روايه كامله لمورو مصطفى

لما تجيبوا قمر واكتب عليها الأول واترجاها تسامحني ارجوك ياجاسر مافيش وقت هات قمر بسرعه فنظر فارس الي جاسر
فارس خليك انت جارهم اني ح اروح اجبها واجي بسرعة اتحمل يامعتز راجع لك بسرعة
معتز هات المآذون ياعمي ارجوك خليه يحضركل حاجة بسرعة
عبدالحميد حاضر ياولدي بس انت هدي حالك
معتز بابا سامحني ارجوك وادعي لي ربنا يخفف عني عڈابه وادعي لي قمر تسامحني وتقبل تتجوزني انا جنيت عليها بس والله حسيت ناحيتها بمشاعر أول مرة احسها أنا مش وحش يا بابا والله ماوحش وكان يبكي وأبوه يبكي

معه
كارم اهدى يا ابنى هتقوم منها صدقني 
زينة انت مچنون يامعتز جواز ايه بطل تخلف انت ح تدخل العمليات وتخرج كويس وكل اللي بتعمله ده هبل 
معتز اسكتي خالص انتي زيك زيها أمك جنت علينا بطمعها وحقدها على الكل ياريت تلحقوا نفسكم قبل ما تبقى نهايتك سوداء يازينة 
كانت حسناء تجلس بالخارج في حالة ذهول وبجوارها زينة بعد أن استمعت لكلام معتز وكان يجلس معهم أيضا رباب وكاميليا وسعاد وجميلة وفجاءه وجدت فارس يأتي جري وخلفه قمر وفريدة فوقفت وهي تصرخ
حسناء انتي جاية هنا ليه انتي السبب ابني بېموت وانتي السبب وحاولت التهجم عليها فوقف فارس أمامها ووجهه ينم عن شړ مستطر
فارس بجولك ايه بعدي عن وشي دلوك احسن جسما بجلال الله اكون مخلص عليكي اهنه فاهمه ودفعها بعيدا واخذ قمر ودخل الي معتز ووقفت فريدة بجوار جميلة وعندما رأت قمر منظر معتز وجسده كله دماء وضعت يدها على فمها وأنهمرت دموعها بغزاره فاقترب منها كارم وامسك يدها واقترب بها ناحية معتز 
كارم سامحيه يابنتي ونطق معتز بوهن شديد
معتز قمر سامحيني ياقمر بترجاكي انا ح اتجوزك دلوقتي بس ارجوكي سامحيني ربنا خد حقك أول ما لجأتي له انتي بينك وبين ربنا عمار قبل دعوتك وخد حقك في ساعتها واخذ معتز ينازع وهو يتحدث من شدة الألم أنا داخل العمليات وممكن ماطلعش ارجوكي سامحيني عايز أموت وانتي على ذمتي كانت قمر تبكي بغزارة وهي تهز رأسها 
قمر والله ما اتمنيت لك كده ابدا والله ماكان قصدي يحصلك كده أنا من أول ماجيت عندكم وأنا دائما بدعي لك ربنا يصلح حالك والله ياكارم بيه 
كارم اهدي يابنتي اهدي اللي رايده ربنا ح يكون وهنا تدخل الطبيب
الطبيب ارجوكم اكتر من كده خطړ معتز پينزف كده دمه ح يتصفا لازم يدخل العمليات فورا فصړخ معتز پألم وصوته اصبح يتهدج 
معتز مش ح ادخل غير لما اكتب على قمر فاقتربت منه قمر وهي تبكي
قمر ادخل العمليات ولما تخرج نعمل اللي عايزه بس ارجوك اسمع الكلام فنظر لها معتز وحاول رفع يده ليمسح دموعها ولكن خانته يده وسقطت فنظرت له قمر وجلست أرضا قريبا من يده فمسح دموعها 
معتز مش ح ادخل الا لما اكتب عليكي يمكن ما اخرجش بابا ارجوك مهما كان اللي ح يحصل لازم تروح لوالد قمر وتفهمه اني اتجوزت قمر بسرعة علشان كان لازم اسافر ودخل عبدالحميد ومعه المأذون وقاموا بعقد القرآن ومضى معتز على القسيمة ونظر لقمر وابتسم سامحيني ياقمر واغمض عينه فصړخت قمر 
قمر قوم يامعتز لازم تقوم واقترب الطبيب منه ونظر لهم
الطبيب هو مغم عليه لأنه اتحمل ألم يفوق الوصف احنا لازم ندخل العمليات فورا ادعوله وكانت جميلة وفريدة قد دخلوا فور سماعهم لصړاخ قمر وقاموا باحتضانها واقترب منها كارم وامسك يدها بحب
كارم جمر من ساعه ماجيتي عندينا وأنا عاملتك بما يرضي الله يابتي لو ليا خاطر عنديكي سامحيه يابتي وادعي له يخرج منيها لكن ان كان ربنا أراد واسترد وديعته اعرفي انك بتي ومرات ولدي 
قمر سامحته يا كارم بيه سامحته والله وان شاء الله يخرج بالسلامة ويرجع لحضرتك بخير
كارم يارب يابتي يارب وساعتها ح يخرج لنا اني وانتي فنظرت قمر أرضا وجلست تدعو الله ان يخرج بسلام وكانت تجلس بجوارها جميلة وفريدة وكان يجلس كارم بجواره عبدالحميد وأدهم 
عبدالحميد ان شاء الله ح يخرج بالسلامة يا كارم 
أدهم معتز قوي ياكارم وح يعدي منها ماتقلقش وفجاءه شعروا بهرج في الخارج فخرجوا جميعا وعرفوا ان معتز يحتاج إلى أكياس ډم لانه ڼزف كثيرا وان لم يجدوا ډم سريعا سوف يفقدونه وكانت فصيلته نادره الوجود وفجاءه وجدوا قمر تتقدم من الطبيب
قمر انا نفس الفصيلة يادكتور فحمد الدكتور بصوت عالي وصړخ بها 
الطبيب تعالي ورايا بسرعة ارجوكي عندك اي مرض
قمر لا يادكتور وذهبت معه إلى الداخل
وجلس كارم وهو يضع وجه بين يديه وهو يدعو لابنه ان يقوم منها بخير وبعد فترة من الوقت خرجت قمر يسندها اثنتان من الممرضات فجرت جميلة وفريدة عليها 
جميلة في ايه مالها قمر فنظرت لها الممرضة
الممرضة اتبرعت بكمية كبيرة من الډم ياريت تجيبوا لها عصير 
جاسر اه حاضر حالا تعال معايا يافارس وذهبا الاثنان معا وبعد مضى بعض الوقت خرج الطبيب وجرى الكل عليه
الطبيب الحمدلله احنا عملنا اللي علينا وربنا يستر يعدي ال ٢٤ ساعه الأولى من غير مضاعفات هو دلوقتي في العناية يعني وجودكم هنا مالوش اي معني
كارم الحمدلله يارب الحمدلله يارب استرها من عندك يارب عبدالحميد أدهم روحوا انتم خدوا الحريم وروحوا انتم لازمن تروحوا لأحمد ولمياء يالا ياخوي
قمر بعد اذنك يابيه انا ح افضل هنا 
حسناء انتي تمشي من هنا ياوش المصاېب فصړخ كارم بها
كارم حسك عينك اسمعك بتكلميها تاني اكده دي مرت ولدي فاهمة يعني ايه يعني بتي ولو فكرتي تضايجيها ح يكون آخر يوم في عمرك

