رواية_كامله

عنه وراح عليهم السواق جري مسك في فريد
السواق انت مين وعايز ايه 
فريد عايز اخد روحك .
مسكه فريد رزعه في الارض ونزل عليه ضړب يمين وشمال لما دشمل ملامحه .. وفي أثناء ده الدكتور والممرضة خافوا وجريوا اختفوا
فريد دغدغ السواق لحد ما شبه اغم عليه ..
هند واقفة دايخة ودماغها متعوره .. وباصة لفريد ومبتسمة
فريد شال السواق حطه في العربية .. رجع مسك ايد هند ورجع بيها ركبها العربية قدام
راح القسم سلم السواق للحكومة وحكي للظابط علي كل اللي حصل .. اخد هند وراح بيها المستشفي
هند قاعدة علي السرير بتجهز حاجتها عشان يخرجو من المستشفي
هند بتبص لفريد بامتنان شكرا يافريد 
فريد بيحط الأدوية في الشنطة الشكر لله يا هند انا معملتش حاجة
هند لا طبعا عملت وكتير كمان .. وانا مش هنسالك جميلك ده العمر كله
هند زي اختك 
فريد اه طبعا زي اختي .. يلا نقوم نمشي بقي 
هند امممم .. يلا
خدها فريد وركبوا العربية عشان يوصلها البيت 
في البيت اللي فيه مها
مها قاعدة في الأرض بهدوم كتب الكتاب مهرية عياط وعيونها ورمة وحمرا .. من اللي حصلها واللي لسة هيحصل لما تتجوز مصطفى
يارب انا مش هستحمل اتجوز واحد غير بدر .. انا مش هستحمل اصلا اتجوز واحد كل هدفه من جوازتي انه يعذبني ويطلع عليا كل عملته بټعيط اكتر يارب انا كان نفسي يوم مااجي البس هدوم كتب كتابي اكون اسعد واحدة في الدنيا مش اكون بالمنظر ده 
يارب والله انا توبت ومش هعمل حاجة في حد تاني بس الحقني من الموقف ده يارب
مصطفى بيفتح الباب ها خلصتي 
اخدها مصطفى وخرج بيها علي برا .. المأذون قاعد وقدامه اتنين شهود ومصطفى
بدأوا يكتبوا الكتاب 
بعد ساعة في شقة بدر 
بدر تليفونه بيرن مصطفى
بدر ايه يابني عملت ايه
مصطفى عملت اللي اتفقنا عليه بالحرف .. ومن شوية كتبنا الكتاب وخلصنا خلاص
بدر اوعي تكون لمستها يا مصطفى امبارح هي مكانتش مراتك واحنا مش قد ڠضب ربنا علينا
مصطفى عيب عليك يا بدر مش انا اللي تقوله الكلمة دي
انا سبكت الفيديو زي ما يكون حقيقة ومن غير ماالمسها ولا اجي جنبها وهي صدقت
بدر كنت عارف انك قدها ياصاحبي .. ودلوقتي فاضل تكة واحدة .. اسمعني كويس وخليك جاهز عشان اول ما اديك رنة تعمل اللي هقولك عليه بالظبط
وهو بيكلمه سمع صوت عالي اووووي جاي من برا باب الشقة بتاع واحدة بتخبط ع الباب وبتزعق
بدر اقفل اقفل اما اشوف فيه ايه .. وركز مع الواتس عشان لو بعتلك حاجة
زهره جاية من جوا بتجري عشان تفتح الباب 
فتحت لقت عبير في وشها
زهره ايه ياماما مالك في ايه
عبير كلمة ماما دي مسمعهاااااش انا مش امك امك مااااتت عملتي في بنتي اااااايه يازهره 
مكفاكيش كل اللي عملتيه فيها وجوازك من خطيبها وانها سابتلك الدنيا كلها ومشيت عملتي فيها ايه تاني
زهره بصالها وساكتة 
عبير انطقي عملتي فيها ايه يا وش المصاااايب عملتي فيها ايه يخلي ابوها يتبرا منهااااا
بدر جه وقف جنب زهره
زهره انا معملتش حاجة ياماما بنتك هي اللي عملت في نفسها وفينا كلنا
عبير وكمان بتتبلي عليها لا ده انتي محتاجة تتربي من اول وجديد
بترفع ايديها عشان تلطشها بالقلم راح بدر ماسك ايديها
بدر لا اعذريني ياماما .. الكلام ده كان زمان
إنما دلوقتي زهره مراتي وفي حمايتي ومحدش ليه الحق يمد ايده عليها
والبيت اللي واقفة فيه ده بيتها وملكها ف بعد اذنك لو عايزة تكوني موجودة فيه يبقي تحترميه وتحترميها
يااخي ده انت طلعت زبا.....
