حماتى خدت بنتى منى

هنا خدامة ولو عايزاها تعمل لك اي حاجة خليها تعملها بس ولو قالت لك لا قوليلي بس وانا اخلي نهارها اسود
وراحت ضړباني برجلها في وشي وقالت
اغسلي عدل يابت واخلصي وراحت قايله لأوائل يلا ياحبيبي خود مراتك وادخلوا الاوضه جوه يلا
و خلو جوه وفضل مع بعض وحماتي قالت لي
قومي يابت ادخلي المطبخ طلعي لحمة وفراخ من الفريزر واعملي احلى اكل للعرايس خليهم يتقوتو عرسان جداد بقا
سبتها ودخلت المطبخ وعملت الاكل وكل حاجه
وبعد كام يوم كنت حاسه اني تعبانة اوي من الحمل ومن كتر شغل البيت وواقفه عماله اعيط في صمت عشان محدش يحس بيا
وهند لاحظت عليا قالت لي
انتي مالك انتي تعبانة ولا ايه انا بشوفك شغاله ليل نهار ومش بترتاحي ابدا هما بيعملو فيكي كده ليه
دعاء بټعيط 
بيعملو فيا كده عشان هما ظلمة ومش يعرفو ربنا اذا كانت حماتي وبنتها وابنها كمان اللي جوزك وانا غلبانة ومليش حد في الدنيا غير امي اللي منوعها تجي لي ومناعوني اروح عندها انا كل يوم بدعي ربنا ياخدي عشان اخلص من اللي انا فيه ده
هند
انتي عارفه يادعاء انا اول ماشوفتك صعبتي عليا اوي بس اطمني انا هجيب لك حقك منهم اذا كان حماتك ولا بنتها هما مش شايفين نفسهم قوين انا بقا هوريهم اقعدي انتي ارتاحي
وحسيت ان
هند طيبه معايا وفي يوم كانت عزه بتتكلم في التليفون وقالت
نعمممم ياخويا يعني انت تاخد الفلوس اللي انا سرقتها من امي عشان تديها للمحروسة مراتك وجاي كمان تقولي اني مليش حاجة ومش هتتجوزني لا يانشات ده انا اروح فيك في داهية
بتقول ايه انت مصورني فيديو وانا معاك اخس عليك بقا دي اخرتها انت ناسي انك اول واحد لمسني وبدل ماتتجوزني خلتني اروح اعمل عمليه وارجع بنت تاني ده بعمل كل حاجة عشانك طيب خلاص هجي لك
وقفلت مع نشأت ولسه بتدور لقت هند واقفه وراها وقالت لها
يلهوووي ده انتي طلعتي داهية ومحدش عارف هيهيهي ايييه ده كله ياست هند ايه ده كله
عزه
هو ياختي ده انتي بتتكلمي على ايه لا اسمعي يابت ده انا نابي ازرق اوعي تكوني فاكره انك هتهددني لااا ده اقلب ال............
وقبل ما تكمل كلامها هند قالت
بلا تقلبي بلا تعدلي واذا كان انتي نابك ازرق انا نابي اسود مفحم ياختي بقا انتي تسرقي امك وتلبسيها للبت الغلبانة وكمان مكنتيش بنت وعملتي عمليه لا وكمان بتروحي لواحد ده انتي طلعتي مصېبه يابت
عزه پخوف
انتي عايزة ايه دلوقتي مش عارفه
هند
وانا هاعوز منك ايه يامقشفه انتي انا بس عايزة ترحمي المسكينه اللي جوه دي وتخلي امك ترحمها هي كمان بدل ماخلي اللي مايشتري يتفرج عليكي ماشي ياحلوه
وهند سابت عزه واقفه ومشيت من قدامها وراحت قعدت جنب حماتها وندهت لعزه وقالت لها
ياعزه ياعزه بقولك ايه انا عندي صداع مخليني مش شايفه وعايزة اشرب قهوة ياريت تعمليها مظبوطة
حماتي ردت عليها وقالت
يووه طيب وعزه تعملك ليه ماهي دعاء اهيه تعملك انتي يا زفته يلي اسمك دعاء انتي
هند
اهدي على نفسك ياحماتي دعاء ايه لا دي عزه اللي هتعملي القهوة وكمان بالمره تشطب المواعين اللي في الحوض مش كده برضو ياعزه
عزه بغل
ااه يامرات ياخويا كل اللي انتي عايزاه هعمله