ياحسناء غوري من اهنا ونظر لقمر وابتسم عايزة تجعدي جاره ليه ياجمر 
قمر وعدته وانا جوه افضل جنبه
كارم خلاص يابتي ادخلي الاوضة جوه على ماجاسر يجيب ليكى حاجة مريحة تلبيسيها وتريحى شكلك باين عليه التعب بعد الډم اللى اتبرعتى بيه لجوزك وانت يا جاسر انت وفارس وصلو البنات وجميلة تعطيك لبس لقمر 
كارم يالا يا عبدالحميد خد الكل وامشي مش عايز حد اهنا
عبدالحميد بص ياكارم فريدة ح تجعد مع جمر يمكن تتعب ولا حاجة وهنا تكلمت سعاد
سعاد بص يا حاج عبد الحميد كلكم لازم تروحوا لأحمد ولمياء انا ح اقعد مع قمر انا وفريدة وروحوا انتم وخلص مشوارك ياكارم بيه وتعال
كارم لاه اني مش ح اسيب ولدي عبدالحميد يعتذر لهم عني ولم يجوم بالسلامة ح اروح لهم انا وهو ان شاء الله بس ماحدش يجول لهم حاجة خليهم يسافروا شهر العسل بتاعهم ولما يرجعوا يبجوا يعرفوا يكون هو كمان بجي كويس
عبدالحميد ان شاء الله ياخوي يالا بينا ياجماعة 
حسناء انا ح اقعد انا وبنتي هنا
كارم انا قلت مش عايز حد هنا غير الست سعاد وفريدة روحوا ياحسناء خدي بتك وروحوا وياريت تعجلوا جبل فوات الاوان
يالا يا عبدالحميد يالا يا أدهم خدوهم وروحوا 
جميلة عمي ح اروح اني واجيب خلجات لجمر وح اعاود واحنا في الطريج للمياء حضرتك عايز حاجة من اهناك
كارم لاه يابتي تسلمي يارب 
وغادر الجميع المستشفى وظلت قمر وسعاد وفريدة سويا وكانت قمر لا تفعل شيئا الا الدعاء له