايه من هنا اجيبه لك
لمياء عايزة حاجة واحدة بس هي سلامتك مش عايزة حاجة تاني ترجع بألف سلامة يارب
أحمد الله يسلمك حبيبتي ح اقفل معاكي علشان اكلم جاسر
لمياء ماشي خد بالك من نفسك
أحمد وانتي كمان ياحبيبتي لا اله الا الله
لمياء محمد رسول الله حبيبي واغلقت لمياء الهاتف وهي تشعر انها في منتهي السعادة فحبيبها وزوجها عائد ويرغب في اتمام الزواج سريعا وفجاءه استمعت لدقات علي الباب فسمحت بالدخول وكانت جميلة فابتسمت واشارت لها تعالي ياجوجو أحمد بيكلم جاسر
جميلة اه ياستي وبابا وماما طلعوا الجنينة وقالولي اجي اندهك علشان نطلع نقعد معاهم بس قولي لي الاول عملتي ايه مع أحمد
لمياء عايز اول مايجي يحدد مع بابا ميعاد الفرح ياجوجو فاحتضنتها جميلة وهي سعيدة
جميلة الف مبروك يالولو عايزين نستعد بقي ح يبقي ورانا حاجات كتير قوي
لمياء تفتكري بابا وماما ح يوافقوا علي طول
جميلة يابنتي انتي مراته اصلا يعني الفرح اشهار للجواز والحمد لله أحمد شقته جاهزة وعفشكم خلص خلاص وانا عارفة من ماما ان تقريبا معظم الرفايع بتاعتك خلصانه يعني فاضل الفستان و الهدوم والحاجات دي ان شاء الله لما بابا وماما يوافقوا ح نخلص كل الباقي بسرعة ونفرح بيكي يا احلي عروسة في الدنيا
لمياء حبيبتي ياجوجو عقبالك انتي والجو فخجلت جميلة واحمر وجهها وارتعش صوتها قليلا
جميلة جو ايه يالمياء بطلي هزار قال جو قال يالا تعالي نطلع لهم بره فضحكت لمياء بقوة
لمياء يابت ده