زهره بقوووولك ايه ياام فريد .. اللي عايزة تغلطي فيه ده جوزي وانا اسمح بأي حاجة إلا دي 
زهره

بتاعة زمان اتبخرت خلاص واللي موجودة دلوقتي لا هتسمح لحد يدوسلها ولا يدوس لجوزها علي طرف .. واه بدر عنده حق لو مش هتحترمي البيت اللي واقفة فيه يبقي بلاش تدخليه احسن 
كلامي ده مكنتش عمري هقوله لأمي بس للأسف انتي مش أمي ولا عمرك اعتبرتيني بنتك والقشة اللي قطمت ضهر البعير قولتيها من شوية لما حرمتيني حتي من كلمة ماما .. يبقي انا آسفة ملكيش عندي غير الوش ده وكفايه أذية اوووي لحد كدا منكو بقي
عبير واقفة بصالها ومصډومة
وفجأة .. لقوا مها داخله من باب الشقة وماسكة ايد مصطفى
مها زهره عندها حق ياماما
انا فعلا كنت السبب في كل حاجة حصلت
عبير بتبصلها بإستغراب وصدمه انتي ايدك في ايد مصطفى كده ليه يامها 
مها انا اتجوزت مصطفى ياماما 
رواية تزوجت اختها
الفصلين 15 و 16
الفصل الخامس عشر 15
مها زهره عندها حق ياماما
انا فعلا كنت السبب في كل حاجة حصلت
عبير بتبصلها بإستغراب وصدمه انتي ايدك في ايد مصطفى كده ليه يامها 
مها انا اتجوزت مصطفى ياماما
وبعد لحظات سكوت من الكل .. زهره بتبرق وبتبص ل بدر
عبير بترجع ل ورا خطوة من صډمتها انتي بتقولي ايه يامها 
مها بقول اللي سمعتيه ياماما .. انا اتجوزت مصطفى وهكمل معاه حياتي
فريد بيبرق وعروقه بتنفر هي حصللللللت .. بتتجوزي من وراااااانا .. ده انا هدغدغ دماغك
عاصم داخل من الباب فررررريد .. اقف مكانك
فريد بيلف بيبصله اقف مكاني ايه يابابا دي بتقولك اتجوزززززت البت دي لازم تموووووت
عاصم وانا سبق وقولتلك البت دي مبقتش اختك اصلاااا تتجوز ولا تولع بجاز انت مالك
دي خلاص عيارها فلت ومبقتش تبعنا ولا تخصنا
فريد مش تبعنا ولا تخصنا ازاي يابابا مهمااا كانت متتعاشرش دي لحمنا ودمنا بيجري في ډمها هنسيبها تمرمط اسمنا في التراب يعني !!!!
اللي اسمه شريف يخطفها وېلمس شرفها ويصورهااا كمان وبدر ساب مها واتجوز زهره عشان يحميها ويحافظ علي سمعتها وبعد كللل ده حاولت ټقتلها ومكافهاش راحت اتفقت مع شريف تاااني عشان يخطفها تاني ..
دي شيطانة وعدلها المۏت ومتستاهلش لحظة تكون وسطنا
بيبص ل مصطفى وانت يابني أيا كان السبب اللي اتجوزتها عشانه ف انت ظلمت نفسك
عبير العيب كله كان مني انا من البداية يا زهره انا اللي دلعتها واديتها حريتها تالت ومتلت وحسستها طول الوقت انها أحسن منك واغلي منك عشان انا امها هي مش امك انتي رغم انك كنتي بتوديني عنها
واخرتها بعد ده كله سابت الدنيا كلها وجت تأذيكي انتي وانا كنت بساعدها في اذيتك من غير مااحس .. حقك علي راسي وفي رقابتي يازهره
بتلف ناحية السفرة وبتمد ايديها تاخد السکينة من طبق الفاكهة وحقك ده انا هاخدهولك دلوقتي واكفر عن كل اللي عملته السنين اللي فاتت .. عاصم كان عنده حق لما قال البت دي لازم
مها خدت الضړبة ووقعت في الأرض
كلهم مبرقين ومصډومين من اللي شايفينه من ناحيه ومحدش عنده قابلية يجري عليها من ناحية تانية
عاصم غمض عينه جامد وخد نفسه 
زهره بتتحرك ناحيه مها .. وبتقعد جنبها في الأرض وبتبصلها بسكوت ودموعها نازلة
شالوها بسرعة ونزلوا يجروا بيها حطوها في العربية وجريوا ع المستشفي
قصاد غرفة العمليات زهره وبدر وهند وعاصم وفريد وعبير
واقفين مستنيين وكلهم قلقانين
الدكتور خارج من اوضة العمليات ووشه مش مبسوط ..
