غدر الصحاب

لنا اكل يابنات
جنا 
انا مليش دعوة اتصلي بساندي هي لسه مرجعتش خليها تجيب معاها
سلمي 
اه صحيح هي مرجعتش لحد دلوقتي ليه الساعة كام اصلا دلوقتي دي داخله على عشرة هي ازاى بتفضل بره السكن لحد بعد تسعه هي مش مس تهاني قالت محدش يرجع بعد تسعه
نور 
طيب ماهي كل كده على فكرة بتتاخر وترجع بعد عشره ومحدش يعرف هي بتروح فين
جنا 
والله يانور انا بقول ساندي حره وكل واحد يخليه في حاله هي بترجع متأخر بترجعي بدري ملكيش فيه
نور 
وهو انا كنت قولت ايه يعنى ياجنا انا بس قلقانة عليها مش اكتر ماهي صاحبتنا ولازم كلنا نخاف على بعض
سلمي 
ايوه طبعا ياجنا نور عندها حق احنا بنسال عليها عشان نطمن عليها
جنا 
برضو ملكوش دعوة بيها
سلمي قالت لنور 
هي مالها دي هو حد فينا كان اتكلم ولا قال حاجة ياساتر هي عامله كده ليه هي كمان شكلي هتعب اوي في السكن هنا
نور
هما الاتنين كده على فكرة دايما فا الأحسن اننا نتجنبهم
ورجعت ساندي من برة الساعه 11 بالليل ودخلت كانت سلمي ونور وجنا قاعدين كل واحده بتبص في تليفونها
ساندي
هاااي
نور
حمد الله على السلامة
ساندي
طيب
جنا قال لها بصوت واطي 
ايه يا سوو اتاخرتي كده ليه
ساندي
اعمل ايه بس ياجنا اصل زياد مكنش عايز يسبني وفضلنا قاعدين مع الشله والوقت سرقنا انا لما لقيت نفسي هتأخر قولت ارجع بقا
جنا
طيب اصل الحلوين دول كانو عمالين يقولو هي راحت فين وجات منين وميصحش ومعرفش ايه بس انا مسكتش لهم
ساندي
جدعة ياجنا وعلت صوتها وقالت وكل واحده هنا تخليها في حالها مالهاش دعوة اتأخرت ولا متاخرتش انا حره ارجع في الوقت اللي يعجبني
فضلو ساكتين ومحدش رد عليها
وبعدها بيومين كانو في الجامعة وسلمي قابلت نور وفضل مع بعض وسلمي قالت
ايه ده الحقي يانور مش دي ساندي اللي هناك دي ولا انا بيتهيألي
نور 
ااه صحيح دي هي اومال مين اللي معاها ده
سلمي 
معرفش تعالي نشوف مين ده عشان عيب كده اللي بيتعملة ده يعني معقول أهلها بيصرفو عليها عشان تجي هنا تتعلم تقوم هي تقف مع الشباب دي قلة أدب
نور 
بقولك ايه يا سلمى
احنا ملناش دعوة هي حرة في اللي بتعمله لانك لو كلمتيها مش هتسكت وهتفضل تقولك انتي مالك وخليكي في حالك والكلام بتاعها ده
سلمي 
على فكرة دي اسمها قلة أدب اللي هي بتعملة ده اصلا بس انا هاقول لمس تهاني واخليها هي تتصرف معاها
ورجعوا السكن وسلمي راحت لتهاني المشرفة وقالت 
لو سمحتي يامس تهاني كنت عايزة اتكلم مع حضرتك في حاجة
تهاني 
خير يا سلمى في ايه اتكلمي
سلمي 
دلوقتي يامس مش من المفروض ان اللي يشوف حاجة غلط بتحصل ميسكتش عليها
تهاني 
فعلا وايه الغلط اللي حصل وانتي شوفتيه عشان مش عايزة تسكتي عليه
سلمي 
في واحده معانا في الاوضة بترجع متأخر من برة كل يوم وطبعا بيكون حضرتك نمتي معرفش هي ازاى بتتدخل السكن في الوقت ده
تهاني 
معقوله الكلام ده يا سلمى اسمها ايه البنت دي وانا اشوف موضوعها ده
سلمي 
اسمها ساندي اشرف معانا في الاوضة
تهاني 
طيب تعالي معايا نشوف حكايتها ايه 
ودخلت عليهم تهاني وكانت ساندي بتلبس عشان تنزل تخرج وقالت 
انتي بتعملي ايه ياساندي انتي خارجة ولا ايه
ساندي ارتبكت وقالت 
انا انا انااا ااه يامس تهاني انا بصراحة كنت نازله اجيب اكل من الكانتين اللي تحت بس
تهاني 
امممم هو انتي صحيح كل يوم بتخرجي وترجعي متأخرة
ساندي 
ايه انا انا وبصت لسلمى وقالت لا يامس لا طبعا الكلام ده محصلش ابدا حتى اسألي البنات اللي معايا في الاوضة وهما يقولو لك
محدش اتكلم ولا نطق منهم 
ساندي 
انا عايزة اعرف مين