رواية_كامله
ليه حاطين اللزقة دي كلها علي بطني !!!
عبير بتبص الناحية التانية وبتسكت .. فريد فتح الباب وخرج
فهموني ايه اللي حصلي .. ليه اللزقة دي كلها علي بطننني اااه پتتوجع لما علت صوتها
عاصم من حفر حفرة ل أخيه وقع فيها يا مها
خططتي ورتبتي وعملتي كل الأفكار الشيطانية دي عشان ټأذي اختك قام ربنا لغبط كل حساباتك وعاقبك عقاپ هتعاني منه بقيت حياتك لحد ما ټموتي
عاصم شالولك الرحم يا مها .. يعني انتي عمرك ما هتقدري تكوني أم خلاص
مها بصاله ومصدومه .. بتنزل عينيها لتحت وبتبلع ريقها
مها انت بتقول ايه يابابا
مها دموعها بتنزل ومبتعلقش ب ولا كلمة
بتتعدل وبتنزل من عالسرير بتقعد في الأرض وبتمسك بطنها
وشها بيحمر وبيزرق من الۏجع وبصوت عالي
بتقول اااااااه ممزوجة بعياط وقهرة
ومحدش فيهم بيروح يطبطب عليها ولا بيبصلها
فضلت مها قاعدة في الأرض عمالة پتتوجع وتتأوه من ۏجع بطنها وۏجع قلبها .. لحد ما ممرضة سمعت صوتها
عدى حوالي 3 ساعات وجه الوقت إن كلهم يروحوا ويفضل شخص واحد معاها مرافق ..
مصطفى انا هقعد معاها الليلة دي ياجماعه يلا روحوا انتو ارتاحو وبكرا الصبح بإذن الله هعمل إجراءات الخروج واجيبها وارجع ع البيت
مصطفى حاضر يا حج اللي تؤمر بيه
بدر وزهره وعاصم وعبير وفريد خرجو ركبوا العربيات ورجعوا علي البيت
عبير وعاصم وبدر وفريد قاعدين ..
زهره داخله عليهم انا جهزت الأكل ياجماعة تعالوا ناكل لقمة يلا
عاصم لا يا زهره انا مش قادر احط لقمة في بوقي اعفيني انا
بدر اسمع كلامها ياحج وقوم نزل اي حاجة معدتك قلة الاكل مش هتفيد يلا يا مرات عمي قومي ناكل لقمة كدا يلا يافريد
وهما بيتكلموا الباب خبط ..
زهره راحت فتحت الباب .. لقت هند في وشها
سابت الباب مفتوح ودخلت علي جوا قعدت
هند داخلة طب مش تقوليلي اتفضلي يازهره وانا داخله بيتكم ..
هند سمعت ان مها دخلت المستشفي وبتعمل عملية وكدا روحت علي المستشفى مرضيوش يدخلوني وقالولي ان معاها مرافق والباقي ييجي بكرا فقولت اجي هنا ع البيت
بدر مش وقته ياهند بعدين ابقي اعرفي اللي حصل
هند تمام .. بما انكو قاعدين كلكو بقي ومتجمعين انا عاوزاكم في موضوع مهم
كلهم بيبصولها بتركيز .. عبير بتمسح دموعها وبتبص ناحيتها
هند انا عارفه ان ممكن ده ميكونش الوقت المناسب اللي افتح فيه موضوع زي ده .. وممكن ميكونش صح إني انا اللي اقول اللي هقوله من الأساس بس انا عندي هدف ونية خير والله
عاصم قولي احنا سامعينك ..
هند بتقدم كام خطوة وبتقف قدام فريد
هند انا جيالكم قدام أهلك كلهم عشان يكونو شاهدين علي اللي هقوله ليك
فريد عايزة تقولي ايه يا هند
رواية تزوجت اختها
الفصل السادس عشر 16
بدر انتي خرفتي يا هند ولا ايه
هند لا مخرفتش يا بدر دي الحاجة الوحيدة الحقيقية اللي شايفاها اصلا
هكررلك السؤال تاني يافريد .. تتجوزني
هو انا فجأة كده بقيت استايلك
هند انا عارفة إني غلطت معاك كتير وقولت كلام ميتقالش ورفضتك بطريقة بشعة ودلوقتي ادركت الغلط ده وعرفت إنك راجل بجد وإني أكبر خسارة هخسرها في حياتي لو سيبت واحد زيك يضيع من ايدي بالذات بعد اللي عملته معايا وتركيزك لما شوفت العربية الغريبة اللي ركبت فيها وانك تمشي ورايا عشان تخلي بالك مني وبعدين تنزل تنقذني وتعمل اللي عملته لو واحد غيرك كان خاف وقال انا مالي بس انت مش كده
وعشان كده انا موافقة على عرض الجواز اللي عرضته عليا يافريد
فريد ومين قالك إن العرض ده لسة مستمر
هند بإستغراب يعني ايه !!
