روايه كامله لمورو مصطفى

وهي تقرأ في المصحف
وذهب الجميع بعد ذلك الي لمياء وأحمد ولم يخبروهم بشئ كما طلب كارم وجلست جميلة مع لمياء وظلوا يتحدثون سويا ويضحكون وكذلك فعل جاسر وفارس جلسوا مع أحمد وبعد قليل وبعد أن اطمئنت رباب على ابنتها تركوهم ورحلوا الي الدار مرة اخرى ودخلوا جميعا للداخل عدا جميلة التي ذهبت إلى ورودها وجلست بجوارهم تحكي لهم ماحدث 
جميلة عارفين قد ما انا حزينة على الحاډثة اللي عملها معتز قد ما انا مبسوطة انه صلح غلطته واتجوز قمر ربنا يسعدهم عارفين انتم أجمل حاجة في حياتي علشان حبيبي هو اللي زرعكم ليا انا ح امشي دلوقتي واكيد ح ارجع لكم تاني 
جاسر جميلتي قاعده عندك بتعملي ايه 
جميله كنت بكلم الورد بحكي له زي ما انا متعودة 
جاسر انا لما مالقتكيش جوه قلت اكيد انتي هنا وحشتيني ياجميلتي فابتسمت جميلة ووضعت وجهها أرضا فاقترب جاسر منها ورفع وجهها للأعلى وهو ينظر لها وانفصل الاثنان عن العالم الخارجي حولهم حتى شعر جاسر انه سيفقد سيطرته على نفسه فضمھا لصدره بقوة مقبلا راسها واسند راسها على قلبه حتى تستشعر دقاته وكان يشعر هو بدقات قلبها وهو يضع يده على ظهرها ورفعت جميلة يدها وحاوطت خصره بقوة وكان يشعر من يراهم انهم جسد واحدا وانتبهوا على صوت يبغضونه الاثنان وهي تضحك وتصفق بيدها
زينة والله حلو قوي الست المحترمة في أحضان السيد الشريف امال فين الحلال والحرام فخجلت جميلة وحاولت الإبتعاد ولكن تمسك جاسر بها ولم يبعدها عن احضانه فاحتواها تحت ذراعه ونظر لزينة باحتقار 
جاسر محترمة وشريفة ڠصبا عنك شكلك نسيتي ان جميلة دي مراتي يا هانم مش واحدة بترمي نفسها على اي حد وخلاص ولأخر مرة بحذرك يازينة ابعدي عن جميلة علشان مانسفكيش ثم قبل راس جميلة وابتسم يالا حبيبي علشان ندخل جوة وانصرفوا تاركين زينة تشتعل ڠضبا 
جميلة جاسر ممكن تروح تقول لبابا وماما فابتسم جاسر لها ورفع وجهها ثم قبل ارنبه انفها برقة فاحمر وجهها وهي تهمس باسمه برقة جاسر بس بقى فضحك بصوت عالي
جاسر حبيبي انتي مراتي يعني حتى لو اخدتك ودخلنا اوضتي محدش ليه حاجة عندنا ف أني احضنك او اضمك كده لصدري مش عيب يالا تعالي وسيبك منها دي بت ضاربة زي امها الله يكون في عون عمي مش عارف طايقهم ازاي وضحك الاثنان ودخلوا للدار وهو لا زال يضمها تحت ذراعه فوجدوا الجميع يجلسوا سويا فنظر لهم عبدالحميد ورباب وابتسموا على تملك جاسر لجميلة وكأنه أسد يحتوي أسرته واحمرار جميلة خجلا منهم فناداها عبدالحميد فاتحا ذراعه لها فجرت عليه وارتمت في احضانه مقبله يديه وقبل هو راسها
عبدالحميد مبارك ياجلب ابوكي معلش ادهملنا كلياتنا ومحدش عرف يبارك لكم الصبح
جميلة الله يبارك في حضرتك يابويا 
عبدالحميد رباب هاتي الأمانه اللي عندك يارباب
رباب عيني ياعبده وذهبت سريعا الي جناحهم وعادت ومعها شكمجية جميلة وفوقها علبة كبيرة قطيفة اعطتهم له ثم أمسكت جميلة واوقفتها أمامها وقبلت رأسها مبارك يابتي ربنا يسعدكم ويفرح جلبكم فقبلت جميلة يدها 
جميلة الله يبارك في حضرتك يا امي
عبدالحميد تعالي ياجميلة اجعدي جاري يابتي فجلست جميلة في المنتصف بينه وبين رباب امسكي يابتي دي دهبات نسمه الله يرحمها امنتني اديهالك يوم مايكتب كتابك والحمدلله أديت الأمانة مرتين سلمتك للي يصونك واديتك امانتك فلمعت عيون جميلة فضمتها رباب 
