روايه كامله لمورو مصطفى

ح يحصل بابا فعلا قدم لك اعتذار في الجامعة عن السنة اللي ضاعت منك لكن الشغل ليه ياقمر فوضعت وجهها ارضا
قمر معتز انت عارف انا اللي بصرف على عيلتي فابتسم لها ووضع يده على يدها
معتز حبيبتي بابا راح لعمي وطلب منه ينزل معاه الشغل في الشركه وفعلا عمي نزل مع بابا وكان مبسوط قوي لانه كان نفسه ينزل يشتغل وطلب من بابا يبلغك تاخدي بالك من نفسك ودائما تطمنيهم علينا فابتسمت قمر بقوة وضغطت بيدها على يد معتز وكأنها تشكره
كانت جميلة مع جاسر في المكتب وكان المتبقي على فرحهم أسبوعين فقط ووجدها في مكان آخر لا تسمع كلمة مما قاله فاقترب منها ووضع يده عليها فانتفضت
جاسر مالك ياحبيبتي سرحانة في ايه ياقلبي
جميلة ابدا يا جاسر مافيش حاجة
جاسر حبيبتي عيب عليكي قولي مالك بلاش تشغليني عليكي
جميلة حبيبي مافيش بس لمياء عماله تكلمني تقولي المفروض انزل اجيب فستان الفرح وانت مش عايزني انزل فابتسم جاسر لها واقترب منها مقبلا رأسها ثم رفع وجهها له ونظر في عيناها
جاسر بتثقي في ذوقي
جميلة أكيد طبعا ياجاسر ليه بتسأل
جاسر يبقى خلاص انسى تنزلي تجيبي الفستان وسيبي ده عليا أنا ايه رأيك موافقة فابتسمت
جميلة اكيد حبيبي موافقة
جميلة جاسر احنا في الشغل
جاسر يامهون يارب يعدي الأسبوعين دول بقي
جميلة ان شاء الله يعدوا بسرعة حبيبي
جاسر طيب يالا بينا ياقلبي خلينا نروح
ومر الوقت وجاء موعد الحنة وكانت جميلة تجلس مع فريدة وقمر وهم يضحكون ومعهم رباب وسعاد وكاميليا التي أتت مع زوجها في نفس اليوم اما فارس فقد سبقهم بيومين حتى يكون بجوار صديقه وكان الحريم كلهم يجلسون بداخل الدار اما الرجال فكانوا يجلسون بالخارج وفجاءه شاهد معتز امه واخته يدخلون من الباب فنظر لأبيه وعاد بالنظر لهم ووقف واتجه لهم
معتز خير ياهوانم شرفتونا ليه
حسناء ايه يامعتز مافيش حتى وحشتوني
معتز أنا سألت حضرتك خير جاين ليه
زينة جاين نحضر فرح ابن خالتي يامعتز عندك اعتراض وبعدين انت بتكلم بصفتك ايه هو كان بيتك وقبل ان يجيب معتز وجد جاسر يضع يده على كتفه ويبتسم
جاسر طبعا بيته وبيت مراته يا زينة هانم عموما يامعتز اللي يجي بيتك لازم تستقبله حتى لو غير مرغوب في وجوده دخلهم يامعتز لحد الباب ونادي على أم السعد تدخلهم للحريم جوه وكلمة بقولها لك يا خالتي انتي وبنتك لو حد فيكم نطق كلمة جوه ټجرح اي حد من الموجودين سامعين اي حد من الموجودين محدش ح يحوشني عنكم ياريت يكون كلامي وصل عن اذنكم بقى عريس عقبالك يا...... بنت خالتي وتركهم جاسر وهو يتوعد لهم ان فعلوا شيئا ورفع هاتفه وطلب رقم وابلغ من رد ان يضعهم تحت عينه ويبلغه بكل حرف
البارت الحادي عشر
كانت جميلة تجلس مع كل البنات والسيدات الاتي اتوا للمباركة لها وكانت تجاورها لمياء

وفريدة وقمر التي ما أن رأت حسناء وزينة ارتعش جسدها فمالت عليها لمياء
لمياء بجولك ايه عاد ولا يهمك منيهم وراكي رجالة تاكل الزلط وضحكت فضحكوا الاربعة وهمست لها جميلة
جميلة بت ياقمراية انتي ولا يهمك من حد فيهم وكانت حسناء وزينة اقتربوا فقامت لهم رباب
رباب حمدلله على السلامة يا حسناء نورتي يازينة يابتي عجبالك يازينة
زينة ميرسي ياطنط