فريد يعني انا هقولك كلمتين فيهم الخلاصة
إن كان ع اللي عملتيه معايا سواء لما كنت بطلبك او الڤضيحة اللي عملتيها ع السلم ف انا تمام خلاص ومش زعلان من حاجة وإن كان على اللي عملته معاكي فانا قولتلك من ساعتها انك زي اختي وطبيعي هعمل معاكي كده
انا مش عايزك يا هند ولا عايز اتجوزك
فريد مش هردلك الكلمة بتاعتك واقول مش استايلي عشان انا راجل وده مش أسلوبي
عشان اللي يهون عليه نفسه ورجولته متستبعديش إنك تهوني عليه يرميكي في الشارع بعد كده .. وانا قولتهالك قبل كدا وهرجع اقولهالك تاني يا هند
ربنا يوفقك وتلاقي الاستايل اللي بتدوري عليه
هند پصدمة عارف ازاي يعني !
فريد انا مش اهبل ولا صغير يا هند الإعجاب اللي حسيته ناحيتك اول يوم شوفتك فيه شوفت زيه بالظبط في عينيكي وطول السنتين اللي فاتوا انا كنت شايف نظراتك وحركاتك وقربك من مها وزهره عشان تيجي عندنا البيت بسبب ومن غير سبب وتشوفيني كنت شايف رفضك الغير مبرر لأي عريس بيجيلك ورفضك حتي ترتبطي بأي حد من كل اللي حاولوا معاكي في الجامعة
الحب اللي كان
بيتطور جوايا ليكي كنت شايفه بيتطور جواكي ليا انتي كمان .. وعشان كدا قررت اصارحك واقولك اني عايز اتجوزك بس للأسف نسيت تفصيلة مهمة جدا
فريد نسيت إنك بتحبي نفسك اكتر ما بتحبي اي حد تاني وان صفة النرجسية واخدة حقها معاكي اوي
فضلتي سنين بتحبيني من تحت لتحت وبتتعاملي معايا بطريقة زفت عشان محسش بحاجة ويوم ماجيت اقولك انا بحبك وعايز اتجوزك رفضتيني وقولتيلي اسوء كلام في الدنيا وده ليه
عشان كنتي منتظرة اني اتحايل عليكي وانزل علي رجلك ابوسها واقولك لا ارجوكي توافقي بيا انا بحبك بقالي سنين وبلا بلا بلا بلا وساعتها صفة النرجسية اللي عندك تتشبع ويوم ماتوافقي بيا تعيشي بقيت حياتك زلاني ومحسساني انك عطفتي عليا لما وافقتي بيا
بس بعدها اتفاجئتي إني راجل وعندي كرامتي رقم 1 ولو الحب هو اللي هيهين كرامتي هرمي قلبي تحت عربية نقل يتهرس ومش همشي وراه
هند پصدمة انت بترفضني يا فريد !!!!
فريد بيهز دماغه ايوووون برفضك ويارب رفضي ليكي ده يعمل لدماغك صدمة كدا ويعالج نسبة من النرجسية اللي بتجري في دمك دي
هند بتمشي خطوات وبتقف قدام زهره انتي مش هتعملي حاجة يا زهره
زهره بتبص ل بدر بدر انا لا عايزة ازعلك ولا ازعل ماما وهي تخصكوا .. ف رد انت عليها
بدر مش كفاية فضايح لحد كده بقي
هند فضايح ايه يا بدر انا بحبه والله العظيم بحبه
بدر اقسم بالله كلمة كمان وهرزعك كف اسخطك عيلة صغيرة تاني واربيكي من أول وجديد .. قدامي يا هند
هتيجي معايا يا زهره ولا هتخليكي معاهم
عاصم لا يابني خدها معاك انا هكون متطمن عليها اكتر في بيتها ومعاك
بدر تمام .. يلا يا زهره تعالي معانا
عاصم بيبص ل فريد ليه يابني كدا
رفضتها ليه دي هند محترمة بردو وواثقين في تربيتها
واللي نعرفه احسن م اللي منعرفوش
فريد ولو اللي نعرفه ده نعرف عنه انه هيتعبنا في حياتنا هنروحله بردو
عاصم انا معرفش تفاصيل اللي حصل بينك وبينها بس شكلك شايل بزيادة عموما يابني فكر تاني وانت كبير وعارف مصلحتك فين
واللي فيه الخير يقدمه ربنا
عبير انا هقوم أنام عشان تعبانة
بيروح بسرعة ناحيتها وبيقعد جنبها
فريد انا عارف إنك قاعده معانا دلوقتي ومخك في عالم تاني بس بالله عليكي ياماما ما تيجي علي نفسك زيادة عن اللزوم عشان متتعبيش
انا لحد دلوقتي ماسك نفسي ومش عايز اعمل حاجة عشانك انتي وابويا بس لو حصل لحد فيكو حاجة لا قدر الله انا هعمل ياماما ومش بقول اي كلام
عبير عينيها بتدمع بتحط ايديها علي وشه من غير ما تنطق ب ولا كلمة .. وبتقوم تدخل علي اوضتها وتقفل الباب
مصطفى رايح جاي قدام الغرفة اللي فيها مها .. وفجأة حس بصوت منازعة
فتح الباب ودخل ع الاوضة بسرعة
لقى مها نايمة ع السرير رايحة في النوم وعمالة تتوجع وتخرف بكلام غريب وټعيط في نفس الوقت
بص عليها من بعيد شوية .. وبعدين قرب عليها وحط ايده علي دماغها
مصطفى يالهوي ده انتي سخنة ڼار !!!