رباب

بلاها دموع يابتي هما فرحانين بيكي دلوك ليه دموعك دي عاد
جميلة كان نفسي يكونوا معايا يا أمي
رباب هما حاسين بيكي يابتي 
عبدالحميد امسكي ياجميلة فاستدارت جميلة له ففتح العلبه القطيفه فوجدت طاقم من الماس ده هديتي اني وامك رباب مالوش دعوة بشبكتك عاد الشبكة هدية جاسر ليكي يومين أكده نطمن على معتز وتنزلوا تختاروها سوا 
جميلة كتير قوي أكده يابويا كفاية ده 
رباب لاه يابتي كيف يعني جاسر منجي لك كام حاجة تختاري منيها اللي يعجبك فنظرت جميلة لجاسر فوجدته ينظر لها وعيونه تفضح مشاعره فابتسمت له ولم يكن يعلموا ان هناك من ينظر لهم پحقد وغل 
أدهم جميلة تعالي اهنه جاري اشمعني يعني عبدالحميد فضحكت وقامت من مكانها وذهبت له بعد أن نظرت لجاسر وكأنها تستأذنه ورأت ابتسامته 
جميلة نعم ياعمي فأخرجت كاميليا علبة قطيفة واعطتها له 
أدهم امسكي ياجميلة مبارك يابتي دي هديتي اني وكاميليا وقبل رأسها ثم التفتت تحتضن كاميليا بحب
جميلة الله يبارك في حضرتك ربنا مايحرمني منك ابدا وفتحت العلبة فرأت اسورة من الماس رائعة الجمال واعطتها لرباب حتى تراها بصي يا امي شكلها رجيج جوي وحلوة جوي كلاتها جلوب وفي كل جلب وردة صغيره فضحك أدهم وهو يضع يده على رأسها
أدهم طبعا لازمن تكون أكده هدية علشان عاشجة الورود ح تكون ايه غير جلوب وورود وضحك الجميع وضحك فارس 
فارس طبعا اني لو جلت لك تعالي جاري ح تعلج في النجفة دوغري وكان جاسر يجلس بجواره فضربه على رأسه فنظر له فارس ياجدع ايدك مرزبه اباي عليك بهزر يا غبي فضربه مرة اخرى وهو يبتسم
جاسر ماتهزرش يامتخلف وامسكه من قميصه مثل الحرامي
فارس اووووووف منك مش بتتفاهم اوع أكده خليني اديها هديتي ياجدع 
جاسر هاتها وأنا اللي اديها لها تديهالها أنت ليه 
أدهم بس ياواد أنت وهو اهمدوا فنظر جاسر وفارس لبعض واحتضنوا بعض بقوة وهم يخبطون على ظهر بعض ونظر فارس لجاسر فضحك بقوة
جاسر قوم ياض ادي هديتك لاختك فوقف واقترب من جميلة ومد يده لها بعلبة جميلة امسكتها منه وهي تبتسم
جميلة متشكره يافارس ربنا مايحرمكم من بعض انت وجاسر 
فارس ربنا يجمعنا كلنا دائما على خير مبارك يا خيتي 
جميلة الله يبارك فيك ياخوي عجبالك لما نفرح بيك
فارس يارب ياختي.... يارب الهدية تعجبك! فتحت جميله العلبه فوجدت بها سلسله من البلاتين بها دلايه على شكل قلب به حرف ال G حرفها وحرف جاسر فابتسمت 
جميلة متشكرة جوي ياخوي دي جميلة جوي ثم نظرت لرباب امي ممكن تخلي كل الحاجات دي عنديكي ولما احتاجهم ح ابجي اجول لحضرتك فابتسمت رباب لها
رباب اشيلهم لك حبيبتي بس الأحسن تشيليهم في خزنة جوزك علشان منين ماتحتاجيهم تلاجيهم مش تحتاجي تجولي لحد ولا ايه فوقف جاسر واقترب منها ومد يده لها
جاسر تعالي ياجميلة معايا فوضعت يدها في يده وقامت وذهب بها إلى جناحه وادخلها وأغلق الباب فلاحظ جاسر رعشة جسدها فابتسم واقترب منها هامسا خاېفة مني ياجميلتي
جميلة معقولة ح اخاڤ من اماني ياجاسر انت بالنسبه لي الأمان والحماية ح اخاڤ منك ازاي فاقترب منها ورفع رأسها بيد واليد الأخرى تضم خصرها له وظل ينظر إلى عيناها حتى اغمضت عيناها خجلا