روايه كامله لمورو مصطفى

وفجاءه نظرت جميلة وفريدة لبعض وابتسموا ثم قاموا بإطلاق وابل من الزغاريط فاغتاظت حسناء بشدة ووقفت
حسناء اعمل حسابك لو فضلت مصمم على كلامك وجوازك من البت دي فصړخ معتز بها
معتز انا لغاية دلوقتي محترم انك أمي بس اعملي حسابك مش ح اسمح لأي حد

يهين قمر فاهمة 
حسناء تمام يا جوز الست قمر انسى ان ليك أم أو أخت فضحك معتز بقوة واستند علي قمر واقفا فجري له جاسر وفارس واسندوه فالټفت لها 
معتز ومن امتى كنتي ام ولا هي كانت اخت متشكر لكم مستغني مش عايز تمام كده جاسر فارس أنا تعبان قوي رجعوني السرير ارجوكم فاسندوه حتى عاد للفراش وجرت قمر وقامت بإعداد المخدات حتى يستند عليها ثم غطته بعد أن نام في الفراش فامسك يدها مقبلا اياها ربنا مايحرمني منك ياملاكي فاحمرت قمر خجلا
أدهم طيب متهيألي بجي نمشي احنا علشان نسيب معتز يرتاح معتز احنا لازم نرجع القاهرة الشغل كله متعطل بوجودي اني وفارس اهنا بس احنا عرفنا من الدكتور انك ح تطلع كمان ٣ ايام ح تروح على فين ياولدي
عبدالحميد على فين يعني ايه يا أدهم فضحك معتز
معتز على عمي عبدالحميد ياعمي ح اقعد عنده لغاية ما أستلم شغلي مع جاسر ان شاء الله
أدهم طيب ياولدي احنا آخر السبوع ان شاء الله ح نكون عنديكم بس دلوك لازمن نسافر عايز حاجة ياولدي جبل مانسافر 
معتز متشكر قوي ياعمي متشكر قوي يافارس تعبتكم معايا الفترة دي
فارس لاه ابدا كيف يعني تجول أكده احنا كلاتنا خواتك وجانبك وفي ضهرك احنا ح نمشي دلوك وح نفضل على اتصال
معتز اكيد يافارس توصلوا بالسلامة ان شاء الله
عبدالحميد يالا بينا ياجماعة خلونا نمشي خلي معتز يرتاح ح تفضل معاهم ياكارم ولا ح تيجي معانا
كارم لاه ح اروح النهاردة كفاية جمر معاه هو دلوك بجي احسن
يالا بينا عايزين حاجة ياولاد
معتز شكرا يابويا
كارم جمر لو احتاجتي حاجة كلميني دوغري
قمر حاضر ياعمي
وانصرف الجميع وتركوا قمر مع معتز وعادوا جميعا الي الدار ومضى الليل وفي الصباح انصرف أدهم وزوجته وابنه الي القاهرة على وعد بالاتصال دائما
مرت الايام وخرج معتز على دار عمه مع قمر وطلب من ابيه العودة الى القاهره مع زوجته وابنته حتى يرى عمله الذي تركه كل تلك المدة وفي هذا اليوم عاد احمد ولمياء من شهر العسل ونزلوا فورا على دار ابيها فوجدت أمامها معتز وكان لا زال يده وساقه مربوطين وكان نائم على اريكه وقمر تجلس أمامه تطعمه الأكل فصعقټ من المنظر وكان يجلس معهم جاسر وجميله وعبدالحميد ورباب وكان لازال كارم وحسناء وزينة موجودون وكذلك سعاد وفريدة بعد أن اصرت جميلة عليهم أن يظلوا معها حتى يوم فرحها 
لمياء سلام عليكم احنا جينا فصړخت جميلة وفريدة وجروا عليها وكذلك جاسر قام جري لأحمد وجلسوا سويا جميعا وحكوا لهم كل ماحدث وكانت قمر قد ذهبت لإحضار الدواء لمعتز فڠضبت لمياء ووقفت ودموعها تهدد بالسقوط 
لمياء كل ده حوصل واحنا مانعرفوش ايه خلاص لغتونا من حياتكم اني وأحمد فاقتربت منها جميلة
جميلة لمياء ازاي تجولي اكده الموضوع كله حوصل صباحية فرحك كنا ح نعرفوكي ازاي حبيبتي
أحمد لاه ياجميله كنتم جولتم برضك كنا حتى أجلنا سفرنا
كارم اني ياولدي اللي جلتلهم محدش يجول لكم كيف يعني ننكد عليكم صباحية فرحكم وبعدين اهو معتز ادامكم اهه زي الجرد كلاتها كام يوم ويجوم يفط فضحكوا جميعا
لمياء حمدلله على سلامتك يامعتز والف مبروك الجواز من جمر وهي جمر ربنا يبارك لكم في حياتكم يارب
معتز الله يسلمك يا لمياء والله يبارك فيكي يارب ويسعدك 
أحمد سلامتك الف سلامة يامعتز ومبارك الجواز ياخوي
معتز الله يسلمك يا أحمد متشكر قوي الله يبارك فيك يارب أنتم السابقون ونحن اللاحقون 
قمر معتز ميعاد الدواء أنا جبته ممكن تقعد علشان تاخده فابتسم لها معتز بحب
لمياء مبارك ياجمر
قمر الله يبارك فيكي يا لمياء ميرسي حبيبتي
أحمد مبارك ياجمر ربنا يسعدكم
قمر الله يبارك فيك ياباشمهندس ربنا يسعدكم ويهنيكم يارب
أحمد أحمد بس ياجمر احنا خواتك دلوك فضحكت زينة بسخرية وهي تنظر لهم جميعا
زينة ونعمة الأخوات صحيح 
معتز فعلا عندك حق ونعمة الأخوات هما دول الأخوات بجد مش زيك وبعدين لما احنا مش عجبينك قاعدة معانا ليه 
جاسر هدى حالك يامعتز مش اكده
زينة شايف ياجاسر بيكلمني ازاي فنظر لها جاسر باستخفاف
جاسر ماهو لو كنتي احترمتي في كلامك الجاعدين كان كلمك كويس يازينة هانم
زينة هو اللي خد كلامي تريقة لكن انا بتكلم جد
كارم يالا كفاية رط حديت عاد خلونا نمشي جومي يالا انتي وهي حضروا حالكم خلونا نمشي فنظرت حسناء لابنها
حسناء برضة مصمم تقعد هنا وتنفذ اللي قلته
معتز ايوة ياحسناء هانم ح افضل هنا وح انفذ اللي قلت عليه
حسناء تمام يامعتز اعمل اللي يريحك بس اوع تيجي لي وتقول ندمان في يوم فضحك باستخفاف
معتز لو جيت لك في يوم ابقى اطرديني بابا لو سمحت ابقى ابعت لي حاجتي من اوضتى 
كارم حاضر ياحبيبي انا يومين وح اجي لك تاني
معتز لا يابابا كتير عليك حبيبي هاتهم اخر الأسبوع وحضرتك جي وبعدين فارس اتفق معايا ح يعدي على حضرتك تيجي معاه علشان ماتسوقش المسافة دي كده كده

