روايه كامله لمورو مصطفى

قال الاب بعد ٣اسابيع حتي يكونوا قد انجزوا قليلا في المشروع وايضا يكونوا قد انتهوا من شراء باقي اشياء لمياء التي تنقصها ومضي اليوم وأحمد معهم حتي اتي المساء فاستأذن للانصراف بعد ان اعطي كل واحد منهم هديته التي احضرها له فقد احضر للاب عباءه جميلة من افخر واشيك العباءات الخليجية واحضر ايضا للام عباءة مشغولة ومعها شنطتها اما جاسر وجميله فقد احضر لكل واحد منهم زجاجه برفان وساعة كما احضر لحبيبته بعض البرفانات وتشكيله من الساعات والنظارات والشنط فهو يعلم ولعها بهم وانتهي اليوم علي وعد باللقاء في الصباح الباكر في العمل
عادت زينة من الخارج فوجدت امها تجلس تشاهد مسلسل فجلست بجوارها 
زينة ااااااااه اتهديت من اللف يامامي
حسناء اشتريتي حاجة المهم
زينة اه يامامي اشتريت فستان واووووو تحفة وحجزت كمان البيوتي سنتر لازم بكره اخطڤ الانظار كلها ليا 
حسناء ايوه لازم تخلي فارس يدور عليكي في كل مكان شعلليه فاهمة فضحكت ابنتها ضحكة من يسمعها يتخيل ان من تضحك هي فتاة ليل وليست من عائلة المفترض انها محترمة
زينة اكيد يامامي انتي عارفه بنتك ده انا ح اخليه يجي راكع تحت رجلي علشان بس اكلمه وضحكوا هما الاثنان سويا دون التفكير للحظات في ان كل مايصنعوه ويفعلوه يغضب الله وكانت تستمع لهم فتاه تعمل لديهم وكانت تبكي حظها الذي اوقعها في هذه العائلة التي لاتعرف الله وعادت الي المطبخ مرة اخري وهي تبكي حسرة علي ماحدث لها وفجاءه استمعت الي صوت من كان السبب في مأساتها فعرفت انه جاء وانتظرت حتي ذهب الجميع للنوم وصعدت له ودقت عليه الباب ففتحه ونظر لها نظره شعرت فيها انه يجردها من ثيابها فنظرت له باحتقار
قمر معتز بيه من فضلك عايزة اتكلم معاك ممكن تنزل تحت فضحك واقترب منها فارتدت للخلف سريعا
معتز وانزل ليه تعالي ادخلي 
قمر لا مش داخله فسحب يدها وادخلها عنوة واغلق الباب فابتعدت عنه ونظرت له وعيناها تتلألأ بالدموع لو سمحت يامعتز بيه انت لازم تتصرف انت ضيعتني واهلي لو عرفوا ح ېقتلوني فضحك بقوة وهو يقترب منها ويضع يده علي الحائط خلفها 
معتز وهما ايه اللي ح يعرفهم بس ما احنا مع بعض هنا لوحدنا 
قمر انت ليه بتتعامل علي اني كنت موافقة على اللي عملته فيا انت اخدتني ڠصب ربنا منتقم جبار فڠضب معتز بشدة وامسك يدها بقسۏة
معتز انتي بتدعي عليا ياحيوانة 
قمر والله لو قربت مني لصوت واخلي الكل يعرف انت عملت ايه فضحك بكل صوته واقترب مرة اخري منها 
معتز خلاص صړخي وخليهم يتجمعوا هنا وح اقول انك اللي جاية لي برجلك انتي في جناحي مش انا اللي عندك دلوقتي ح تقعدي تبسطيني اقعدي ح تنكدي عليا غوري من هنا برة بدل ماطيرك من البيت كله وساعتها فضيحتك ح تبقي بجلاجل فنظرت له ودموعها تهبط 
قمر انا ح اقولك حاجة واحدة بس ربنا ينتقم منك زي ماضيعتني ڠصب حسبي الله ونعم الوكيل يجيب لي حقي منك وتركته وانصرفت فنتبه قليلا لدعائها عليه وللحظات شعر برعشة في جسده ثم شيطانه تغلب عليه مرة اخري فضحك بصوت عالي ثم نام علي فراشه وذهب في نوم عميق
وقفت جميلة امام مرأتها حتي تعدل ملابسها وطرحتها ووضعت فقط كحل ازرق في عيناها وخرجت من غرفتها في اتجاه غرفة لمياء فوجدت جاسر امامها فاخفضت رأسها
جميلة صباح الخير ياجاسر
جاسر صباح الفل ياجوجو عاملة ايه مستعدة للشغل فرفعت رأسها ونظرت له بحماس
جميلة جدا انا ولمياء متشوقين قوي للشغل فضحك جاسر ونظر لها
