اسكربيت- حصرى بقلم سارة نيل

قادرة أنسى..
طبطب على قلبي وأبعد عني كل إنسان عايز يأذيني يارب لو في خير قربه ولو شړ ابعده يارب.

خلاص يا بيسان حددتوا كتب الكتاب إنت من جواك مطمنة.
قالت ببهجة وراحة نطقت بها ملامحها
الحمد لله يا أسماء سبحان الله حاسة براحة عجيبة ربنا ريح قلبي وبين ليا دلالات كتيرة حقيقي القرب من ربنا جميل وبيخليك مرتاحة جدا هو الحل لكل حاجة.
الحمد لله يا بيسان الناس كلها مش زي بعضها يا حبيبتي مش لازم علشان شوفنا حاجة وحشة من شخص معين يبقى باقي الفئة من الناس دي زيه..
حقيقي فعلا يا أسماء .. يوسف مختلف وحد جميل جدا من جوا بعترف إن ظلمته بتفكيري كتير بس سبحان من وضع له القبول بقلبي وحبه بدأ ينبت فيه وهو بيروي ويعتني بالنبتة دي بتصرفاته الرقيقية..
تنفست بعمق وقالت بكل رضا
أقدر النهاردة أقول إن تخلصت من كل الهواجس والخۏف إللي جوايا لما شوفت الكويس وقربت من ربنا هدى قلبي..
قالت أسماء بسعادة صادقة لأجل صديقة روحها
متعرفيش فرحتي بيك قد أيه يا بيسا ربنا يسعدك يا حبيبتي ويفرح قلبك يارب .. ويلا بلاش كتر كلام عندنا كتب كتاب ولازم نستعد كويس..
ضحكت بيسان من كل قلبها
يلا بينا يا سمكة..

مبارك يا بيسة قلبي.
شعرت بالخجل وتخضبت وجنتيها ثم همست على استحياء
الله يبارك فيك يا يوسف..
يووه أحلى يوسف سمعتها دي ولا أيه.
خلاص بقااا..
ااهوو خلاص بس أهم حاجة ما تقلب عليا دا أنا ما صدقت دا إنت مكونتيش طيقاني بأي شكل بصراحة سألت نفسي كتير عن سبب كرهك ليا حتى دايما كنت بطلب من ربنا يلين قلبك عليا ويرزقني قلبك..
لا تعلم لماذا تلك الكلمات كانت كخنجر مسمۏم خمش قلبها بلا رحمة..
رفعت رأسها وهي تسجل معه أولى ذكرياتها لتبني ربوع ذاكري لا يفنى..
مين قال كنت بكرهك أنا عمري ما كرهتك يا يوسف دا بس توتر من حياة جديدة مقبلة عليها.
ااه ريحتي قلبي الله يريح قلبك..
ابتسمت برقة فقال وهو يمسك كفها يرفعه على فمه قائلا
سنتين اتقدم وأترفض من غير حتى ما تعرفيني اتقبلت في المرة الستاشر.
كرمشت جبينها بدهشة واستفهمت بعدم فهم
قصدك أيه .. الكلام ده بجد!!
جد الجد كمان يا بستي.
ليه هو إنت كنت تعرفني.
امم.
طب إزاي أنا عمري ما شوفتك.!
كنت مرة في الجامعة بخلص شغل ليا وشوفتك خارجة من من مبنى العلوم وفضلت أزور الكلية مدة لغاية ما عرفت إنت مين وكلمت والدك بس إنت كنت دايما رافضة الفكرة..
بس أنا مزهقتش وكنت بعدي شهر وأكلم والدك إللي بعده كنت خاېف حد يتقدملك.
كانت في قمة دهشتها ... حقا الله لطيف بعباده ...لطيف جدا.
أنا حبيت روحك يا بيسان وكنت بجتهد في سعي لك والطريق مكانش سهل ... كان محتاج صبر وعزيمة..
من ساعة ما هطلتي على قلبي بدأت أتغير طورت نفسي وشغلي وزادت علاقتي متانة بالله كنت بطلبك منه كل سجدة بكل إخلاص وتفاني ..
والحمد لله بعد الصبر جبر وربنا جبرني لأنه سبحانه كريم مش بيرد عباده خائبين.
ترقرق الدمع بعينها وهي لا تصدق هذا ما كانت تخشاه وتظن فيه الظنون إنه بعيد كل البعد عن تلك القذرات نظيف من الداخل لا ينافق تعترف أنها اكتالت عليه ظلما شديد.
إنت عوض وجبر بقالي كتير مستنياه بقا ليك كتير أوي في قلبي يا يوسف.
أنت شيء آخر لم يسبق
لك في التاريخ مثيل ولن يأتي مثلك في الدنيا شبيه.
بحبك يا بيسان وعايز منك صبيان وبنات.
وحبي هيقوله فعلي وهيبقى ثماره ولادنا.
غاصت بأحضانه الدافئة الحنونة وهمست بداخلها بعزم
اتعلمت الدرس .. قبل ما أكون أم هكون صاحبة بنتي هقربها مني وأديها كل الحنية وأخليها تجري عليا لما يحصلها أي حاجة تحكي لأمها .. أمها وبس هطبق معنى الأمومة إللي كانت بعيد كل البعد عن إللي أنا شوفته.
أنا هحبها وهميزها وهعملها صاحبتي..
تمت بحمد الله
الفقيرة إلى الله سارة نيل
منتظرة رأيكم ومتنسوش اللايك 
بحبكم في الله.