عمي أدهم بيجي مع السواق 
كارم ماشي حبيبي خلاص ح ابجي اضبط مع فارس 
وذهب كارم بعد أن ودع ابنه وزوجته والباقين وجلست لمياء مع جميلة وفريدة واخذوا قمر معهم وكانوا يتفقون معا على مساعدة جميله على شراء الناقص لها وجلس أحمد مع جاسر ومعهم معتز يتفقون على نظام العمل ويختارون وظيفة معتز مع أحمد هناك وذهب عبد الحميد ورباب وسعاد للحديقة يجلسون سويا ويتفقون أيضا على فرح جاسر وجميلة
وبدء العد التنازلي لفرح جاسر وجميلة وكان العمل على قدم وساق في البيت فقد تم نقل كل شئ في جناح جاسر لجناح لمياء ليتم العمل في جناح جاسر وتوضيبه من الاول وكان جاسر وجميله يشرفون على كل شئ فيه ويتابعون العمل في الشركة ايضا ثم تنزل جميلة مع فريدة وقمر لشراء الباقي من لوازمها الشخصيه وكان فارس يأتي في الغالب اخر الاسبوع ليقضي معهم اجازة نهاية الاسبوع وكان كارم يأتي معه وفكر كارم ان يجعل فرح معتز وقمر مع جاسر وجميلة وابلغ معتز
كارمها رايكم ايه ياولاد
معتز لا يابابا بعد اذنك يوم ماقمر تبقى في بيتي لازم اكون وقفت على رجلي بنفسي لازم تكون رضيت عني واعملها فرح تتحاكي بيه وقبل كل ده تكون سامحتني من قلبها
كارم اللي تشوفه ياولدي
عبدالحميد عين العجل ياولدي المهم جولي بجي ح تنزل الشغل من مېتي
معتز ان شاء الله ح انزل مع أحمد بعد فرح جاسر وجميلة اساعده لغاية ما جاسر يرجع وأول مايرجع جاسر ح نسافر انا واحمد الساحل علشان نبدء نتابع الشغل هناك
عبدالحميد ربنا معاكم ياولدي ويوفجكم يارب
معتز يارب ياعمي
قمر معتز ممكن اطلب منك طلب
معتز طبعا ياقمر اؤمري
قمر عايزة اكمل السنة اللي فاضلة وكمان عايزة انزل شغل بعد اذنك ممكن
معتز تكملي ده اكيد