جاسر لمياء ح تلاقيها متشوقة علشان ح تكون مع أحمد ونظر لها بدقة فشاهد الكحل في عينها فتجهم وجهه ايه اللي حطاه في وشك ده ياجميلة فنظرت له جميلة باستغراب
جميلة انا مش بحط حاجة ياجاسر ده بس قلم كحل
جاسر امسحيه لو سمحتي ياجميلة فحزنت جميلة واخفضت رأسها ولمعت عيونها بالدموع
جميلة حاضر ياجاسر فاقترب جاسر منها ورفع وجهها ووجد دموعها تترقرق في عيونها فحزن انه السبب
جاسر جوجو انا خاېف عليكي شكلك ملفت للنظر قوي وجمال عيونك ظاهر بشكل ملفت قوي يرضيكي حد يشوفك كده فرفعت وجهها له وهي تبتسم لانها شعرت بغيرته

عليها ومسحت الدمعة التي فرت علي وجهها بظهر يدها فكانت تشبه الطفلة التي حزنت من والدها وعندما اعطاها ماتريد فرحت ونست الدموع 
جميلة لا طبعا ماحبش حد يشوفني كده ح امسحه عند لمياء 
جاسر طيب يالا ماتتاخروش
جميلة حاضر علي طول
دخلت ل لمياء فوجدتها انتهت وتمسك شنطتها استني يالمياء عايزة امسح الكحل هاتي وايبس
لمياء ليه ياجميلة ده تحفة عليكي ظاهر عيونك بشكل رائع
جميلة ماهو علشان كده مش مفروض ان حد يشوفني كده
لمياء طبعا اللي قالك جاسر باشا 
جميلة ايوه بس هو عنده حق انا في الاول زعلت لكن لما قالي تحبي حد يشوفك كده حسيت بغلطي 
لمياء يارب صبرني علي الجوز دول اخلصي ياختي خلينا ننزل
وهبطوا سويا بعد ان مسحت جميله الكحل وغسلت وجهها وعندما راءها جاسر ابتسم في سعادة 
رباب يالا يابنات هموا علشان تفطوروا وتلحجوا تروحوا علي شغلكم أحمد لسه مكلم جاسر وهو سبجكم علي هناك
عبد الحميد بالراحة عليهم ياحاجة الدنيا ماطارتش 
رباب وهو اني جلت حاجة ياحاج بس انت عارف لولو بتحب تتلكع وجاسر متسربع
لمياء لا اني خلصت خلاص يا امي جاهزة ياجوجو
جميلة اه يالا بينا انا جاهزة
جاسر طيب يالا يابنات بالأذن يابويا
عبد الحميد أذنكم معاكم ياولدي خلي بالك منيهم فاهم
جاسر في عيوني يابويا
جميلة لا اله الا الله
رباب وعبد الحميد محمد رسول الله
كان أحمد يقف في المكتب وينظم وضع مكتب ل لمياء في مكتبه وكذلك مكتب اخر لجميلة في مكتب جاسر ووجد جاسر يدخل ومعه لمياء وجميلة ووجد كل الشركه تنظر لهاتان الفتاتان اللائي يدخلان مع جاسر فتجهم وجهه ووجه جاسر ووقف في منتصف الشركه مناديا للكل
جاسر صباح الخير ياجماعة اعرفكم المهندسة لمياء اختي والمهندسة جميله بنت عمي اعتقد عارفين توضيحي ده معناه ايه فاهمين طبعا فتنحنح الجميع وهمسوا فاهمين ياريس اهلا وسهلا وكان هناك مهندس لفت نظره جميلة برقتها الملفته للنظر فنظر لجاسر
حسام باشمهندس جاسر مكتب المهندسة جميلة ح يكون فين فنظر له جاسر شذرا واخذ خطوة للامام
جاسر خير ياباشمهندس حسام بتسأل ليه يخصك في حاجة فارتبك حسام 
حسام ابدا يا باشمهندس مجرد سؤال علشان يعني نعرفهم الاماكن والشغل وكده
جاسر مايخصكش ياحسام واتفضلوا كل واحد علي مكتبه وتحرك لمكتبه وخلفه جميلة ولمياء وأحمد
أحمد جاسر ح يولع في الشركة بسبب جميلة ربنا يستر
جميلة وهو انا عملت حاجه يا أحمد
أحمد ماعملتيش يا اختي بس هو مش ح يستحمل حد يهوب ناحيتك ربنا يستر يالا بسرعة وراءه ودخل جاسر المكتب ووقف خلف النافذة حتي يحاول تهدءه نفسه قليلا ودخل خلفه أحمد وجميلة ولمياء فاقترب منه أحمد ووضع يده علي كتفه
أحمد اهدي ياجاسر مش كده انت بتخوفها منك بنرفذتك دي هي ماعملتش حاجة والټفت جاسر فوجد جميلة تجلس بجوار لمياء وعلي ملامح وجهها الحزن فتنهد وذهب لهم وابتسم
جاسر يالا