خرج على برا بسرعة ينده الممرضة تيجي تديها خافض حرارة
بدر بيبص لهند ممكن أفهم ايه اللي حصل هناك ده!!
بدر انتي مبتحبيش إلا نفسك ياهند فوووقي
هو اللي يحب حد يعمل فيه اللي انتي عملتيه فيه !!
لازم قبل ما تنطقي كلمة بحبه دي تعرفي الاول يعني ايه حب وتتعلمي ازاي تحبي وبعدين تبقي تحبي وتدخلي في علاقة
وحتي لو ده حصل المفروض تتبعي الأصول احنا مش عايشين في اوروبا عشان تروحي بنفسك ووسط كل الناس دي تقوليله يلا تعالي اتجوزني انا موافقة عليك ايه ملكيش اهل ولا فاكره نفسك طالعة من مسلسل تركي!
هند انا آسفة يا بدر .. بس ابوس ايدك ساعدني انا بجد بحبه وعايزاه وخلاص فهمت غلطي
زهرة بتتقدم وبتقف قدامها انا اكتر واحدة عارفة اخويا
وعارفة ان عزة نفسه عنده رقم واحد ومش بسهوله هيوافق بيكي بعد اللي عملتيه .. بس في نفس الوقت مش مستحيل
زهرة بمعنى انك لو عايزة تكفري عن اللي عمليته بجد وترجعي لمكانك في نظره تاني لازم قبل ما تفكري تصلحي علاقتك بيه تصلحيه من نفسك ومن تفكيرك وهو لما يشوفك بتتغيري قدامه بجد يمكن يرجع يفكر فيكي تاني ويوافق بيكي
بس خليكي فاكره اني قولتلك مش بالساهل خااالص
هند بتبتسم وانا هعمل المستحيل عشان ارجع مكاني في قلبي تاني وعايزة اشكرك اوي على انك بتنصحيني بعد كل اللي عملته معاكي
زهره بتبص في الأرض وبتسكت
قامت هند فتحت الباب ونزلت على شقتها
زهره مش ناوي تقولي بقي مصطفى اتجوز مها ازاي
مصطفى ايه يا بدر .. فيه جديد ولا ايه
بدر اه بدر بيحكيله اللي حصل قبلها بدقايق
بدر فاكر الخطة اللي كنت قولتلك عليها قبل كدا وكنا مأجلين تنفيذها وحاطينها احتياطي لو حصل حاجة
مصطفى الخطة اللي تخص مها يعني
مصطفى اه فاكرها .. مالها
هتخطفها وتوهمها إنك عملت معاها كللل حاجة وفيه إثبات بفيديو كمان فيه فضيحتها وهتسبك الموضوع سبكة محترمة بس اهمممم حاجة يا مصطفى متلمسهاش
مصطفى تمام .. والفيديو اللي معاها
بدر هتوصله بأي طريقة وتمسحه
مصطفى وايه يضمنك انها متحاولش تعمل اي حاجة تاني وتأذيكو
مصطفى اقصد اننا لازم نعمل حاجة أكبر من كدا نعجزها بيها ونزيح من دماغها فكرة ان الحاجز الوحيد بينها وبينك زهره وانها لو حصلها حاجة هتعرف ترجعلك
لازم يكون فيه سبب أكبر من كدا قدام عينيها يمنعها تفكر فيك اصلا
بدر وهيكون ايه السبب ده
بدر انت هتقبل علي نفسك تتجوز واحدة زي دي وتتحسب عليك