رباب اجعدوا اجعدوا يالا يابنات هيصوا ساكتوا ليه عاد فقام الفتيات بالغناء ومنهم من قامت لترقص ومضى الوقت وانصرف جميع الضيوف وتبقى الأهل فقط وكان كل واحد يجلس بجوار زوجته عدى كارم الذي كان يجلس بجوار سعاد وفريدة فقد اخذ عليهم وتقرب منهم كثيرا في الفترة السابقة وكانت حسناء تجلس كما هي بجوار زينة وكانوا ينظرون لكل الموجودين پحقد وغل وفجاءه تحدثت لمياء وهي تنظر لجاسر الذي يجلس بجوار جميلة ويمسك يدها بين يديه ويتحدث معها بخفوت 
لمياء جاسر ياخوي ممكن اطلب منك طلب اصغير بس بالله عليك ماتجول لاه فنظر لها جاسر بتوجس
جاسر جولي يا آخرة صبري ربنا يستر من طلباتك
لمياء خلي جميلة تغني لنا اغنية بصوتها فنظر لها جاسر پغضب
جاسر انتي بتجولي ايه عاد يالمياء كيف يعني
لمياء بالله عليك ماترفض مافيش حد غريب جاعد ياجاسر
جميلة لاه يالمياء اتكسف
لمياء تكسفي ايه بس هو جاسر يوافج الأول
جاسر ماشي يالمياء ونظر لجميلة هي اغنية واحدة
جميلة طيب بس خليك ماسك ايدي فنظر لها بحب مقبلا يدها
جاسر لآخر العمر ياحبيبي فابتسمت له جميلة وبدأت تدندن بصوتها ثم اغمضت عيونها وضغطت على يد جاسر وبدأت غناء أغنيه حبه جنة لشيرين
حبه جنة انا عشت فيها قربه فرحة حلمت بيها
ده اللي بيه احلو عمري ده اللي أنا هديله عمري
ياما ليالي بستنى لقاه
مهما قولت له واتحكاله مستحيل اوصف جماله 
رقة الدنيا في عيونه قلبي كان الله في عونه
من اللي أنا حسيته معاه
كل يوم القى روحي بتنده ليه
علي العموم مش هخبي وأداري عليه
انه غيرني وسرقني وإن أنا اتعلقت بيه
اللي فات من حياتي ضايع قبليه
فيه حاجات حلوة حصلتلي على ايديه
كل لحظه تزيد غلاوته وناوي يعمل تاني ايه
لما اغمض عيني قلبي شايفه اسمي غنوة مابين شفايفه
صوته أجمل صوت نداني ابتسامته مطمناني
يومياتي بالي عليه مشغول بالأمانة وبصراحة 
كنت عمري ماهلقي راحه لولا بالصدفة لاقيته
اللي بالغالي اشتريته منايا اعيش وياه على طول
كل يوم القى روحي بتنده ليه
علي العموم مش هخبي وإداري عليه
انه غيرني وسرقني وان انا اتعلقت بيه
اللي فات من حياتي ضايع قبليه
فيه حاجات حلوة حصلتلي على ايديه
كل لحظه تزيد غلاوته وناوي يعمل تاني ايه
وبعد أن انتهت جميلة من الغناء فتحت عيونها وفجاءه ضمھا جاسر بقوة لصدره وفجاءه استمعوا لصافرات عالية من فارس وأحمد ومعتز فزاد احراج جميلة فخباءت وجهها في صدر جاسر وعندما شعر جاسر بوجهها يلتصق بصدره شعر ان أنفاسه تعلو بشدة 
فارس ايه ياجميلة ده ياخبر ابيض ياناس صوتك روعة يابنتي
أحمد صحيح ياجميلة دائما لمياء بتجولي لما تكون مضايجة بتخليكي تغني لها وبعدها تبجي في منتهى السعادة عندها حج بصراحة صوتك تحفة الله اكبر 
معتز بصراحة الواحد مش لاقي كلام يقوله بوظتي اعصابي ياشيخة حرام عليكي وضم قمر له بشدة فخجلت وأحمر وجهها
ماشاء الله ياجميلة صوتك ملائكي فنظرت له جميلة وغمزت لقمر التي فتحت عيناها على آخرهم وكانها تترجاها الا تتكلم ولكن جميلة ابتسمت
جميلة على فكره يامعتز مرتك صوتها احلى من صوتي فوقف معتز مكانه ونظر لها 
معتز بجد بتكلمي جد ياجميلة هي قمر صوتها حلو وناعم اه بس بجد بتغني فهزت جميلة رأسها بالموافقة وهزت قمر رأسها بالرفض 
عبدالحميد اجعد يامعتز وماتحرجهاش ياولدي احنا برضك لسه اغراب عليها ياولدي 
قمر لا ياعمي والله بالعكس انتم اهلي بس بجد انا اتكسف وكمان يعني بعد جميلة ماينفعش اغني خلوني انا مرة تانية
وفجاءه وقف جاسر وهو يمسك يد جميلة ونظر للجميع ووجهه خالي من اي تعبير
جاسر عن اذنكم ياجماعة خمسه