فريد خير يا دكتور طمننا
مها عدت الخطړ هتعيش يعني
الدكتور بيبص في الأرض للأسف الخبر اللي هقولهولكو دلوقتي مش حلو ف حاولوا تتماسكوا
عبير باصة قدامها ومبتنطقش بكلمة ولا حتي بتتلفت ع الدكتور
زهرة قربت من الدكتور خبر ايه 
الدكتور لا مماتتش متقلقوش هي عايشة وقدرت تتجاوز الخطړ وخيطنا الچرح الحمدلله
بس الخبر اللي مش حلو إننا عملنا استئصال للرحم 
كلهم اتصدموا ااااايه 
ليه استئصال وازاي تعملوا كدا من غير ما تقولونا ونمضي علي إقرار سواء موافقين ولا لا
الدكتور الطعڼة كانت قوية جدا وبسببها حصل ڼزيف جامد جدا في الرحم ومكانش فيه وقت نخرج نقولكم ولا ناخد إذن واضطرينا نعمل استئصال بسرعة عشان نحافظ علي حياتها .. انا
فريد بيدب بايده ع الحيطة
مصطفى بيغمض عينه وبيحط ايده على عينه من الصدمة رغم إنه متجوزها اڼتقام وعارف انهم مش هيكملوا بس الإنسانية توجب عليه يزعل عليها في موقف زي ده 
زهره دموعها نزلت وقعدت في الأرض مكانها .. عبير مازالت باصة قدامها وبتعيط بصمت من غير ما تعمل اي رد فعل
الدكتور هي حاليا في الافاقة وشوية وهتتنقل في اوضتها
فريد لا لا تعالي يادكتور انا هفهمك كل حاجة
فريد اخد الدكتور ومشي عشان يحاول يتصرف بعيدا عن المحاضر
عاصم انا مش عايز حد يعيط
ده أقل عقاپ من ربنا ليها علي كل حاجة عملتها ويارب اللي حصل ده يكفرلها عن جزء من ذنوبها .. امسحي دموعك يازهره
بدر راح على زهره سندها وقومها من الأرض وخدها وخرج بيها من الطرقة .. دخل بيها طرقة جانبيه مفيهاش حد عشان يبعد عنهم
بيمسحلها دموعها اجمدي يا زهره مش كده
بدر معقول بټعيطي عليها بعد كل اللي عملته فيكي !
زهره بټعيط زياده مش قادرة أكون زيها يا بدر
مش قادره احجر قلبي ومزعلش إن مستقبلها ضاع وعمرها ما هتعرف تبقي أم
انا عارفة انها غلطت واوي كمان وتستاهل اكتر من كدا ومفيش عقاپ هيكفر عن اللي عملته بس العقاپ ده ۏجع قلب اوي
بتتشحتف مش قادره أنسى إنها اختي يا بدر
بدر عينه بتدمع وبياخدها في حضنه جامد
بدر انا عمري ما شوفت حد زيك يا زهره
انتي مكانك مع الملايكة اقسم بالله مش معانا هنا ..
زهره بمناسبة الجواز .. هو انت اللي خليت مصطفى يتجوز مها صح 
بدر ازاي دي مش وقتها ولا مكانها بس اللي مهم

اقولهولك دلوقتي واطمنك
إن مبقاش فيه ولا نسخة للفيديو بتاعك خلاص .. فركش
زهره بتتفاجئ ايه ده بجد 
بدر أيوة بجد .. من هنا ورايح تقدري تتنفسي بقي الهم اللي كان علي قلبك خلاص انزاح
زهره انا مش عارفة اشكرك ازاي يا بدر على كل اللي عملته معايا ومازلت بتعمله
بدر اشكريني بإني أشوفك قوية وماسكة نفسك ومشوفش عينك وارمة عياط بالطريقة دي تاني .. ممكن 
زهره بتمسح دموعها كويس ممكن
في الغرفة اللي فيها مها 
مها نايمة ع السرير ومتعلق محاليل في ايديها .. قدامها واقف بدر وزهره وفريد ومصطفى وعاصم وعبير
مها بتبدأ تفوق براحة .. بتبص حواليها
مها باستغراب وتعب انتو انتو واقفين كلكو كدا ليه
مصطفى انتي في المستشفي يامها
مها ليه هو ايه اللي حصل
جاية بتتعدل عشان تقوم لقت ۏجع بشع في بطنها بس الچرح والخياطة .. قالت ااااه بصوت عالي ورجعت لورا تاني بسرعة ..
حاطه ايديها على بطنها والايد التانية علي دماغها وبتفتكر شريط اللي حصل كله
بتفتح عينيها تاني على صوت عبير
عبير أيوة يا مها انا حاولت اقټلك ولو رجع بيا الزمن كنت دبيت السکينة في بطنك ٥ ٦ مرات لحد مااتأكد انك غورتي في داهية بجد
مها بتبصلها ودموعها نازلة ماما حقك عليا انا اس
مها بإستغراب المفروض الچرح في مكان واحد